1 تیمۆتاوس 5
5
رەفتاركرن ل گەل باوەرداران
1ل زەڵامێ پیر نەحەیتینە#5:1 پەرستن و پیرۆزی 19:32، لێ هان بدە، هەروەكو ئەو بابێ تە، رەفتارێ ل گەل گەنجان ژی بكە هەروەكو برایێن تە، 2ل گەل پیرەژنان ژی هەروەكو دایكا تە، ل گەل كچ و ژنێن گەنج ژی ب هەمی دەهمەنپاكی هەروەكو خویشكێن تە.
دەربارەی هاریكاریكرنا بیژنان
3رێزێ ل وان بیژنان بگرە یێن كو ب دروستی بیژنن. 4لێ ئەگەر بیژنەكێ زاڕۆك یان نەڤی هەبن، بلا ئەو ل بەراهیێ فێر ببن كو ئایینداریا خۆ ل گەل خەلكێ مالا خۆ ب ج‍‌ھ بینن و قەنجیێن دایك و بابێن خۆ ل سەر خۆ راكەن، چنكو ئەڤ چەندە جهێ دلخۆشیا خودێیە. 5بیژنا ب دروستی ئەوە یا بێ سەمیان، ئەوا هیڤیا خۆ ب خودێ ڤە گرێ دای و ب شەڤ و رۆژ ب نڤێژ و هیڤیكرنێ ڤە دمینیت. 6لێ ئەوا خۆ رادەستی خۆشیێن دلی دكەت، ئەو ب زیندی یا مریە. 7وان ب ڤان تشتان راسپێرە، دا د بێگازندە بن. 8لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل#5:8 ماندەل: ئینكار كریە و ئەو ژ بێباوەران خرابترە.
9بلا ناڤێ بیژنێ د تۆمارا بیژنان دا بیت، ئەگەر ژیێ وێ ژ شێست ساڵان كێمتر نەبیت و ب تنێ شویەك كربیت 10و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن#5:10 یوحەننا 13:5-17، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.
11لێ بلا ناڤێن بیژنێن گەنج د تۆمارێ دا نەبن، چنكو دەمێ ئارەزوویێن لەشی رێكا وان ژ مەسیحی ڤەدگوهێزن، ئەو حەز دكەن شوی بكەن. 12ب ڤی ئاوایی ئەو دادكرنێ دئیننە سەر خۆ، چنكو ئەو سۆزا خۆ یا پێشیێ دشكێنن.#5:12 شویكرنا بیژنەكێ تشتەكێ رەوایە (1 كورنتۆس 7:39-40)، لێ دبیت وان سۆز دا بیت دەمێ ناڤێ خۆ د تۆمارا بیژنان دا نڤیسی، كو پشتی هنگی شوی نەكەن. 13ل گەل هندێ، ئەو فێری تەمبەلیێ دبن و ژ ڤێ مالێ دچنە ڤێ مالێ. نە ب تنێ تەمبەلیێ، لێ نەكامیێ#5:13 نەكامی: بەحسكرنا ئێكی ب خرابی. و مایتێكرنێ دكەن و تشتێن نەژێهاتی ژی دبێژن. 14لەوما من دڤێت بیژنێن گەنج شوی بكەن، زاڕۆك ببن و د مالدار بن، دەرفەتێ نەدەنە نەیاری كو بوهتانان ب دویڤ مە#5:14 ئانكو باوەرداران ڤەنیت. 15چنكو ئەڤە هندەك ڤاڕێ بووینە و ب دویڤ ئبلیسی كەفتینە. 16ئەگەر باوەردارەكێ بیژن هەبن، بلا هاریكاریا وان بكەت و بارێ جڤاكا باوەرداران گران نەكەت، دا جڤاك هاریكاریا وان بكەت یێن ب دروستی بیژنن.
دەربارەی ریهسپیێن جڤاكا باوەرداران
17ئەو ریهسپیێن ب باشی رێڤەبەریێ دكەن، بلا بهێنە دیتن كو ژ هەژی رێزگرتنەكا دووجاركینە، ب تایبەت ئەوێن د پەیڤێ و فێركرنێ دا وەستیانێ دكێشن. 18چنكو نڤیسار دبێژیت: «دەڤێ گای گرێ نەدە، دەمێ گێرێ دكەت»#5:18 گۆتارا مووسای 25:4 و «پالە هەژی كرێیا خۆیە.»#5:18 لوقا 10:7؛ مەتتا 10:10 19سكالایێ ل سەر چ ریهسپیان قەبیل نەكە، ئەگەر دوو یان سێ شاهد نەبن.#5:19 گۆتارا مووسای 19:15؛ مەتتا 18:16 20ئەوێن ل سەر گونەهكرنێ ماین، ل بەر چاڤێن هەمیان پاشڤە ببە، دا یێن دی ژی بترسن.
21ئەز ل بەرامبەر خودێ و مەسیح عیسای و فریشتەیێن هەلبژارتی فەرمانێ ل تە دكەم، كو تۆ وان تشتان بێی حوكمێ پێشوەخت ب ج‍‌ھ بینی و تشتەكی ب لایەنگری نەكەی.
22دەستێ خۆ ب لەز نەدانە#5:22 دەست ل سەر دانان نیشانا پێدانا ئەركەكێ تایبەتە. سەر چ كەسی، پشكدار ژی نەبە د گونەهێن كەسێن دی دا. خۆ ب پاكی راگرە.#5:22 1 تیمۆتاوس 4:14؛ كارێن هنارتیان 6:6؛ 13:1؛ 2 تیمۆتاوس 1:6 23ئێدی ئاڤێ ب تنێ ڤەنەخۆ، لێ پیچەك شەرابێ ژی ب كار بینە، ژ بەر ئاشكێ#5:23 ئاشك: گەدە یان ب عەرەبی ‹مەعیدە› خۆ و ژ بەر نەساخیێن خۆ یێن گەلەك جاران دووبارە دبن. 24گونەهێن هندەك مرۆڤان د دیارن و بۆ دادكرنێ ب پێش وان دكەڤن، لێ گونەهێن هندەكان ب دویڤ وان را دچن. 25هەروەسا كریارێن باش د دیارن، یێن نە د دیار ژی د شیان دا نینە بهێنە ڤەشارتن.
Currently Selected:
1 تیمۆتاوس 5: BHD
Highlight
Share
Copy
Want to have your highlights saved across all your devices? Sign up or sign in
All rights reserved.