Sir 25
25
Ŋulu emaikina kipuroe
1Alakara ayoŋ a ŋakiro a ŋauni,
ejokak ŋakiro nu alokiŋaren Akuj ka ŋituŋa:
Acamuna alokidiŋ ŋikaitotoi ka ŋakaitotoi,
akoneo alokidiŋ ŋikidunyet
ka ekiboiye ŋolo ajokan alokidiŋ aberu ka ekile.
2Aremokino ayoŋ eyakae a ŋikabilae a ŋiuni a ŋituŋa,
aŋerit ayoŋ ŋipitesyo ŋulu ka akiyar kec lu:
Ituŋanan ŋinikulyakit ŋini ituro, ituŋanan ŋini ebarit tomodiyana,
ka ituŋanan ŋini emojoŋit tobaŋaana ŋini itiyae ŋuna ke elomi.
3Ani pa kiŋadakinit iyoŋ idiobore anasoroko kon,
ikokini nai iyoŋ iryamuni idiobore kimojoŋ ai?
4Ejokak iirari ŋakiro ŋuna etubio ituŋanan ŋini emojoŋit ŋakiro ka erae ibore ŋini ajokan ŋikasikou araakau ŋilopeyek a eikiiko.
5Ejokak iirari ŋakiro ŋuna ka aosou ŋuna irworosi ŋimojoŋ,
ejok aryamun ayenut ka akisirworiuno aneni a ŋulu itopolooritae.
6Ayenut ŋuna alalak ŋuna idau akitiya iŋes erae ebokot ŋolo a ŋimojoŋ
ka akituro kec iŋes akitopoloorit Ekapolon.
7Apedori ayoŋ atamun ŋikanikaomwon ŋulu atemari ayoŋ erae ŋulu erereŋ,
ido eserae ayoŋ a aŋajep kaŋ ŋolo a ŋitomon:
Ituŋanan ŋini elelyani aŋuna a ŋidwe keŋ;
ituŋanan ŋini erubakini eyari kiŋolik ŋimoe keŋ emunyar.
8Elakara ekile ŋolo iboiyete ka aberu ŋina eyeni ŋuna ajokak ka ŋuna aronok
ka ŋolo nyeenianakini emoŋ ka esigirya akitaa.
Elakara ituŋanan ŋini nyeseci anakirworo
ka ŋini nyitiyae aŋuna a ŋini edit akilo iŋes.
9Elakara ituŋanan ŋini eryamuni ekone
ka ŋini irworo neni a ŋulu epupete ŋakiro keŋ ejok.
10Epol nooi ituŋanan ŋini eryamuni aosou.
Nai mam ŋini epol akilo ŋini itopoloorit Ekapolon.
11Akitopoloorit Ekapolon iŋes iloit ŋinibore daadaŋ,
ŋae ikipedorya iwon akisikwaania ŋini itopoloorit Ekapolon? #25:12 Iyatakinito ŋakigireta ŋace eŋaet 12: Akitopoloorit Ekapolon, iŋes erae akisyakinet ŋina ka amina iŋes, ido erae anupit akisyakinet ŋina ka akitopoloorit Ekapolon.
Aronis ace ŋina erono nooi akilo
13Erono ajeme, nai erono nooi amamukau amina alotau kon;
erono ŋinaronis daadaŋ, nai erono nooi ŋina isyakini aberu.
14Eroko ŋican daadaŋ, nai erono aryamun ŋican aneni a ŋulu ikimanito,
erono akinyaŋia ŋuna itiyatae, nai erono nooi ŋina a ŋimoe kon.
15Emam akisorit ŋina aronon akilo akisorit ŋina ke emun
ka emam aŋoit ŋina aronon akilo anyunyura a aberu.
Aronis a aberu a ŋina aronon
16Ejok ayoŋ akiboi ka eŋatuny ta epiu akilo akiboi ka aberu ŋina aronon.
17Ilocokini aronis epite ŋolo sek etakania aberu
ido isiryoni ereet keŋ kikok ŋolo a ityaŋ a ŋini adedeŋan.
18Ŋina iboikinotor ekile ka ŋikidunyet,
nyejoŋoe iŋes aumonokin ieŋa eŋoit nooi.
19Edit asecit daadaŋ erae kisikwaani ka ŋina ka aberu a ŋina esecit,
elipi kitiyakin naberu ŋin ŋakiro a ikasecan.
20Ikwaan aberu ŋina aronon a ŋipitesyo ŋina erukito ka ekile ŋolo eliliŋan ka adokar ŋimojoŋ lomukura itorito lorot ŋolo eyai asinyon.
21Tocoite nyikikama akibuses a aberu
ka nyiyakaunor ekibure aŋuna ka aberu a ŋina eyakar ŋiboro ŋulu alalak.
22Ani kerae aberu itiyae ibore daadaŋ aŋuna a ekile,
eryamuni ekile ŋol anyunyura, aŋoit ka ajamuwaro.
23Epote nu neni a ekile aneni ka aberu a ŋina aronon:
Amamu akinapakina a ŋatameta, anyoridid a ereet ka akiyaloloŋ alotau.
Ŋakan ŋuna epalag ka ŋakuŋin ŋuna epalag erae ŋun daŋ ŋuna epote aneni ka aberu a ŋina nyitalakarit ekile keŋ.
24Erae naberu esyakinia asecit
ka aŋuna ka aberu ikitwaki iwon daadaŋ.
25Nyejok akimyekin ŋakipi eorete anibore,
ido ikwaŋinapei, nyejok akimyekin aberu ŋina aronon irworo ŋuna ecamit.
26Ani pa kitiya iŋes lopite ŋolo ilimokinitor iyoŋ iŋes, totyakas ka iŋes.
Currently Selected:
Sir 25: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 25
25
Ŋulu emaikina kipuroe
1Alakara ayoŋ a ŋakiro a ŋauni,
ejokak ŋakiro nu alokiŋaren Akuj ka ŋituŋa:
Acamuna alokidiŋ ŋikaitotoi ka ŋakaitotoi,
akoneo alokidiŋ ŋikidunyet
ka ekiboiye ŋolo ajokan alokidiŋ aberu ka ekile.
2Aremokino ayoŋ eyakae a ŋikabilae a ŋiuni a ŋituŋa,
aŋerit ayoŋ ŋipitesyo ŋulu ka akiyar kec lu:
Ituŋanan ŋinikulyakit ŋini ituro, ituŋanan ŋini ebarit tomodiyana,
ka ituŋanan ŋini emojoŋit tobaŋaana ŋini itiyae ŋuna ke elomi.
3Ani pa kiŋadakinit iyoŋ idiobore anasoroko kon,
ikokini nai iyoŋ iryamuni idiobore kimojoŋ ai?
4Ejokak iirari ŋakiro ŋuna etubio ituŋanan ŋini emojoŋit ŋakiro ka erae ibore ŋini ajokan ŋikasikou araakau ŋilopeyek a eikiiko.
5Ejokak iirari ŋakiro ŋuna ka aosou ŋuna irworosi ŋimojoŋ,
ejok aryamun ayenut ka akisirworiuno aneni a ŋulu itopolooritae.
6Ayenut ŋuna alalak ŋuna idau akitiya iŋes erae ebokot ŋolo a ŋimojoŋ
ka akituro kec iŋes akitopoloorit Ekapolon.
7Apedori ayoŋ atamun ŋikanikaomwon ŋulu atemari ayoŋ erae ŋulu erereŋ,
ido eserae ayoŋ a aŋajep kaŋ ŋolo a ŋitomon:
Ituŋanan ŋini elelyani aŋuna a ŋidwe keŋ;
ituŋanan ŋini erubakini eyari kiŋolik ŋimoe keŋ emunyar.
8Elakara ekile ŋolo iboiyete ka aberu ŋina eyeni ŋuna ajokak ka ŋuna aronok
ka ŋolo nyeenianakini emoŋ ka esigirya akitaa.
Elakara ituŋanan ŋini nyeseci anakirworo
ka ŋini nyitiyae aŋuna a ŋini edit akilo iŋes.
9Elakara ituŋanan ŋini eryamuni ekone
ka ŋini irworo neni a ŋulu epupete ŋakiro keŋ ejok.
10Epol nooi ituŋanan ŋini eryamuni aosou.
Nai mam ŋini epol akilo ŋini itopoloorit Ekapolon.
11Akitopoloorit Ekapolon iŋes iloit ŋinibore daadaŋ,
ŋae ikipedorya iwon akisikwaania ŋini itopoloorit Ekapolon? #25:12 Iyatakinito ŋakigireta ŋace eŋaet 12: Akitopoloorit Ekapolon, iŋes erae akisyakinet ŋina ka amina iŋes, ido erae anupit akisyakinet ŋina ka akitopoloorit Ekapolon.
Aronis ace ŋina erono nooi akilo
13Erono ajeme, nai erono nooi amamukau amina alotau kon;
erono ŋinaronis daadaŋ, nai erono nooi ŋina isyakini aberu.
14Eroko ŋican daadaŋ, nai erono aryamun ŋican aneni a ŋulu ikimanito,
erono akinyaŋia ŋuna itiyatae, nai erono nooi ŋina a ŋimoe kon.
15Emam akisorit ŋina aronon akilo akisorit ŋina ke emun
ka emam aŋoit ŋina aronon akilo anyunyura a aberu.
Aronis a aberu a ŋina aronon
16Ejok ayoŋ akiboi ka eŋatuny ta epiu akilo akiboi ka aberu ŋina aronon.
17Ilocokini aronis epite ŋolo sek etakania aberu
ido isiryoni ereet keŋ kikok ŋolo a ityaŋ a ŋini adedeŋan.
18Ŋina iboikinotor ekile ka ŋikidunyet,
nyejoŋoe iŋes aumonokin ieŋa eŋoit nooi.
19Edit asecit daadaŋ erae kisikwaani ka ŋina ka aberu a ŋina esecit,
elipi kitiyakin naberu ŋin ŋakiro a ikasecan.
20Ikwaan aberu ŋina aronon a ŋipitesyo ŋina erukito ka ekile ŋolo eliliŋan ka adokar ŋimojoŋ lomukura itorito lorot ŋolo eyai asinyon.
21Tocoite nyikikama akibuses a aberu
ka nyiyakaunor ekibure aŋuna ka aberu a ŋina eyakar ŋiboro ŋulu alalak.
22Ani kerae aberu itiyae ibore daadaŋ aŋuna a ekile,
eryamuni ekile ŋol anyunyura, aŋoit ka ajamuwaro.
23Epote nu neni a ekile aneni ka aberu a ŋina aronon:
Amamu akinapakina a ŋatameta, anyoridid a ereet ka akiyaloloŋ alotau.
Ŋakan ŋuna epalag ka ŋakuŋin ŋuna epalag erae ŋun daŋ ŋuna epote aneni ka aberu a ŋina nyitalakarit ekile keŋ.
24Erae naberu esyakinia asecit
ka aŋuna ka aberu ikitwaki iwon daadaŋ.
25Nyejok akimyekin ŋakipi eorete anibore,
ido ikwaŋinapei, nyejok akimyekin aberu ŋina aronon irworo ŋuna ecamit.
26Ani pa kitiya iŋes lopite ŋolo ilimokinitor iyoŋ iŋes, totyakas ka iŋes.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.