3 JUAN 1
1
Esohui Gayo bajjani queabihui pojji acapoa Juanya
1Eya ebabaca etii poani. Jiquio esohui eyaya tehueaña ecuea epeejjinei poani Gayo miquea ebajji. E'ejojonei ecuea miya queajeanee poani.
2Ecue dohue Jesosajo, Eyacuiñajjinijje eya mimiani mi queapame eba'epoquijjijo, mi quea-aja ba'epoquijjijo pea-ai. Miya jjeya queapame ba'epoquiani mi jama queapametii eba'epoquijjijo eya mimiani pea-ai Eyacuiñajjinijje mijo. 3Beca Jesosaja epeejjicuaa eque poeya esohui miya queaca'atii nequipoquiani huohuicajje eya queabihuinee poanaje oja esohuijo. 4Joya ecue sohuihuohui nequica ecue bacuacuananei jama queaca'atii nequipoquiani oja esohui e'ejojoneijo shajja-ajjamajje eya queabihuinee poani majoya. Chama' pea esohui e jama queabihuinee pomeejji.
5Ecue dohue Gayo, ecuea miya queajeanee. Miya queapamenee chacochacopoquiani hueya-amanei Eyacuiñajjijo. Joya pea meshijo ba'ecacuana Jesosaja epeejji poeajo miyaya asahuaña, jjequinobiaña queabihuiya. 6Jesosaja epeejjicuana jiquiojo esohuijo ejjachichaqui ecuana anicajo huohuicanaje cuaa e'ejojonei miyaya oja epeejjicuana queajeanee apoquiaña, asahuapoquiaña pea-ai. Jjeya pea-aiya Jesosaja epeejjicuana comajo ani asahuacue o poquijjijo pea meshiyasijje. Cua ohua sacaje oja dojojji quiacue. Eyacuiñajji jamajoya queabihui poani. 7Esohui Jesosa Quitoja peacuiñajjicuana huohuiquiya poquinaje ma dejjacuana. Jesosaja epeejji pojjeamacuanaja quia aquianacuana ma poquinajeja jjeshejjimanei poanaje. 8Jamajjeya seja oya asahuacajji, poquimeesahuacajji, cua ohua sacaje aquianacuana quiacajji pea-ai oja dojojji esohui e'ejojonei ma dejjacuaaya queapame huohuicapoquianijojoya. Jama pomajjeya eseya ojee esohuijo chacochacoani jayojja poaje onijje.
9Jesosaja epeejjicuana comajo esohuijo ejjachichaquipoqui anicaja ebajji eyaya ecue tehue esohui huoojea-ajjanaje. Diótrefes bajjani ecuanaja tehue esohui basapo-ajja poanaje. O sohuihuohuijji pojjeama ecuana aca'yonaje oya ebionei etii epojji posapoanajeyajjejojo. 10Jamajjeya eya cuama oque poquimajje onijje aniñaquimajje mimije oya queaquehua jjashahuabaqui'yani. Ohuaya jjeya esohui queatai aca'yani ecuanajo, oya jjaniñebaqui'yani. Mahuisojonei pojjeama oya queaquehua jjashahuabaqui'yani. Jesosaja epeejjicuana esohui dojojji queahuesha poeajo oya jjequinobianobia-ajja poani. Peaja equiyasijje pea-ai ohuaya jjequinobiameejjima acani cuana. Ma o jjequinobiajji poanajecuana ohuaya Diotrefesya huoojeacuayaca'yonaje ejjachichaquipoquitii poanijje esohuijo.
11Gayo ecue dohue Jesosajo, ecuea miya queajeanee. Joya ecua becacuana queamimishitii ba'epoquiani jama pea-aiya a'a posapojji. Joya ecua Jesosaja epeejji queapamenee ba'epoquiani jama pea-aiya oe pocue. Bacue, joya queapameneetii ba'epoquianicuana Eyacuiñajjija'yo poani. Joya queamimishineetii ba'epoquianicuana ca Eyacuiñajjija pojjeamatii poani, o sapo-ajjanei ba'epoquiani.
12Demetrio ca jama pojjeama nequipoquiani. Ojjañacuana queapame mimipoquiani ojo oya queaja'atii ba'epoquiani shajja-ajjamajje. Ojaya eba'ejji siajje pojjeama. Ecuana pea-aiya queapame mimiani ojo peacuananijje oya queapametii poanijojoya. Miquea eba ecuana esohui siajje a-ajja ojo.
Oe-ejje esohui acapoa Juanya
13-14Ecuea miya esohui queahuisonee ehuohuijji nisho poanaje. Eya jjeya ma esohuicuana tehuesapo-ajja poanaje eya jjeya mique poquisapoanijjejojoya. Majoya minijje miquea ecojjaneijo mimiquije ma esohuicuanajoya.
15Eyacuiñajjiya miya queaquijijjijajinee capomeecahua. Eseja epeejjicuaa jiquiojo aniya esohui mi queabihui pojji acani. Eseja epeejjicuana majo ba'eca esohui queapame apea-aicue ecuanajo.
Currently Selected:
3 JUAN 1: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006