2 TESALONICENSES 1
1
1Eyaya Pablohua jiquio esohui Silvanonijje, Timoteonijje pea-ai aniya tehueaña miquianajaya Jesosaja epeejji ciudad Tesalónica meshijo jjachichaquipoquianicuanaja ebajji. Miquianaya Eyacuiñajji Echii-aija, Emeshimesenei Jesosa Quitoja pea-ai'yo poani. 2Eyacuiñajji eseja Chii-aiya, Emeshimesenei Jesosa Quitohua pea-ai quiana queapamenee ca-acapoquiahuatii ojayanei ejjashahuabaquijjijo, queaquijijjijajinee capomeecahua quiana pea-ai ohuaya.
3E'e, Jesosaja epeejji ecuanaja dohuecuana, jjo'icuana pea-ai, ecuaa Eyacuiñajji gracias apoquiañatii miquianajo. Jamaya ecuanaja acapoquijji miquianaya queaca'a tiipoquiani oja esohuijo shajja-ajjamajje. Miquiaaya miquiananijje ba'eca Jesosaja epeejjicuana queajeanee jjeya apoquiaña ma ecua quiaa yahuajo queajeapishana anaje jama pojjeama. 4Jamajjeya pea meshicuanajo ba'eca Jesosaja epeejji jjachichaquipoquianicuananijje ecuana queabihui mimiani miquianajo, queaja'a miquiana ba'epoquiani oja esohuijo shajja-ajjamajje. Jamatii queanee pomeecani cuaa oja esohuijo miquianaya queaca'atii ba'epoquiani, o cajaa apojjima'. Queacamajaneetii ba'e miquiana queaja'a jjashahuabaquipoquianitii oja esohuijo. 5E'e, miquianaya queacamajanee acapoquiani cuaa oja esohuijo, jamajjeya quiana quijje Eyacuiñajjiya ojjañaja ebajji huohuicaje'yo miquiana queaja'atii ba'epoquinajejo. Joya miquiana queacamajanee ajji poanicuana ca queamimishi poanaje bacaje cuaa. Miquianaya queaja'atii ba'epoquianijojoya jamatii queacamajanee acani cuaa Eyacuiñajjiya quiana bacaje ma ohua huoojeacapoquianitii meshi Eyahuasijje epoqui'yojji.
6Eyacuiñajjiya queaja'anee huohuicaje'yo ache queapame, ache queapame pojjeama. Jamajjeya joya miquiana queacamajanee ajji poanajecuana ohuaya queaneenee pomeecaje'yo ma ohua acapoquinaje oja mimishi sosejjeya. 7Miquianaya dejjamasecuanajo camaja-ama pomeecaje'yo, ecuanaya pea-ai, eseja Emeshimesenei Jesosa Quitohua Eyajo aniya poeo'oyamajje. Oya queaca'aneetii nequioqueje cuaquijiji queaquemo jijiquitejjee oja ángel queaca'acuananijje ojee. 8Ojjaña ma Eyacuiñajji cajaa ajjitii poanajecuana ohuaya queaneeneetii pomeecaje'yo. Macuanaya esohui queapame eseja Emeshimesenei Jesosajo jjashajja-ajjaquiajjatii ba'epoquinaje, majo jjanahuemeequi'yojjimatii oya poanaje. 9Eyacuiñajjiya quijje queaneeneetii pomeecaje'yo macuanaya Emeshimeseneijo queahueshatii enequipoqui'yojji Cuaqui-aiyasijje. Ejjasejjaqui'yotii nequimeecaje'yo ohuaya Eyacuiñajji queaca'aneetii queasajajaneenijje eanica'yo poanijje. 10Jamaya ohuaya acaje'yo cuana epojja o poeo'oyajji apoa poajo. Ojjaña oja epeejjicuaa ojaya'yo poaniya ca oya bihuiacajjequije meteamaa. Ojjaña joya ojo jjashahuabaqui'yonaje huisotiicuaa oya queapamenee poani bacaje ma pojjajotiiya. Miquiaaya pea-ai oya queapameneetii poani baje ecuanaja huohui esohuijo jjashajja-ajjaquinajeyajjejojoya.
11Majoya ecuana ojjaña pojjajo Eyacuiñajjinijje mimipoquianitii miquiana jamatii eba'epoquijjijo pojjeama. Eyacuiñajji jjashahuabaquipoquianitii miquiana ojo queaja'a eba'ejeapoquijji pojjeamajo. Oya jama sayapoani miquianajo. Ecuana mimipea-aipoquiani onijje ojaya quiana eameesahuajeyojjijo ma miquiaaya chacosa-aña huisotii cuanajo. Eyacuiñajji queaca'aneetii nequi oja echacojji miquiana ameejeyo'yojji. 12Miquiana ojo jama poajoya eseja Emeshimesenei Jesosa queapamenee poani bacaje cuaa quijje o bihuiajji. Miquiana queapame ojaya'yo poani bapea-aicaje. Jamaya eseja Eyacuiñajjiya Emeshimesenei Jesosa Quitohua pea-ai quiana queapamenee acanaje ojayanei ejjashahuabaquijjijo.
Currently Selected:
2 TESALONICENSES 1: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006