2 CORINTIOS 2

1Jamajjeya eya jjashahuabaquinaje e miquianaque epoquio'oyajji pojjeamajo miquiana eya queayeno epomee o'oya poanijje ecuea esohuijo. 2Bacue, e miquianaque epoquio'oyajojjemo miquianaya queayeno pome. Eyaya quiana queayeno pomeeajje ecuea esohuijo, ¿acheya shai eya yenoama pomeecaje'yo? Eya miquiana queayeno pomeejji poajo, ¿a'a eya yenoama pomeeje'yo quiaa? Cho. 3Jamajjeya eyaya quiana pea ecuea esohui yahuajopishana tehuenaje. Majoya quijje eya miquianaque poquio'oyamajje queayenotii epojji pojjeama poaje miquianaya majoya queaja'a ba'epoqui'yani baquimajje. E'e, miquianajaya eya queabihui pomeecajji poani. Ecuea eba e queabihui poani bamajje miquianaya queabihui popea-aije. 4Yahuajopishana ma ebionei ecuea esohui miquianajaya ebajji tehuemajje eya jjabaquinaje queaquijijjiyenonee poani, paneinaje pea-ai ma esohuijoya. Jamatii eyaya ma esohui jamaya tehuenaje miquiana queayeno pomeejjijo pojjeama. Ecuea quiana queajeanee poani ebajjijo ca eyaya esohui jama tehueme anaje miquianaque.

5Jjeya tehueje so'o ma dejja miquiananijje jjachichaquipoquinajeja mimishijo. Bacue, eyanei pojjeama queayenonee pomeecanaje ma dejjaaya. Miquianaya pea-ai queayenonee poanaje oja mimishijo. E'e pojja'a ojjañatii pojjeama queayenonee poanaje oja mimishijo. 6Ma dejja Jesosaja epeejji queamimishinee ba'enaje miquiaaya jeacuayanaje miquiananijje ejjachichaquipoquitii poanijje oya pea jjashahuabaquime epo'yojji oja mimishijo. Jjeya oya pa pea jjashahuabaquime po'yonaje. Jamajjeya mahuisoya quiaa oya acue, a'a oya ejeacuaya'yotii jayojja nequimeejji oja mimishijo. 7Oja mimishi pajeaca'yojji onijje ejjapeequio'oyajji. Oya ca jjeya asahuaca'yojji pea-ai. Oya Eyacuiñajjija esohuijo jjashahuabapajeaqui'yochana, queayenotii nequipoquichana miquianaya onijje jjapeequiajjatii poaje bamajje. 8Jamajjeya quiaa oe jjeya oya queajeanee a'yocue ma ecua quiaa oya yahuajo queajea apoquianaje jama jayojjaya. 9Yahuajo eyaya quiana esohui tehuenaje ma dejjajoya a'a miquianaya ecuea esohui etehuejo jjashajja-ajjaquije ebajji. ¿A'a jjeya quiaa oja mimishi pajeaje'yo? ¿A'a chojja pojja'a? Jamaya tehuenaje ebajji miquianajo. 10Bacue, ma dejjaja mimishi miquiaaya pajea'yajo eyaya pajeapea-aije'yo oja mimishi. E'e, eyaya oja mimishi e'ejojonei pajeaje'yo miquianajaya ebajji Quitohua eya bacanitii. 11Majoya se oja mimishi pajea'yomajje ebionei eshahua Satanás bajjanijo eseya ejjadasiameequijji pojjeama poaje. Bacue, ohuaya eseya dasiatiisa-acapoquiani queamimishi eba'epoquio'oyajji. Jama po'yomajje eseya ojo ejjadasiameequijji pojjeama poaje.

Pablo queayeno jjashahuabaquinaje Troas meshijo ani

12Eya poquinaje ciudad Troas meshiyasijje esohui queapame Quitojo majo ba'ecacuana sohuihuohuiya. Oja meshi bañaquimajje Emeshimesenei Jesosa Quitojo echacochacojji queahuiso bañaquinaje. Esecuejjani ca'ajji Eyacuiñajjija eca'apejo nequi jama majo echacochacojji eyaya bañaquinaje cuana, oja esohui shajja-ajjaneisapoanaje cuana. 13Jamatii eya queabihui pojjeama poanaje majotii oja esohuijo echacochacojji ecue dohue Jesosaja epeejji Tito bajjani chama' poanajejojoya. Jamajjeya eya macuiñajjicuana esohui huohuinanamajje poqui'yonaje provincia Macedonia meshiyasijje.

Eyacuiñajjiya eseya queaca'a pomeecani

14Eyacuiñajji seja gracias acapoquijjitii ohuaya eseya queapametii huidojocapoquiani queaca'aneetii nequiya ese Quitonijje ojee nequianijojoya. Oja esohui queapame Quitojo ojjaña meshiyasijje huohuimeecani cuana esejo. Oja esohui queapame poani jiquio ecua shiyeshiye queahueshapishana shiyepoquiani, jama pea-aiya oya poani. 15Jamajjeya Eyacuiñajjiya eseya bacani shiyeshiye queapame jayojja peacuana Quitojo ebameesahuajji. Eseya shiyepoquiani jayojja joya ojo jjanahuemeequije'yocuanaja eshiyeajjajji, joya o sapo-ajjatii poanicuanaja eshiyeajjajji pea-ai. 16Joya Jesosa sapo-ajjaneitii poanicuaa se ca joya ecua emano'yocuanaja ihui jama shiyeajjacani, peajja. Joya Quitojo jjanahuemeequije'yocuaa ca eseya queashiyepame jama shiyeajjacani. Jamajjeya Quitohua comacuanaya queaja'a ba'etiitiimeecaje. Bacue, e'ejojonei oja esohui queaja'a peacuana huohuipoquiajji yajji queacamajanee. Ecuaanei pojjeama huohuipoquiaje. 17Ecuaa Eyacuiñajjija esohui huohuipoquiaña bejjo yajjijo pojjeama, ma ecua peacuaa bejjo queahuiso yajjijo huohuicani jama pojjeama. Ecuaa ca esohui huohuipoquiaña e'ejojonei poaniya, beca jjashahuabaquime pojjeamaa. Eyacuiñajjiya ecuana bacanitii eyamiquipajje e'ejojonei chacochacopoquiani ojo. Ecuana e'ejojonei oja huoojea poani pea-ai ona sohuihuohuiquinequiya. Jamaya ecuana chacochacopoquiani Quitonijjetii ejjapeequi nequi.

Currently Selected:

2 CORINTIOS 2: ESE

Highlight

Compare

Copy