HEBREOS 4

1Eyacuiñajjija esohui etehue jaa jama poani ojjaña joya Eyacuiñajjija esohuijo queaja'a jjashahuabaquipoquianicuana ohuaya jomishocameecani meteama yenoama eba'epoquijji. Jamajjeya oe jjabaneiquicue quiana onijje ejjapeepajeaqui'yo poanijje. Jama po'yomajje quiana ejomishocapoquijji pojjeama poaje. 2Bacue, Eyacuiñajjija esohui queapame ojo ejomishocajji eseya queaja'a huohuicanaje cuaa. Eshajja-ajja esejaya ma ecua yahuajonei eseja etiiquianacuaa shajja-ajjacapoa jama pea-aiya. Macuaaya oja esohui ejomishocajjijo jjashahuabaqui'yojjima ba'eya jamatii oja esohui shajja-ajjajeacapoa, jamajjeya queapame pojjeama Eyacuiñajjija jomishocameejjima ba'ecapoquiapoa cuana. 3Ojjaña eseya joya e'ejojonei ojo jjashahuabaquipoquianicuana ca Eyacuiñajjiya jomishocameecani meteama yenoama eba'epoquijji. Joya ojo jjashahuabaquiajjaneicuanajo yahuajonei Eyacuiñajji jama poa ba'a:

“Eyaya queaquenenee nequiya huohuinaje cuana

ecuea ca ojjaña macuana ejomishocameejji pojjeamatii poaje.”

Jamaya Eyacuiñajjiya huohuicapoa cuana jamatii yahuajoneitii ohuaya jomishocameesa-acapoa cuana. 4Eyacuiñajjija esohui etehue jaa jama poani séptimo epojjajo ba'a:

“Eyacuiñajji oja echacojjicuana apoa panajeyomajje jomishocapoa séptimo epojjajo.”

5Oja esohui jama poani pea-ai ba'a:

“Nobiquijjimatii pomeeje cuana ecue quia meshiyasijje queabihui eba'epoquijji.

Ecuea oya ejomishocameejji pojjeama poaje.”

6Eba'etiicuana queahuiso Eyacuiñajjija ejomishocameejji quijjepishana. Ma yahuajonei Eyacuiñajjija esohui queapame ejomishocajjijo shajja-ajjajeajji poacuana ca nobiquijjimatii poa oja quia meshiyasijje ejomishocajji oja esohuijo jjashahuabaquijjimatii poajjejojoya. 7Jamajjeya Eyacuiñajjiya quijjenei peacuana iyaapea-aicanaje oe epojjajo ojaya ejomishocameejji cuana meteama eba'epoquijji ma ecua yahuajonei ohuaya iyaacapoa cuana jamaya. Majoya Davidya jama tehueme acapoa Eyacuiñajjija esohuijo ba'a:

“Jjeya jiquio pojjajotii miquiaaya jiquio Eyacuiñajjiya huohuimeecani esohui ojo ejomishocajjijo shajja-ajjaje jjabaquimajje

a'a quiana oe shajjama' jayojjatii pojji coma oja esohuijoya.”

8Bacue, yahuajonei Josueya israelitacuana Canaán meshijo ba'eca queabihuinee eba'emeecapoajojjemo Eyacuiñajjija pea epojja quijje poeje oja ejomishocameejjijo huohuijjima poquiae queabihui meteama eba'epoquijji. 9Jamajjeya ese queabihui meteama ba'epoquijji ejomishocajji epojja enequipoquianitii ojjaña Eyacuiñajjija'yo poanicuanaja. Ma ecua Eyacuiñajji ojjañacuana panajeyomajje jomishocapoa, jama pea-aiya ohuaya eseya jomishocameecaje. 10Bacue, joya Eyacuiñajjija esohuijo e'ejojonei jjashahuabaquipoquianicuana ohuaya jomishomeecaje, jamatii oya chacochacopoquianitii Eyacuiñajjijo. Ma ecua Eyacuiñajji ojjañacuana apoa panajeyomajje jomishocapoa jama pea-ai ojjaña joya ojaya'yo poanicuana queapame jomishocameecaje ohuaya. 11Jamajjeya se oja esohuijo jjashahuabaquicapoquijjitii oja ese ejomishocameejji. Ma ecua yahuajonei cuana queaquehuanee oja esohuijo jjashahuabaquimajje Eyacuiñajjija jomishocameejjimatii ba'ecapoa, jama pea-ai shajjama' jayojja epo poanijje jjabaneiquicue quiana oe.

12Bacue, Eyacuiñajjija esohui eshe jayojja poani queaca'aneetii ese ba'emeepoquiajji. Joya ecua baase'becaa queashejjineeya esa' jehuisejjajeacani esa' jajasejjajeacani jama pea-aiya oja esohuiya acani ese jjabaquijji queaja'anee eseja eyamiquipajje. Eseja esapadojjojo huanaquehua jaa queaja'a bameecaje oja esohuiya. Oja esohuiya huohuicaje queaja'anee eseja ejjashahuabaquijjicuana, jiquio eseya saña huisotiicuana pea-ai a'a queapame a'a queapame pojjeama ese jjabaquipoquijji. 13Chama'neinei Eyacuiñajjijo ejja-aniquehuaquijji ojjaña oja panacuana, eseya pea-ai. Ojjañatii oja panacuana queaja'anee ohuaya bacapoquianitii. Majoya quijje eseya o ani cojjaneijo nequimeecaje ohuaya ehuohui'yojji ese ba'epoquinajejo.

Jesosa Eyacuiñajjinijje emimipoquijji ebionei etii queapamenee nequipoquiani

14Jamajjeya eseya queaca'atii ba'ecapoquijji oja esohuijo ma ese ja'anei miminaje jjashahuabaquipoquiani esohuijotiiya. Jamaya se ba'ecapoquijji Jesosa Eyacuiñajjija Bacuaejja esejo Eyacuiñajjinijje emimipoquijji ebionei etii popoquiani ba'esohuaqui'yapoajojoya Eyahuasijje. 15Jesosaa esejo Eyacuiñajjinijje emimipoquijji ebionei etii popoquianiya ese queacamajanee ba'e, eshahuaa queamimishi pomeesa-acanijo pea-ai queayenohua bacapoquiani. Jesosaja ebanei queacamajanee poani oya ebionei eseya jayojja pea-aiya eshahuaa queamimishi epomeejji nisho a-ajjacapoajojoya jiquio meshijo. Jamatii oya mimishima'neitii nequinaje. Ojaya mimishi ajjima'neinei poa, che oema'nei. 16Jamajje ejjanequichipiqui meteama Eyacuiñajji ese queajeanee ajji aniyasijje onijje emimipoquijji. Majoya ohuaya eseya queapamenee acapoquijetii ojayanei ejjashahuabaquijjijo ese queacamajaneetii ba'e bacaniya. Eseya queapamenee acapoquije jamatii queacamajanee ba'e ese queapame popoquiani sosejje pojjeama.

Currently Selected:

HEBREOS 4: ESE

Highlight

Compare

Copy