IINDUMISO 127
127
UThixo umphumelelisi
Ingoma yezinyuko. KaSolomon.
1Ukuba akayakhi uYehova indlu,
Bafumana besaphuka yiyo abakhi bayo.
Ukuba umzi akawugcini uYehova,
Ufumana ephaphama owugcinayo.
2Nifumana nivuka kusasa,
Nihlale nisebenza kude kube sebusuku,
Nikudla ukudla kokubulaleka;
Uyipha intánda yakhe, ilele ubuthongo.
3Uyabona, ilifa likaYehova ngoonyana,
Umvuzo sisiqhamo sesizalo.
4Njengeentolo esandleni segorha,
Banjalo oonyana bobutsha.
5Hayi, uyolo lomfo ozalise umphongolo wakhe ngabo!
Abayi kudana,
Xa bathetha neentshaba esangweni.
Currently Selected:
IINDUMISO 127: XHO75
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.
