Mat. ŊUNA EGEUNETE
ŊUNA EGEUNETE
Elimorito Ŋakiro ŋuna Ajokak ŋuna egiri Matayo atemar Yesu iŋes Ekaiunan ŋolo abu Akuj kiik ŋituŋa, ŋolo abunio Akuj kisiyookinio ŋakiikineta neni a ŋituŋa keŋ a Nacamunet a ŋina Ŋorot. Nyerae Ŋakiro ŋuna Ajokak ŋun ŋuna a Ŋiyudayan make aŋuna edounere Yesu anakwap kec, ido kiboiyoto ka ikes, nai erae ŋuna ka akwap a daadaŋ.
Isibakit Matayo ŋakiro keŋ ejok. Isyakinit aloemut a ŋolo ka akidouno a Yesu, elimorit ŋuna ka akibatisao ka akitemio a Yesu, ido nai ŋuna ka akisyakin a Yesu alo Galileya etic keŋ ŋolo ka alimonokin ka akitatam, ta ŋolo ka akitaŋaleunun. Ekaku a ŋun, igiritae Nakiro ŋuna Ajokak nu ŋuna ka alosit a Yesu alo Galileya tari Yerusalem ka ŋakiro ke esabit a ŋolo esidyon anakiyar a Yesu, ŋuna apotu topoloto nooi apaki ŋina ka atwanare ka ayarun keŋ.
Elimorito Ŋakiro ŋuna Ajokak nu Yesu erae Eketataman ŋolo apolon akilo, ŋolo eyakar apedor ŋinakisileereunet Ŋikisila ŋulu ka Akuj, ido etatami ŋakiro ŋuna ka Apukan ka Akuj. Igiritae ŋakiro ŋuna alalak ŋuna etatami Yesu nakiro nu ŋakan bon:
(1) Akitatam a Yesu alomukura ŋina etoodiunit ŋipitesyo, ŋiticisyo, ŋarereŋisyo ka akibois ŋina elosete ŋituŋa ŋulu ka Apukan a ŋina anakuj (Ŋikekya 5-7);
(2) Akitatam ŋina etatamya Yesu ŋikasyomak keŋ ŋulutomon ka ŋiarei aŋuna ke etic kec a ŋolo ka alimonokin (Ekek 10);
(3) Ŋakitadapeta ŋuna ka Apukan a ŋina anakuj (Ekek 13);
(4) Akitatam ŋina ka apolou a ŋina ka aruwor ekasyoman a Yesu (Ekek 18);
(5) Akitatam ŋuna ka asalunet a anyamet a na, ka ŋuna ka abunore ka Apukan a ŋina anakuj (Ŋikekya 24-25).
Currently Selected:
Mat. ŊUNA EGEUNETE: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.