رۆما 16
16
سڵاڤێن تایبەت
1ئەز خویشكا مە فیبیێ بۆ هەوە پەسەند دكەم، ئەوا كو خزمەتكارە ل جڤاكا باوەرداران#16:1 جڤاكا باوەرداران: ئانكو كەنیسە. ل فەرهەنگۆكێ بنێڕە جڤاك. ل كەنخریایێ. 2ب ناڤێ خودانی وێ ب شێوەیەكێ وەسا قەبیل بكەن كو ئەو شێوە بۆ پیرۆزكریان یێ گونجای بیت و د هەر تشتەكی دا وێ پێدڤی ب هەوە هەبیت، هاریكاریا وێ بكەن، چنكو هاریكاری بۆ گەلەك كەسان و بۆ من ب خۆ ژی كریە.
3سڵاڤان ل پریسكیلایێ و ئەكیلای بكەن، كو د خزمەتا مەسیح عیسای دا هەڤكارێن منن. 4ئەوان ژ پێخەمەت ژیانا من سەرێ خۆ دانا بەر مرنێ. نە ب تنێ ئەز، لێ هەمی جڤاكێن باوەردارێن نەجوهی ژی، سوپاسدارێن وانین. 5سڵاڤان ل وێ جڤاكا باوەرداران ژی بكەن، ئەوا ل مالا وان كۆم دبیت. سڵاڤان ل خۆشتڤیێ من ئەپاینەتۆسی بكەن، كو ئەو كەسێ ئێكێیە ل هەرێما ئاسیایێ باوەری ب مەسیحی ئینای#16:5 دەق ب خۆ دبێژیت: خێڤەیێ ئاسیایێیە بۆ مەسیحی.. 6سڵاڤان ل مەریەمێ بكەن، ئەوا ژ بۆ هەوە خۆ گەلەك وەستاندی. 7سڵاڤان ل ئەندرونیكۆسی و ل یونیاسێ بكەن، كو مرۆڤێن منن و هەڤالێن من یێن زیندانێ بوون، ئەو د ناڤ هنارتیان دا د ناڤدارن و وان بەری من باوەری ب مەسیحی ئینایە. 8سڵاڤان ل ئەمپلیاتۆسی بكەن، كو ژ بەر خودانی خۆشتڤیێ منە. 9سڵاڤان ل ئوربانۆسی بكەن، هەڤكارێ مە د خزمەتا مەسیحی دا، هەروەسا ل خۆشتڤیێ من ستاخیسی ژی. 10سڵاڤان ل ئەپەلیسی بكەن، ئەوێ باوەریا خۆ ب مەسیحی سەلماندی. سڵاڤان ل خەلكێ مالا ئەریستوپولۆسی بكەن. 11سڵاڤان ل مرۆڤێ من هیرودیونی بكەن. سڵاڤان ل خەلكێ مالا ناركیسۆسی بكەن، ئەوێن باوەری ب خودانی هەی. 12سڵاڤان ل تریفانایێ و تریفۆسایێ بكەن، ئەوێن خۆ د خزمەتا خودانی دا دوەستینن. سڵاڤان ل پەرسیسا خۆشتڤی بكەن، ئەوا گەلەك خۆ د خزمەتا خودانی دا وەستاندی. 13سڵاڤان ل هەلبژارتیێ خودانی روفۆسی بكەن، هەروەسا دایكا وی ژی كو بۆ من وەكو دایكەكێیە. 14سڵاڤان ل ئەسینكریتۆس، فلێگون، هێرمیس، پەتروباس، هێرماس و خویشك و برایێن ل گەل وان بكەن. 15سڵاڤان ل فیلولوگۆس، یولیا، نیریۆس و خویشكا وی، ل ئۆلومپاس و هەمی پیرۆزكریێن ل گەل وان بكەن. 16ب ماچەكا پیرۆز ژ لایێ من ڤە سڵاڤان ل ئێكودوو بكەن. هەمی جڤاكێن باوەرداران كو مەسیح خودانێ وانە سڵاڤان ل هەوە دكەن.
شیرەتێن دویماهیێ و خاترخواستن
17ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن. 18چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ#16:18 سالویسی: ب عەرەبی ‹مەلاقی› دلێ كەسێن سادە دخاپینن. 19گوهداریا هەوە گەهشتە گوهێن هەمیان، لەوما ئەز ب هەوە دلخۆشم. لێ من دڤێت هوین ل سەر باشیێ د هشیار بن و ل سەر خرابیێ د بێگونەھ بن. 20خودایێ ئاشتیێ د دەمەكێ نێزیك دا دێ ئبلیسی د بن پێیێن هەوە ڤە هەڕشینیت. كەرەما خودانێ مە عیسای ل سەر هەوە بیت.
21هەڤكارێ من تیمۆتاوس و مرۆڤێن من لوكیۆس، یاسون و سوسیپاترۆس سڵاڤان ل هەوە دكەن.
22ئەز تەرتیۆس، یێ ئەڤ نامەیە نڤیسی، وەكو خزمەتكارەكێ خودانی سڵاڤان ل هەوە دكەم.
23گایۆسێ مێڤاندارێ من و هەمی جڤاكا باوەرداران سڵاڤان ل هەوە دكەت. خەزنەدارێ باژێڕی ئەراستۆس و برایێ مە كوارتۆس سڵاڤان ل هەوە دكەن. 24كەرەما خودانێ مە عیسایێ مەسیح ل سەر هەوە هەمیان بیت. ئامین.
پەسنكرن بۆ خودێ
25ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو، 26لێ نوكە ل دویڤ فەرمانا خودایێ هەروهەر هەی، ب رێكا نڤیسارێن پێغەمبەران، ئاشكرا بوو، دا هەمی مللەت باوەریێ پێ بینن و گوهداریا وی بكەن، 27بۆ خودایێ ئێكانە كو ب تنێ ئەو یێ ئاقلمەندە، بۆ وی ب رێكا عیسایێ مەسیح، هەروهەر مەزناهی بیت! ئامین.
Currently Selected:
رۆما 16: BHD
Highlight
Share
Copy
Want to have your highlights saved across all your devices? Sign up or sign in
All rights reserved.