2 Timothy 3
3
What People Will Be Like in the Last Days -Ṫokata Aƞpetu[Lena] Ehake Ekta Oyate Ki Tokel Uƞpi Kte Ki
1Aƞpetu ehake ekta woteḣi waƞ u kte lo. 2Oyate ki waṡteiċ'ilakapi kte, na mazaska ki ecela awaċiƞ uƞpi kte. Witaƞpi kte, tuweiċ'ilapi kte, waoṡteglapi kte, na huƞkupi na atkukupi ki anawiċaġoptaƞpi kte ṡni. Wopila wanilya uƞpi kte, na takuni wak̇aƞlapi kte ṡni, 3ċaƞte waniċapi sʹe opiiċ'iyapi kte, na wawaḣtelapi kte ṡni. Ṫawaċiƞ waaḣniyaƞpi ki uƞ ṫaoiye ki waṡtepi kte ṡni, nahaƞ waċiƞṫaƞka wanilya uƞpi na wauƞṡilapi kte ṡni. Oyate ki lena taku waṡte ki hena iyuha waḣtelapi kte ṡni. 4Wiċaṡaṡniya igluhapi kte, na tokċiƞkċiƞyaƞ uƞpi kte, na wowitaƞ uƞ igluwaƞkal igluzapi kte. Wak̇aƞṫaƞka oholapi kte ṡni na e eyaṡ woiyokipi ki he waṡtelakapi kte. 5Wak̇aƞyaƞ igluhapi sʹelec̄eċa kʹeyaṡ, tokel igluhapi ki he akaƞtaƞhaƞ eċela aṫaiƞ kte. Oyate eya heċel igluhapi ki hena etaƞhaƞ nigluḣlayayiƞ kte lo.
6Lena oyate ki wiċagnayaƞpi wayupikapi, iyotaƞḣci wiƞyaƞ eya naġiwaṡ'akapi ṡni na waḣtanipi sʹa hena wiċayahomnipi. 7Wiƞyaƞ ki lena ohiƞniya taku woslolya ċiƞpi, eyaṡ tohiniyaƞ wowic̄ake ki iyeyapi okihipi ṡni. 8Jannes ena Jambres#3.8 Jannes and Jambres: These names are not found in the Old Testament. But many believe these were names of the two Egyptian magicians who opposed Moses when he wanted lead the people of Israel out of Egypt ( see Exodus 7.11, 12). Moses kipajiƞpi waƞ he iyeċel, oyate ki lena wowic̄ake ki kipajiƞpi. Ṫawaċiƞ zaƞnipi ṡni, na wowic̄ala ki ic̄upi ṡni. 9Eyaṡ witkoya wiyukcaƞpi ki he ṫehaƞ yuhayapi kte ṡni, oyate ki awiċablezapi kte, nahaƞ Jannes e na Jamres iyeċel iƞṡ eya iyaṡlalwiċayapi kte lo.
Paul's Last Instructions to Timothy - Paul ehake Timothy Wiyaksape
10Timothy, tokel wauƞspewiċawakiye ki he, na tokel migluha ki he slolyaye. Taku wiċawala, na taku eċamuƞ waċiƞ ki hena nakuƞ slolyaye. Waċiƞṫaƞgya opimic'iyiƞ na oyate ki ċaƞteowiċagnaya wauƞ ki he waƞlake, nahaƞ hektakiya 11oṫuƞwaƞhe eya Antioch, Iconium, na Lystra, hena el woteḣi na woṡiċa ohaƞ ċaƞteyekiya wauƞ, eyaṡ Wak̇aƞṫaƞka taku ki lena etanhaƞ nimakiye. 12Tuwa Christ Jesus ṫawowic̄ala ki ic̄upi na taƞyaƞ igluha ċiƞpi ki hena, oyate ki wiċakipajiƞpi kte. 13Eyaṡ oyate eya iglawaṡtepi na oyate ki wiċagnayapi waƞ hena eṡ eyaṡ iye samṗaya iglaṡiċapi kte.
14Taku eya uƞspeniċiyapi na wiċayala waƞ hena sutaya yagluha kte. Iṡnikal eṡ tuwe ċa wauƞspeniċiyapi ki hena slolwiċayaye. 15Wanik̇aƞyeja henitaƞhaƞ hehaƞyaƞ Wowapi-Wak̇aƞ ki he oyakaḣniġe ki uƞ niksape, na he Jesus Christ ṫawowiċala ki heuƞ yani. 16Taku iyuha Wowapi-Wak̇aƞ el owapi ki hena Wak̇aƞṫaƞka ṫaoiye ki e. Uƞ wauƞspewiċakiyapi naiƞṡ oyate ki iwiċayaksapapi kte ki he uƞpi okihipi. Tokel uƞpi kte ki he le iwaċiƞyaƞpi okihipi. 17Wowapi-Wak̇aƞ ki he Wak̇aƞṫaƞka ṫawowaṡipi ki hena le uƞ taku ota waṡteṡte eċuƞ uƞspeiċ'iċiyapi kte.
Currently Selected:
2 Timothy 3: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
