Sir 24
24
Akipuro ŋina ka aosou
1Ipuro aosou bon
ka irworo ŋuna ka apolou keŋ alokidiŋ ŋikeetuŋa.
2Alotooma atukot ka Akuj a ŋina alokidiama nooi, irworikini iŋes,
ido alokiŋaren ŋulu ijaunete iŋes, elimori iŋes ŋuna ka apolou keŋ nu ebe,
3“Abu ayoŋ olomu anakituk ka Akuj a ŋina alokidiama nooi,
ido abu orapuwa akwap lopite ŋolo erapuwarya ekuno.
4Abu ayoŋ eboi alokidiama nooi,
ayai ekicoloŋ kaŋ ŋolo ka apolou lodou ŋolo asipo ikwa epir.
5Abu ayoŋ bon erim alosi alokidiama
ka abu erim alosi anakibois a ŋina eyai kwap ŋakipi ŋuna ka anam.
6Abu ayoŋ epuka akimorokok a ŋakipi ananam ka abu epuka akwap daadaŋ,
abu ayoŋ epuka ŋituŋa daadaŋ ka abu epuka akwap, ido adau aryamun apedor ŋinakipukaet.
7Alotooma ŋun daadaŋ, abu ayoŋ ewar akibois ŋina kieŋunet,
nakibois a ŋae apedorya ayoŋ akiboiyo jik?”
8“Abu nai akasuban a ŋiboro a daadaŋ okoinak ayoŋ akiciket,
ido abu akasuban kaŋ toseu akibois aŋuna ke eema kaŋ.
Okolimok ayoŋ tema, ‘Kiboi aneni a Yakob, toryamu akibois kon alo Isirael.’
9Abu Akuj okosub ayoŋ koloŋ sek eriŋa nyisyakina ibore ido,
ido arubakini ayoŋ ayai tari ŋikaru ka ŋikaru.
10Abu ayoŋ etiya aŋuna ka Akuj alokiŋaren keŋ aloeema keŋ a ŋolo asegan,
aŋun, aponi ayoŋ ekewuakin Sion.
11Aŋun, abu Akuj okoinak ayoŋ akibois ŋina kieŋunet alotaun a ŋolo amina iŋes,
ido abu Yerusalem toruwor neni epukat ayoŋ.
12Abu ayoŋ odupakin neni a ŋituŋa a ŋulu etopolooritae, lotuŋa ŋulu abu Ekapolon toseu erae ŋulu keŋ.”
13“Abu ayoŋ eleŋor a nen ikwa ŋikito a cedar ŋulu eya Lebanon
ka ikwa ŋikito a cipres ŋulu eya nauni a Erimon.
14Abu ayoŋ eleŋor a nen ikwa edukanit ŋolo eyai En-gedi
ka ikwa ŋamoni ŋuna a ŋatur ŋuna eya Yeriko;
ikwa ekitoe ŋolo ebusan ŋolo ka olipa alomanikor ka ikwa ekitoe ŋolo elomunit anadipo alodiyete ŋakipi.
15Abu ayoŋ oinak eure ŋolo akukunyon ikwa ŋikukwa a ekitoe a Akasia ka Kamel ka ikwa aseunet a eminai a ŋolo akukunyon,
ido abu eure kaŋ toupia nen; ikwa Galibanum, Onika ka Resin ka ikwa eure a ekinyate a ŋolo eyai loeema a Ekapolon.
16Abu ayoŋ opeta ŋaten kaŋ ikwa ekuyon ka erae ŋaten kaŋ ŋuna epolok nooi ka ŋuna ajokak nooi.
17Abu ayoŋ etilijau ŋatalijei ŋuna ikijoikinete nooi
ka apotu ŋatur kaŋ kibusyata nooi toraut ŋaraito ŋuna alalak nooi. #24:17 Iyatakinito ŋakigireta ŋace eŋaet 18: Arae ayoŋ toto ka amina a ŋina ebusan, toto ka akitopoloorit, a aosou ka toto a akigeno a ŋina asegan aŋuna ayakar ayoŋ ŋikaru ka ŋikaru, akainakinitae ayoŋ neni a ŋidwe a daadaŋ a ŋulu erae Akuj elimokinit ŋirorwa.
19“Potu neni kaŋ iyes ŋulu ikiitanito ayoŋ,
ido kimuja ŋaraito kaŋ kimwoko;
20anerae atamunit ayoŋ, ebob akilo ao
ka akituruwor ayoŋ ŋini kon, ebob akilo ŋakap ka ao.
21Ŋituŋa ŋulu eyarikinito neni kaŋ ikwa akimuj kec, erubakinete ecamito akiatakin ayoŋ neni kec
ka ŋulu eyarikinito neni kaŋ ikwa ŋimaten kec, erubakinete ecamito akiatakin ayoŋ neni kec.
22Ituŋanan daadaŋ ŋini iwuapi ŋuna kaŋ, nyisurumyo ŋileec
ka ŋulu ikitiyae ka ayoŋ, nyesecete.”
Aosou ka ŋikisila
23Erae nu daadaŋ ŋuna ke ekitaabo a ŋolo ka acamunet a ŋina ka Akuj a ŋina alokidiama nooi,
ŋikisila ŋulu abu Moses itolimok iwon
ikwapei ibore ŋini emaikina eruwor ŋini a ŋatukon a ŋiletok a Yakob.
24Eleleunit aosou alokisila a ŋul ikwa elelya a aŋolol Pison,
25Eleleunit aosou alokisila a ŋul ikwa elelya a aŋolol Tigris apaki ŋina a ŋaraito a ŋuna esyaunak.
26Elele aosou ilapit ikwa aŋolol Eupurate ka eyakar ayenut,
eleleunit lopite ŋolo elelyaa Yorodan apaki ŋina elemere.
27Ebukunit aosou ŋakitatameta ikwa aŋolol Nile,
eleleunit ikwa elelya a aŋolol Gion apaki ŋina elemere ŋaraito a epiini.
28Pa ayeni ituŋanan ŋini esyaunan aosou ejok,
tari ŋini esidyon daŋ nyeyenuni aosou ejok nooi,
29anerae elalak nooi ŋatameta ŋuna ka aosou akilo tari ŋakipi ananam,
epolok nooi ŋakiro ŋuna iryamuni anaosou edeparito tari auwuat ŋina ecukul nooi.
30Ani eruwor ayoŋ, ekoni ayoŋ akitelosit ŋina eyaunit ŋakipi anaŋolol, ekoni ayoŋ akitelosit a ŋakipi a ŋuna elelyarito lomanikor.
31Abu ayoŋ otema, “Ewuakini ayoŋ ŋakipi lomanikor kaŋ,
acilakini ayoŋ ŋakipi lomanikor a ŋatur kaŋ.”
Aŋun, abu akitelosit toruwor aŋolol, ido abu aŋolol kaŋ toruwor anam.
32Etacauni ayoŋ nabo ŋakitatameta ikwa abaet,
esileereuni ayoŋ ikes toanyuwarae tari aneni alwanan.
33Abukuni ayoŋ nabo ŋakitatameta kaŋ ikwa ŋakiro ŋuna edwario,
ido emyek ikes toruwor ŋuna a ŋanyameta a daadaŋ a ŋuna eponito.
34Toyenutu atemar nyitiya ayoŋ aŋuna kaŋ bon,
nai aŋuna a daadaŋ a ŋulu iwarito aosou.
Currently Selected:
Sir 24: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 24
24
Akipuro ŋina ka aosou
1Ipuro aosou bon
ka irworo ŋuna ka apolou keŋ alokidiŋ ŋikeetuŋa.
2Alotooma atukot ka Akuj a ŋina alokidiama nooi, irworikini iŋes,
ido alokiŋaren ŋulu ijaunete iŋes, elimori iŋes ŋuna ka apolou keŋ nu ebe,
3“Abu ayoŋ olomu anakituk ka Akuj a ŋina alokidiama nooi,
ido abu orapuwa akwap lopite ŋolo erapuwarya ekuno.
4Abu ayoŋ eboi alokidiama nooi,
ayai ekicoloŋ kaŋ ŋolo ka apolou lodou ŋolo asipo ikwa epir.
5Abu ayoŋ bon erim alosi alokidiama
ka abu erim alosi anakibois a ŋina eyai kwap ŋakipi ŋuna ka anam.
6Abu ayoŋ epuka akimorokok a ŋakipi ananam ka abu epuka akwap daadaŋ,
abu ayoŋ epuka ŋituŋa daadaŋ ka abu epuka akwap, ido adau aryamun apedor ŋinakipukaet.
7Alotooma ŋun daadaŋ, abu ayoŋ ewar akibois ŋina kieŋunet,
nakibois a ŋae apedorya ayoŋ akiboiyo jik?”
8“Abu nai akasuban a ŋiboro a daadaŋ okoinak ayoŋ akiciket,
ido abu akasuban kaŋ toseu akibois aŋuna ke eema kaŋ.
Okolimok ayoŋ tema, ‘Kiboi aneni a Yakob, toryamu akibois kon alo Isirael.’
9Abu Akuj okosub ayoŋ koloŋ sek eriŋa nyisyakina ibore ido,
ido arubakini ayoŋ ayai tari ŋikaru ka ŋikaru.
10Abu ayoŋ etiya aŋuna ka Akuj alokiŋaren keŋ aloeema keŋ a ŋolo asegan,
aŋun, aponi ayoŋ ekewuakin Sion.
11Aŋun, abu Akuj okoinak ayoŋ akibois ŋina kieŋunet alotaun a ŋolo amina iŋes,
ido abu Yerusalem toruwor neni epukat ayoŋ.
12Abu ayoŋ odupakin neni a ŋituŋa a ŋulu etopolooritae, lotuŋa ŋulu abu Ekapolon toseu erae ŋulu keŋ.”
13“Abu ayoŋ eleŋor a nen ikwa ŋikito a cedar ŋulu eya Lebanon
ka ikwa ŋikito a cipres ŋulu eya nauni a Erimon.
14Abu ayoŋ eleŋor a nen ikwa edukanit ŋolo eyai En-gedi
ka ikwa ŋamoni ŋuna a ŋatur ŋuna eya Yeriko;
ikwa ekitoe ŋolo ebusan ŋolo ka olipa alomanikor ka ikwa ekitoe ŋolo elomunit anadipo alodiyete ŋakipi.
15Abu ayoŋ oinak eure ŋolo akukunyon ikwa ŋikukwa a ekitoe a Akasia ka Kamel ka ikwa aseunet a eminai a ŋolo akukunyon,
ido abu eure kaŋ toupia nen; ikwa Galibanum, Onika ka Resin ka ikwa eure a ekinyate a ŋolo eyai loeema a Ekapolon.
16Abu ayoŋ opeta ŋaten kaŋ ikwa ekuyon ka erae ŋaten kaŋ ŋuna epolok nooi ka ŋuna ajokak nooi.
17Abu ayoŋ etilijau ŋatalijei ŋuna ikijoikinete nooi
ka apotu ŋatur kaŋ kibusyata nooi toraut ŋaraito ŋuna alalak nooi. #24:17 Iyatakinito ŋakigireta ŋace eŋaet 18: Arae ayoŋ toto ka amina a ŋina ebusan, toto ka akitopoloorit, a aosou ka toto a akigeno a ŋina asegan aŋuna ayakar ayoŋ ŋikaru ka ŋikaru, akainakinitae ayoŋ neni a ŋidwe a daadaŋ a ŋulu erae Akuj elimokinit ŋirorwa.
19“Potu neni kaŋ iyes ŋulu ikiitanito ayoŋ,
ido kimuja ŋaraito kaŋ kimwoko;
20anerae atamunit ayoŋ, ebob akilo ao
ka akituruwor ayoŋ ŋini kon, ebob akilo ŋakap ka ao.
21Ŋituŋa ŋulu eyarikinito neni kaŋ ikwa akimuj kec, erubakinete ecamito akiatakin ayoŋ neni kec
ka ŋulu eyarikinito neni kaŋ ikwa ŋimaten kec, erubakinete ecamito akiatakin ayoŋ neni kec.
22Ituŋanan daadaŋ ŋini iwuapi ŋuna kaŋ, nyisurumyo ŋileec
ka ŋulu ikitiyae ka ayoŋ, nyesecete.”
Aosou ka ŋikisila
23Erae nu daadaŋ ŋuna ke ekitaabo a ŋolo ka acamunet a ŋina ka Akuj a ŋina alokidiama nooi,
ŋikisila ŋulu abu Moses itolimok iwon
ikwapei ibore ŋini emaikina eruwor ŋini a ŋatukon a ŋiletok a Yakob.
24Eleleunit aosou alokisila a ŋul ikwa elelya a aŋolol Pison,
25Eleleunit aosou alokisila a ŋul ikwa elelya a aŋolol Tigris apaki ŋina a ŋaraito a ŋuna esyaunak.
26Elele aosou ilapit ikwa aŋolol Eupurate ka eyakar ayenut,
eleleunit lopite ŋolo elelyaa Yorodan apaki ŋina elemere.
27Ebukunit aosou ŋakitatameta ikwa aŋolol Nile,
eleleunit ikwa elelya a aŋolol Gion apaki ŋina elemere ŋaraito a epiini.
28Pa ayeni ituŋanan ŋini esyaunan aosou ejok,
tari ŋini esidyon daŋ nyeyenuni aosou ejok nooi,
29anerae elalak nooi ŋatameta ŋuna ka aosou akilo tari ŋakipi ananam,
epolok nooi ŋakiro ŋuna iryamuni anaosou edeparito tari auwuat ŋina ecukul nooi.
30Ani eruwor ayoŋ, ekoni ayoŋ akitelosit ŋina eyaunit ŋakipi anaŋolol, ekoni ayoŋ akitelosit a ŋakipi a ŋuna elelyarito lomanikor.
31Abu ayoŋ otema, “Ewuakini ayoŋ ŋakipi lomanikor kaŋ,
acilakini ayoŋ ŋakipi lomanikor a ŋatur kaŋ.”
Aŋun, abu akitelosit toruwor aŋolol, ido abu aŋolol kaŋ toruwor anam.
32Etacauni ayoŋ nabo ŋakitatameta ikwa abaet,
esileereuni ayoŋ ikes toanyuwarae tari aneni alwanan.
33Abukuni ayoŋ nabo ŋakitatameta kaŋ ikwa ŋakiro ŋuna edwario,
ido emyek ikes toruwor ŋuna a ŋanyameta a daadaŋ a ŋuna eponito.
34Toyenutu atemar nyitiya ayoŋ aŋuna kaŋ bon,
nai aŋuna a daadaŋ a ŋulu iwarito aosou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.