Lev 3
3
Ekihongwa eky'okusaba obusinge
1Kakuba omuntu ahonga ekyonzira habw'okusaba obusinge, kakuba ahonga ente enimi rundi ezigija, agihongere MUKAMA etanyina kamogo. 2Ekihongwa kye, akiteho omukono gwe ha mutwe gwakyo kandi akiitire ha mulyango ogw'Eheema ey'okutangatanganiramu; banyakatagara batabani ba Arooni, esagama yakyo bagimiisire itambiro okulyehinguliriza. 3Ha kihongwa eki eky'okuhebwayo habw'okusaba obusinge, ekinyakwokibwe habwa MUKAMA, aiheho ebisajwa ebinyakuswekere ebyenda n'ebya ha byenda 4Ensigo ibiri n'ebisajwa byazo, n'ebisajwa ebya ha mugongo, n'obune obw'empagara, abitwarre hamu n'ensigo, ebi abihongere MUKAMA. 5Hanyuma ekihongwa eki, batabani ba Arooni bakyokeze ha itambiro, ha ruguru y'ekihongwa ekyokeze, ekinyakuli ha murro; eki nikyo kihongwa ekyokeze ekirukuboyera kurungi MUKAMA.
6Ekihongwa eki ahongiire MUKAMA habw'okusaba obusinge, kakuba eba entaama rundi emburabuzi, mpaya rundi buguma, ahonge etanyina kamogo 7Kakuba ahonga omwana gw'entaama nugwo gube kihongwa kye, aguhongere omumaiso ga MUKAMA, 8ate omukono gwe ha mutwe gwagwo kandi agwitire ha mulyango ogw'Eheema ey'okutangatanganiramu; batabani ba Arooni bamisiirre itambiro esagama yakyo kulyehinguliriza. 9Ha kihongwa eki eky'okusaba obusinge, ekinyakwokiibwe kyahongerwa MUKAMA, aiheho ebisajwa abihonge, omukira gwona ogw'ebisajwa agutwarre hamu n'omugongo, ebisajwa ebinyakuli ha byenda, 10ensigo ibiri n'ebisajwa ebinyakuziroho, n'ebya ha mugongo abitwarre hamu n'obune n'ensigo. 11Ebi byona nyakatagara abyokeze ha itambiro, bibe kihongwa ekyokeze ekinyakuhongiirwe MUKAMA.
12Ekihongwa kye kakuba eba mbuzi, agihonge omumaiso ga MUKAMA, 13agiitire omumaiso g'Eheema ey'okutangatanganiramu, batabani ba Arooni, esagama yayo bagimiisire itambiro balyehingulirize. 14Hanyuma ebisajwa ebinyakuli ha byenda, 15ensigo ibiri n'ebisajwa byazo ebya ha mugongo, abihongere MUKAMA, 16bibe kyokulya ekyokeze, kirugwemu ekisorokoko ekirukuboya kurungi. 17Hoona ha muraikaraga, eki kiraabaga kiragiro kyanyu eky'ebiro byona, ekirukubatanga kulya ebisajwa rundi enjuba.
Currently Selected:
Lev 3: BRR2008
Highlight
Copy
Compare
Share
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
