Wak̇aƞṫaƞka woiṫuƞṗeya na oṫaƞṫuƞkaya uƞ. Woniya Wak̇aƞ ki iyoḣlogya waṡʹagniyaƞpi kta Na wowiċala luhapi ki uƞ Christ niohaƞ uƞ kte. Waṡʹagya nayajiƞpi na wowiċala hute ki he niċaƞtepi ki el mahetuya yagluhapi kte. Taku waƞ oṫaƞkaya eyapi, naiƞṡ haƞskeya eyapi, naiƞṡ waƞkatuta eyapi, naiƞṡ mahetuya eyapi, ki hena wak̇aƞya woayċiƞyapi heċa ċa k̇api, hena niye na Wak̇aƞṫaƞka ṫaoyate ki ayablezapi oyakihipi kta uƞ waċeċiċiyapi. Christ oyate ki ṫewiċaḣila ki he ookaḣniḣpiċa ṡni eṡa slolyayapi waċiƞ. Hehaƞl wiċoni niṫawapi ki Wak̇aƞṫaƞka ṫawowaṡte ki oniċaḣtaƞpi kte.