2 Peter 3

1Mitakuyepi, bliheliċ'iyapi waċiƞ uƞ wowapi iċinuƞpa ki le wakaġe, lena taƞyaƞ awilukc̄aƞpi kte na eyaktuƞjapi waċiƞ ṡni. 2Wak̇aƞṫaƞka ṫawahoṡiye ki tuku eya kaketu kta keyapi waƞ hena eċel eċetu. Wak̇aƞ wahoṡiye ki taku eya ehaƞni uƞspeniċiyapi kʹuƞ hena eyaktuƞjapi kte ṡni. Nahaƞ wahoṡiye ki Iṫaƞċaƞ uƞkiṫawapi na Wanikiya oiye kiċ'uƞya iwaho uƞyaƞpi waƞ hena uƞkiksuyapi kte. 3#Jd 18.Eyaṡ ṫokeya le ayablezapi kte, aƞpetu ehake ekta oyate ki huƞḣ takuƞni itok̇api kte ṡni, na e e iṡna awaiċ'iċiƞpi kte. Na oiniḣapi kte 4na heyapi kte, "Tokenaiƞṡ Iṫaċaƞyapi ki kukta keye iwahoniyapi kʹuƞ tok̇a hwo? Na hehaƞ oiṫaƞċaƞpi waƞ hena [ehaƞni] tʹapi, na mak̇oċe ki heċena takuniṡ ṫokeċa ṡni." 5#Gn 1.6-9.Wak̇aƞṫaƞka ehaƞni mak̇oċe ki ṫaho uƞ kaḣ egnake. Mak̇oċe ki mni etaƞ hinaṗe kiye na mni uƞ kaġe. 6#Gn 7.11, 12. Ohakab mnitaƞ ṫaƞka waƞ uƞ mak̇oċe ki ihaƞgyiƞ kte. 7Eyaṡ Wak̇aƞṫaƞka maḣpiya na mak̇oċe ki hena aƞpetu waƞ el wayasupi ṡni hehaƞyaƞ yakiƞkta ċa gluṡtaƞ. Hehaƞl ṗeta uƞ ḣugnaḣyiƞ kte na oyate eya takuƞni wak̇aƞlapi ṡni hena k̇opi kte. 8Mitakuyepi, le ektuƞjapi ṡni yo, Wak̇aƞṫaƞka aƞpetu waƞjila na waniyetu k̇oktopawiƞġe waƞji ki hena iye akiyeċel yawa. 9Wak̇aƞṫaƞka taku eye kʹuƞ hena ḣ'aƞhiya eċuƞ ṡni, eyaṡ taku eye kʹuƞ hena ektuƞja keċiƞpi. Eṡʹeyaṡ, Wak̇aƞṫaƞka oyate ki nunipi ċiƞ ṡni na niwiċaya ċiƞ kʹuƞ heuƞ waċiƞṫaƞgya owiċakuwa. 10#Mt 24.43; Lk 12.39; 1 Th 5.2; Rev 16.15. Iṫaƞċaƞ ki ake tohanl ku kte ki he ognahela uƞyaƞpi kte. #3.10 wamak̇ognaka ki he: wi ki he, haƞwi ki, wiċaḣpi, naƞiƞṡ taku iyuiha wamak̇ognaka etaƞ kaġapi ki hena k̇api seċe.Maḣpiya na mak̇a iyokogna taku yaƞke ki hena iyuha ṗeta waƞ ḣ'muyela ile ki heuƞ ḣugnaġiƞ kte.#3.10 iyuha ṗeta waƞ ḣ'muyela ile ki heuƞ ḣugnaġiƞ kte. 11Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte. 12Wak̇aƞṫaƞka tuwe ki iyuha wiċayasu kte ki he eċani kta awaċiƞyaƞ yauƞ kte.#3.12 waktaya yauƞ kte: "naƞiƞṡ aƞpetu ki he eċaƞni u ċiƞ yauƞ kte." 13Eyaṡ Wak̇aƞṫaƞka maḣpiya waƞ ṫeċa na mak̇oċe waƞ ṫeċa ċa iwahouƞyaƞpi, he el taku ki iyuha iyeċetu kte. Le uƞkaṗepi! 14Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte. 15Wak̇aƞṫaƞka oyate ki niwiċakiya ċiƞ kʹuƞ heuƞ waċiƞṫaƞgya owiċakuwa ki he ektuƞjupi ṡni yo. K̇ola Paul iƞṡʹeya wowapi waƞ niċaġapi na el leċel winiyaksapapi, woksape ki he Wak̇aƞṫaƞka kʹu ċa heuƞ leċel owa. 16Paul ṫawowapi ki hena el taku iwouƞglakapi ki hena iƞṡʹeya iwoglake, eyaṡ taku eye ki hena huƞḣ ookaḣniḣ ṡiċe. Oyate eya waiyehaƞ wiyukc̄aƞ okihipi ṡni na ṫawaċiƞ hahalapi eya waeye ki hena kaipaweḣ oyakapi na uƞ ihaƞgiċ'iyapi. Wowapi Wak̇aƞ el nakuƞ takuku heċuƞpi. 17Mitakuyepi, taku heċetu kte ki hena kaiṫokabya iwahoniyapi! Heuƞ oyate eya wiċaṡa ṡniya opiiċ'iyapi ki hena iċiḣmiyaƞ aniyewiċakiyapi ṡni yo na niyaijena wiċakiyapi ṡni yo. 18Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!#3.18 Ho heċetu: Wowapi kaġapi ki huƞḣ "Ho heċetu." eya owapi ṡni.

Currently Selected:

2 Peter 3: LKTNT20

Highlight

Copy

Compare