رۆما 15
15
نە ل رازیكرنا خۆ، لێ ل رازیكرنا یێن دی بگەڕن
1پێدڤیە ئەم یێن ب هێز، خۆ ل بەر لاوازیێن بێهێزان بگرین و ل رازیكرنا خۆ نەگەڕیێین. 2بلا هەر ئێك ژ مە ژ بۆ باشیێ ل رازیكرنا نێزیكێ خۆ بگەڕیێت، ژ پێخەمەت ئاڤاكرنا وی. 3چنكو مەسیح ژی ل رازیكرنا خۆ نەگەڕیا، لێ هەروەكو هاتیە نڤیسین: «ئاخفتنێن كرێت ژ لایێ وان ڤە یێن تە كرێت دكەن، كەفتینە سەر من.»#15:3 زەبوور 69:9 4چنكو هەمی تشتێن ژ كەڤن دا هاتینە نڤیسین، ئەو بۆ فێركرنا مە هاتبوونە نڤیسین، دا مە ب رێكا هەدار و هاندانا ژ نڤیسارێن پیرۆز دهێت هیڤی هەبیت. 5بلا خودایێ هەدار و هاندانێ وێ چەندێ بدەتە هەوە، كو هوین د ناڤ خۆ دا د رێككەفتی بن، ل گۆر نموونەیا مەسیح عیسای، 6دا هوین ب ئێك دل و ئێك دەنگ پەسنا خودێ، بابێ خودانێ مە عیسایێ مەسیح، بكەن.
مزگینی بۆ جوهیان و مللەتێن دی ئێكە
7لەوما ژ بۆ مەزناهیا خودێ ئێكودوو قەبیل بكەن، هەروەكو مەسیحی هوین قەبیل كرین. 8ئەز دبێژمە هەوە: مەسیح ژ پێخەمەت دیاركرنا راستگۆیا خودێ، بوو خزمەتكارێ سونەتكریان#15:8 ئانكو جوهیان، دا ئەو سۆزێن بۆ بابكالان هاتینە دان، دووپات كەت 9و مللەتێن دی ژ بەر دلۆڤانیا خودێ پەسنا وی بكەن. هەروەكو هاتیە نڤیسین:
«ژ بەر ڤێ چەندێ ئەز دێ د ناڤ مللەتێن نەجوهی دا پەسنا تە كەم،
سترانێن پەسنكرنێ#15:9 پەسن: مەدح و سەنا بۆ ناڤێ تە بێژم.»#15:9 زەبوور 18:49؛ 2 ساموئێل 22:50
10دیسان ئەو دبێژیت:
«گەلی نەجوهیان، شادیێ ل گەل مللەتێ خودێ بكەن.»#15:10 گۆتارا مووسای 32:43
11هەروەسا دبێژیت:
«پەسنا خودانی بكەن، هەی هەمی مللەتێن نەجوهی،
بلا هەمی نەتەوە پەسنا وی بكەن.»#15:11 زەبوور 117:1
12ئیشایا پێغەمبەر ژی دبێژیت:
«تایەك دێ ژ رەها یێشای#15:12 رەها یێشای: ئاماژەیە بۆ بنیاتێ مەسیحی. ل فەرهەنگۆكێ بنێڕە یێشا. دەركەڤیت،
ئەوێ بۆ حوكمداریێ ل سەر مللەتێن نەجوهی رادبیت،
مللەت دێ هیڤیا خۆ ب وی ڤە گرێ دەن.»#15:12 ئیشایا 11:10
13ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.
خزمەتا پاولۆسی بۆ مللەتێن نەجوهی
14ئەز ب خۆ ژ هەوە یێ پشتڕاستم خویشك و برایێن من، كو هوین ب خۆ ژ باشیێ دپڕن، ژ هەمی زانینێ د پڕكرینە و دشێن شیرەتان ل ئێكودوو بكەن. 15لێ من دەربارەی هندەك خالان، وەكو بیرئینان، ب وێرەكیەكا زێدە بۆ هەوە نڤیسیە، ژ بەر وێ كەرەما بۆ من ژ لایێ خودێ ڤە هاتیە دان، 16كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن. 17لەوما ژ دەولەتسەرێ مەسیح عیسای، ئەز ب خزمەتا خۆ یا كو بۆ خودێیە، شانازیێ دبەم. 18چنكو ئەز نەوێرم ل سەر تشتەكی بئاخڤم، ژبلی ئەوێن مەسیحی ب رێیا من ئەنجام داین، ژ بۆ بدەستڤەئینانا گوهداریا نەجوهیان بۆ خودێ، ب گۆتن و كریار، 19ب هێزا نیشان و مەندەهۆشیان، ب هێزا گیانێ خودێ. هۆسا ژ ئورشەلیمێ تا ئەلیریكومێ#15:19 هەرێمەكا رۆمایی بوو، ژ ئەلبانیا تاكو كرواتیا یێن نوكە بوو. ئەز گەڕیام و من مزگینیا مەسیحی ب تەمامی راگەهاند. 20ئارمانجا من ئەوە كو ئەز مزگینیێ ل وان جهان بدەم یێن ناڤێ مەسیحی لێ نەهاتیە بهیستن، دا ل سەر بنیاتێ كەسەكێ دی دانای ئاڤا نەكەم. 21لێ هەروەكو هاتیە نڤیسین:
«ئەوێن بەحسێ وی بۆ نەهاتیە كرن، دێ بینن،
ئەوێن نەبهیستی، دێ تێگەهن.»#15:21 ئیشایا 52:15
حەزا پاولۆسی كو سەرەدانا رۆمایێ بكەت
22ژ بەر ڤێ چەندێ، گەلەك جاران ئاستەنگ دكەفتنە رێكا من كو سەرەدانا هەوە بكەم. 23لێ نوكە، ژ بەر كو ئێدی جهێ من ل ڤان دەڤەران نەما و ئەڤە چەندین ساڵە ئەز حەز دكەم بهێمە نك هەوە، 24دەمێ دچمە ئیسپانیایێ. ئەز هیڤیدارم د رێكا خۆ دا هەوە ببینم و هوین هاریكاریا من بكەن بۆ ژ وێرێ وێڤە، پشتی ئەز دەمەكی چاڤێن خۆ ژ دیتنا هەوە روهن دكەم. 25لێ نوكە ئەز یێ دچمە ئورشەلیمێ، دا خزمەتا پیرۆزكریێن وێرێ بكەم. 26چنكو باوەردارێن مەقدۆنیا و ئەخایایێ پێخۆش بوو، كو هاریكاریەكێ بدەنە پیرۆزكریێن هەژار، ئەوێن ل ئورشەلیمێ. 27وان پێخۆش بوو و ب راستی ژی ئەو قەردارێن وانن، چنكو ئەگەر نەجوهی بووینە هەڤپشك د تشتێن روحانی یێن جوهیان دا، پێدڤیە ژی ئەو ب تشتێن ماددی خزمەتا وان بكەن. 28ئەڤجا دەمێ من ئەڤ كارە ب دویماهی ئینا و ئەڤ هاریكاریا هاتیە كۆمكرن گەهاندە دەستێ وان، ئەز دێ د رێكا خۆ دا بۆ ئیسپانیا سەرەدانا هەوە كەم. 29ئەز دزانم كو دەمێ ئەز بهێمە نك هەوە، ئەز دێ ب دەولەمەندیا بەرەكەتا مەسیحی ڤە هێم.
30گەلی خویشك و برایان، ئەز ب خودانێ مە عیسایێ مەسیح و ب حەزژێكرنا گیانێ پیرۆز هیڤی ژ هەوە دكەم كو هوین ل گەل من بزاڤێ بكەن، ب رێكا نڤێژان بۆ خودێ ژ پێخەمەت من، 31كو ئەز ژ وان بێباوەران ئەوێن د یەهودیایێ دا بهێمە قورتالكرن و خزمەتا من بۆ ئورشەلیمێ ژ لایێ پیرۆزكریان ڤە یا قەبیلكری بیت، 32داكو ب حەزا خودێ، ئەز ب شادی بهێمە نك هەوە و ل گەل هەوە بێهنا خۆ ڤەدەم. 33خودایێ ئاشتیێ ل گەل هەوە هەمیان بیت. ئامین.
Currently Selected:
رۆما 15: BHD
Highlight
Share
Copy
Want to have your highlights saved across all your devices? Sign up or sign in
All rights reserved.