1 تیمۆتاوس 6
6
دەربارەی رەفتارا بەنیان
1هەمی یێن كو د بن نیركێ#6:1 نیرك: ئەو دارە یێ ستۆیێ گایێن جۆتی ب هنجاڕی ڤە گرێ ددەت. بەنیاتیێ دا، بلا خودانێن خۆ هەژی هەمی رێزگرتنێ ببینن، دا ب خرابی بەحسێ ناڤێ خودێ و فێركرنا مە نەهێتە كرن. 2ئەوێن خودانێن وان د باوەردار، بلا ژ بەر برایینیێ رێزگرتنا وان كێم نەكەن، لێ بلا پتر خزمەتا وان بكەن، چنكو ئەوێن مفای ژ خزمەتا وان وەردگرن، باوەردار و خۆشتڤینە.
راسپاردەیێن پاولۆسی ژ بۆ تیمۆتاوسی
فێركرنێ و هاندانێ ب وان هەمی تشتان بكە. 3ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت، 4ئەڤە ئەو كەسەكێ دفنبلندە و تشتەكی تێناگەهیت. ئەو نەساخێ گەنگەشەیێ و شەڕەدەڤێیە، كو دبنە ئەگەرێ زكڕەشی، هەڤڕكی، بوهتان، گۆمانێن خراب 5و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ. 6راستە، خودێترسی قازانجەكێ مەزنە، ئەگەر مرۆڤ ل سەر تشتێ وی هەی یێ رازی بیت، 7چنكو مە تشتەك نەئینایە جیهانێ و ئەم نەشێن تشتەكی ژێ ببەین.#6:7 ئەیوب 1:21 8ئەڤجا ئەگەر مە خوارن و جلك هەبن، بلا ئەم ب وان د رازی بین.#6:8 پەند 30:8 9لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،#6:9 پەند 23:4؛ 28:22 10چنكو حەزژێكرنا پارەی رەها هەمی خرابیانە. ژ ڤێ حەزژێكرنێ هندەكان خۆ تێ وەركر و ژ باوەریێ ڤاڕێبوون و گەلەك برین ل خۆ كرن.
11لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ. 12د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای. 13ل بەرامبەر خودێ، ئەوێ ژیانێ ددەتە هەمیان و ل بەرامبەر مەسیح عیسای، ئەوێ ل بەرامبەر پیلاتۆسێ پونتی شاهدەییا باش دای، تە رادسپێرم#6:13 یوحەننا 18:37 14كو تۆ ڤێ فەرمانێ بێكێماسی و بێگازندە ب جھ بینی، تا دیاربوونا خودانێ مە عیسایێ مەسیح. 15خودێ دێ دیاربوونا وی د دەمێ خۆ یێ دەستنیشانكری دا ئاشكرا كەت، ئەو خودایێ هەژی پەسنێ#6:15 پەسن: مەدح و سەنا و سەروەرێ ئێكانە، پاشایێ پاشایان و خودانێ خودانان، 16ئەوێ ب تنێ وی نەمری هەی، د رۆناهیەكێ دا ئاكنجیە كو كەس نەشێت خۆ نێزیك بكەت، ئەوێ كەسێ نەدیتی و كەس نەشێت ببینیت، رێز و سەروەریا هەروهەر بۆ وی بن! ئامین.#6:16 دەركەفتن 33:20
17دەولەمەندێن ڤێ جیهانێ راسپێرە، كو د دفنبلند نەبن و هیڤیا خۆ ب دەولەمەندیا نە مسۆگەر ڤە گرێ نەدەن، لێ هیڤیا خۆ ب خودێ ڤە گرێ بدەن، یێ هەمی تشتان ب زێدەیی ددەتە مە، دا خۆشیێ ژێ وەرگرین.#6:17 زەبوور 62:10 18وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.
19هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.
راسپاردەیا دویماهیێ و سڵاڤ
20هەی تیمۆتاوس! ئەو تشتێ ب تە هاتیە راسپاردن#6:20 مەبەست پێ مزگینیا مەسیحیە. بنێڕە 2 تیمۆتاوس 1:14 بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە، 21ئەوا هندەك ب دویڤ كەفتین و ژ باوەریێ ڤاڕێ بووین.
كەرەم ل سەر هەوە بیت.
Currently Selected:
1 تیمۆتاوس 6: BHD
Highlight
Share
Copy
Want to have your highlights saved across all your devices? Sign up or sign in
All rights reserved.