Popular Bible Verses from 2 Peter 3

Share

Wak̇aƞṫaƞka taku eye kʹuƞ hena ḣ'aƞhiya eċuƞ ṡni, eyaṡ taku eye kʹuƞ hena ektuƞja keċiƞpi. Eṡʹeyaṡ, Wak̇aƞṫaƞka oyate ki nunipi ċiƞ ṡni na niwiċaya ċiƞ kʹuƞ heuƞ waċiƞṫaƞgya owiċakuwa.

Mitakuyepi, le ektuƞjapi ṡni yo, Wak̇aƞṫaƞka aƞpetu waƞjila na waniyetu k̇oktopawiƞġe waƞji ki hena iye akiyeċel yawa.

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!

Iṫaƞċaƞ ki ake tohanl ku kte ki he ognahela uƞyaƞpi kte. Maḣpiya na mak̇a iyokogna taku yaƞke ki hena iyuha ṗeta waƞ ḣ'muyela ile ki heuƞ ḣugnaġiƞ kte.

Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte. Wak̇aƞṫaƞka tuwe ki iyuha wiċayasu kte ki he eċani kta awaċiƞyaƞ yauƞ kte.