2 Peter 1
1
1Simon Peter le miye yelo, Jesus Christ ṫawowaṡi na ṫawahoṡiye ki he e.
Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.#1.1 To everyone who...just and fair: Or "To everyone whose faith in the justice and fairness of our God and Savior Jesus Christ is as precious as our own faith." 2Wak̇aƞṫaƞka uƞṡinilapi na waḣwayela uƞniċiyapi kta uƞ ċewakiye! Wak̇aƞṫaƞka na Iṫaƞċaƞ Jesus aƞpetu iyohila wokaḣniġe ki he isamya oyakaḣniġapini eċami. 3Wak̇aƞṫaƞka ṫawowaṡʹake ki he uƞ taƞyaƞ uƞkigluhapi uƞkokihipi. Na ṫawowaṡte ki he tokel yunayeuƞyapi uƞkokihipi kte ki he okaḣniḣ uƞkiyapi kte. 4Wak̇aƞṫaƞka woiwahoye eya woiṫuƞṗeya kaġe, na he ṫaoye ki iyeċel eċakel ogna wauƞ kte. Heċel taku heċetu ṡni eya uƞkawaċiƞpi na heċel wowiyutaƞ yaƞke ki hetaƞhaƞ iṫehaƞ uƞkoyuspapi kte. 5Wowiċala niṫawa ki he saƞmṗaya leċel yagluwaṡte kte, wowaṡte ki ena, wookaḣniġe ki ena, 6wowaċiƞṫaƞka ki hena uƞ ċaƞtiyuṡkiƞyaƞ Wak̇aƞṫaƞka etkiya ilag niċ'iyiƞ kte, 7oyate ki ċaƞtowiċayagnakiƞ na uƞṡiwiċayalakiƞ kte. 8Leċel wiċoni niṫawa ki uƞ nigluha ki, Iṫaƞċaƞ Jesus Christ ṫaoye ki he tokel k̇e kʹuƞ he, taƞyan aṫaƞiƞ kte. 9Eyaṡ le naokpaniya yauƞ haƞtaƞnaṡ, wiċaṡa waƞ iṡtaġuġa ki he iyeċel yauƞ, eċiƞ ehaƞni wayaḣtani sʹa tk̇a he eyaktuƞje ki heuƞ. 10Mitakuyepi, Wak̇aƞṫaƞka nikaḣnigapi ki he he tohaƞyaƞ oyakihipi ki hehaƞyaƞ eċel gluaṫaƞiƞpo. Leċel yauƞpi haƞtaƞnaṡ, tokel niċ'iċuƞzapi ki hetaƞyaƞ iḣayab ilalapi kte ṡni, na he ogna waṡʹagya yauƞpi kte. 11Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte. 12Wowiċake waƞ niċ'upi ki he waṡʹagya gluha yauƞpi, kʹeyaṡ heċena lena kiksuyeċiċic̄iyapi kte. 13Eṡʹeyaṡ mak̇a wiċoni ki le abluṡna ṡni hehaƞyaƞ heċel eċamuƞ kte. 14Na aƞpetu miṫawa ki he waƞna k̇aƞyela he ċa, Iṫaƞċaƞ Jesus Christ, iwahomaye. 15Heuƞ ċa le woeċuƞ ki taƞyaƞ eċamuƞ waċiƞ, heċel tohaƞl el wauƞ ṡni kihaƞ lena yeksuyapi kte. 16*Iṫaƞċaƞ Jesus Christ ṫawowaṡʹake ki ena tohaƞl ake gli kte ki he, uƞkoniċiyakapi ki he ikc̄ekc̄eya wowayake heċa ṡni. Eyaṡ uƞkiṡtapi uƞ ṫawowaṡʹake ki wauƞyaƞkapi. 17Wak̇aƞṫaƞka, Ate uƞyaƞpi ki, woyuonihaƞ ṫaƞka waƞ kʹu waƞhehaƞ wiċaho waƞ heye, "Le Miċiƞkṡi ki e, na iyokipi maye." 18Paha Wak̇aƞ waƞ hel Jesus kiċi uƞkipi na hel maḣpiyatahaƞ wiċaho ki he nauƞḣ'uƞpi. 19Wahoṡiye ki taku eyapi kʹuƞ hena iyeċetu ki heuƞ saƞmṗaya wiċauƞlapi. Heuƞ oiyokpaze el ṗetijaƞjaƞ waƞ iyoyaƞpakiye ki he iyeċel, taku eyapi ki hena taƞyaƞ ċantewiċaluzapi kte, haƞhepi opta na aƞpetu ṡni hehaƞyaƞ awaċiƞyaƞ yauƞpi kte, eċel aƞpo wiċaḣpe ki he ṫaƞiƞ sʹe ayableze hehaƞyaƞ. 20Eyaṡ Wowapi Wak̇aƞ el taku eya iwak̇aƞya iwoglakapi kʹuƞ hena tuweni okaḣniġa okihi ṡni, he ayableziƞ kte. 21Wahoṡiyapi ki taku eyapi ki hena iyuƞk̇aƞla iyukc̄aƞpi ṡni, eyaṡ Woniya Wak̇aƞ ki tuƞweya owiċakiye.
Currently Selected:
2 Peter 1: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
