Ephesians 3
3
1Christ Jesus [wayaka iyeċel iċ'iċ'uya ihakab wauƞ] [ṫawayaka heċa makaġe,] heċel oyate niṫokcapi ki hena oċiċiyapi owakihi kte ki heuƞ. 2Wak̇aƞṫaƞka waċaƞteognaka waƞ yuha uƞkiyapi ċiƞ ki he bluha kte ki imakipi ṡni eṡʹa yuha makiye, heuƞ oċiċiyapi kta makaḣniġe. 3Taku eya wak̇aƞ ċa Wak̇aƞṫaƞka waƞyaƞgmakiye ki hena wowapi ki le ċistiyela eṡʹa uƞ waƞyaƞgniċiyapi kte. 4Wowapi ki le lawapi iċuƞhaƞ, taku eya Christ eċiyataƞhaƞ okaḣniḣmakiye ki he waƞlakapi kte. 5Tuweni le wowak̇aƞ ki slolyapi ṡni, wowak̇aƞ ki le slolyapi ṡni haƞni Woniya Wak̇aƞ ki wahoṡiye wak̇aƞ eya e na wokcan wiċaṡa eya le ableswiċakiye. 6Na wowak̇aƞ ki le le ċetu, he Christ Jesus uƞ woṫaiƞ waṡte ki oyate ṫokṫokċapi ki hena wiċakʹupi, heċel taku eya Jew oyatepi ki waṡte ċa iwahowiċayapi kʹuƞ hena iƞṡʹeya oṗawiċakiyapi kte. 7Wak̇aƞṫaƞka taƞyaƞ makuwa. Woṫaiƞ Waṡte ki taƞyaƞ oblakiƞ kte ki uƞ taku owakihi ṡni ki hena ṫawowaṡʹake ki uƞ aiyeċel aik̇oyagmaye. 8Oyate eya yuwaƞkal wiċayuzapi ohaƞ wauƞ na matuweni ṡni eṡʹa Wak̇aƞṫaƞka uƞṡimala na miye ċa oyate ṫokṫokċapi ki hena owiċawakiyakiƞ kta makaḣniġe, heċel iƞṡʹeya Christ el taku ihaƞkeya waṡteṡte ċa yuhapiċa yaƞke ki hena iƞṡʹeya yuhapi okihipi kte. 9Wak̇aƞṫaƞka taku iyuha kaġe ki he, taku eya okaḣniḣpiċa ṡni ċa ṫawaċiƞ mahel yuha ki hena oyate ki okaḣniḣ wiċakiya ċiƞ, heuƞ owiċawakiyakiƞ kta makaḣniḣġe. 10Hehaƞl Wak̇aƞṫaƞka ok̇olakiċiye wak̇aƞ ki he wiċauƞ kte, wowaṡʹake na maḣpiya wokiċuƞze el taku ota wowaableze yaƞke ki hena okaḣniḣ wiċakiyiƞ kte. 11Taku eya ṫokata u kte ki hena Wak̇aƞṫaƞka ehaƞni ognaya egnake. Na taku eċuƞ ċiƞ kʹuƞ hena eċel iyaye, iċiƞ Christ Jesus Iṫaƞcaƞ taku waƞ eċuƞ kʹuƞ heuƞ. 12Christ wiċauƞlapi ki heuƞ ċaƞtetiƞsya Wak̇aƞṫaƞka el uƞkupi uƞkokihipi. [ċaƞtokihiya] 13Heċauƞ tohaƞl niyepi uƞ woteḣi waƞyaƞgmakiyapi ċaƞna waċiƞyeyakiyapi kte ṡni. Heċuƞpi ki he ohakab woyuonihaƞ luhapi kte. 14Leuƞ ċankpe mak̇agleya inawajiƞ na Ate ċewakiye. 15Maḣpiya oḣlate taku ṡkaƞṡkaƞpi ki hena iyuha Wak̇aƞṫaƞka wiċoni wiċakʹu. 16Wak̇aƞṫaƞka woiṫuƞṗeya na oṫaƞṫuƞkaya uƞ. Woniya Wak̇aƞ ki iyoḣlogya waṡʹagniyaƞpi kta 17Na wowiċala luhapi ki uƞ Christ niohaƞ uƞ kte. Waṡʹagya nayajiƞpi na wowiċala hute ki he niċaƞtepi ki el mahetuya yagluhapi kte. 18Taku waƞ oṫaƞkaya eyapi, naiƞṡ haƞskeya eyapi, naiƞṡ waƞkatuta eyapi, naiƞṡ mahetuya eyapi, ki hena wak̇aƞya woayċiƞyapi heċa ċa k̇api, hena niye na Wak̇aƞṫaƞka ṫaoyate ki ayablezapi oyakihipi kta uƞ waċeċiċiyapi. 19Christ oyate ki ṫewiċaḣila ki he ookaḣniḣpiċa ṡni eṡa slolyayapi waċiƞ. Hehaƞl wiċoni niṫawapi ki Wak̇aƞṫaƞka ṫawowaṡte ki oniċaḣtaƞpi kte. 20Christ Jesus ena ok̇olakiċiye wak̇aƞ ki he oihaƞke wanil Wak̇aƞṫaƞka yataƞpi kte waċewakiye. Ṫawowaṡʹake ki he iyoḣlogya taku eċuƞpiċa ṡni na ookaḣniḣpiċa ṡni ki hena uƞkokihipi kta. Ho heċetuwelo. 21[ Wak̇aƞṫaƞka ok̇olakiċiye wak̇aƞ ki ena Christ Jesus oihaƞke wanil yataƞpi kte. Ho heċetu welo.] This verse is not in CEV
Currently Selected:
Ephesians 3: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
