James 1

1[Le James miye, Wak̇aƞṫaƞka ṫawaoikiye ki, na Iṫaƞċaƞ Jesus Christ. Mak̇a sitomniya oyate akenuƞpa uƞpi ki hena, ċantewaṡteya nape ċiyuzapelo.]

2Mit̄ak̄uyep̄i, takuku iyaniglep̄i hena eha wap̄i icʹiyap̄o. 3Ċiƞ waiyaniglep̄i ki lena eċuƞhaƞ waċiƞniṫaƞk̄ap̄i na yakpaptap̄i caƞna wowic̄ala sut̄aya glusyauƞp̄i ki he slolyak̄iyap̄elo. 4Eyaṡ ḣic̄ahe ṡniyaƞ waċiƞṫaƞgya uƞpo. Heċel niṫawaċiƞ ki waniṡʹak̄ap̄i ktelo. 5Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo. 6Ċetʹuƞglap̄i ṡni eyaṡ niṫawaċiƞ et̄aƞhaƞ ḣc̄a ċek̄iyap̄o. T̄uwa waċetʹuƞġla haƞt̄aƞṡ maḣp̄iya k̄aowaƞc̄a ki iyeċel ṫawaċiƞ ki k̄aḣwok̄iƞ ktelo. 7-8Ṫawaċiƞ nic̄aḣwok̄ap̄i haƞt̄aƞṡ Wak̇aƞṫaƞk̄a et̄aƞhaƞ t̄ak̄uni waktap̄i ṡni yo. [ ċa el mnikakipehaƞ mnioṡiċeċa ċa mniwaƞċa el mnikakipehaƞ ki mnioṫate waƞ kaḣwog aye sʹe]v. 6

9[Oyate eya Wak̇aƞṫaƞka wiċalapi na tuwepi ṡni iċ'iglawapi ki hena iyuṡkiƞiċ'iyapi kte iyeċetu, eċiƞ Wak̇aƞṫaƞka hena yuwaƞkal wiċakiċuwa. 10Eyaṡ etaƞ wijiċapi ki hena tohaƞl wiċayuuƞṡikapi haƞtaƞaṡ iyokipi kta iyeċetu. Wijiċapi ki hena wanaḣc̄a kaḣwog iyaye ki he iyeċel wiċayutakuƞnipi kte ṡni 11na wi k̇ate ki uƞ ḣugnaġapi kte. Wanaḣc̄a ape ki hiƞḣpaye, na hehaƞyaƞ owaƞgwaṡte ṡni. Leċel wijiċapi ki wiċayutakinipi ṡni hehaƞyaƞ oḣ'aƞhaƞhaƞ opiiċ'iyapi kte.]

12Oteḣi iyaglep̄i eyaṡ t̄uwa wowic̄ala sut̄aya glusʹuƞp̄i na kpaptap̄i ki hena wiċayawaṡte ktelo, ċiƞ Wak̇aƞṫaƞk̄a teḣilap̄i waƞ hena wiċoni oihaƞk̄e wanilya wayaƞk̄ap̄i ktelo. 13T̄ak̄u ṡic̄e ki ṫawaċiƞ uƞyuhuƞk̄ap̄i ṡni eyaṡ leuƞk̄eyap̄i kta iyeċec̄a ṡni, “Le Wak̇aƞṫaƞk̄a k̄aġe,” uƞk̄eyap̄i kte ṡni. T̄ak̄u ṡic̄e ki uƞ Wak̇aƞṫaƞk̄a yuhunka-pic̄a ṡni na Wak̇aƞṫaƞk̄a t̄uweni ṡic̄aya waeċuƞkiye ṡni. 14Eyaṡ uƞk̄iyuƞk̇ala ċa Wak̇aƞṫaƞk̄a iḣayab uƞk̄iyayap̄elo. Wowaḣt̄ani k̄aiyapehe-uƞk̄icʹiyap̄elo. 15T̄ak̄u ṡic̄e ki awauƞċiƞp̄i haƞt̄aƞṡ haƞk̄eyaṡ eċel wauƞḣt̄anip̄i. Wowaḣt̄ani he aya-uƞk̄icʹiyap̄i haƞt̄aƞṡ uƞyut̄ak̄unip̄i kte ṡni yelo.

16Mit̄ak̄uyep̄i, icʹignayaƞp̄i ṡni yo! 17T̄ak̄u waṡte ki hena iyuha maḣpiyat̄aƞhaƞ Wak̇aƞṫaƞk̄a et̄aƞhaƞ u welo. K̇o wi ki iyoyaƞpakiye na he mak̇a glak̄iƞyaƞ ṫogṫogya aiyohaƞze, eyaṡ Wak̇aƞṫaƞk̄a heċel igluṫokc̄a ṡni yelo. 18Woṫaƞiƞ waṡte ogna niuƞkiyap̄i na uƞyuonihaƞp̄elo.

19Mit̄ak̄uyep̄i, le k̄iksuyap̄o! Waƞc̄ag woglak̄ap̄i kte ṡni eyaṡ t̄aƞyaƞ wanaḣʹuƞp̄i na ċaƞzek̄ap̄i kte ṡni he eċa awaċiƞp̄i kte. 20Wak̇aƞṫaƞk̄a waṡt̄eya woeċuƞ eya uƞk̄ic̄iċiƞp̄i eyaṡ oċaƞze-uƞk̇okelap̄i ki he ikuṡeṫuƞ. 21Ċa t̄ak̄u ṡic̄a eċanup̄i sʹa waƞ hena ek̄iġnak̄ap̄o. Na Wak̇aƞṫaƞk̄a etkiya uƞṡiicʹiyap̄i na woṫaƞiƞ waṡte ċaƞt̄emahel oyegnak̄ap̄i ki he glusʹuƞp̄o, he uƞ yanip̄i ktelo.

22Icʹignayaƞp̄i ṡni yo, ec̄ela anayaġoptaƞp̄i kte ṡni eyaṡ nak̄uƞ aiyeċel oyaḣʹaƞp̄i ktelo. 23-24Oyate huƞḣ miyoġlasʹiƞ el waƞicʹiglak̄ap̄i eyaṡ enaḣc̄i eicʹiktuƞjap̄i. Wanayaḣʹuƞp̄i hena eċanup̄i ṡni ki leċec̄a. 25Wooṗe ihaƞk̄eya waṡte ḣc̄e ki he oyate ki iwaṡtep̄i kte, awaċiƞp̄i haƞt̄aƞṡ. Wak̇aƞṫaƞk̄a anayaġoptaƞp̄i na eyaktuƞjap̄i ṡni eyaṡ aiyeċel yauƞp̄i haƞt̄aƞṡ Wak̇aƞṫaƞk̄a niyawaṡtep̄i ktelo.

26[Iċetuḣc̄iya nigluhapi keċaƞnipi, kʹeyaṡ iwaniṡiċupi haƞtaƞnaṡ niċ'ignayapi, na tokehc̄i taƞyaƞ nigluha keċaƞni kʹuƞ he initukuni kte ṡni. 27Tuwa Ate Wak̇aƞṫaƞka iyokipiya ċiƞ haƞtaƞnaṡ wak̇aƞyaƞ igluha kte. Na wableniċa na wiwaziċa ki hena owiċakiyiƞ kte na mak̇a wiċoni el wowiyutaƞ ki hetaƞhaƞ ḣayab igluziƞ kte.]

Currently Selected:

James 1: LKTNT20

Highlight

Copy

Compare