1 Peter 5

Ok̇olakiċiye Wak̇aƞ El Waokiye

1Ok̇olakiċiye Wak̇aƞ ki blihelċiyapi waċiƞ uƞ wowapi ki le wakaġe. Miṡʹeya he el oiṫaƞċaƞpi ki he mawaƞji, na Christ tokel kakije kʹuƞ he waƞblake, na he tohaƞl ṫawowaṡʹake ki yutaƞyaƞkel yuaṫaƞiƞpi ki miṡʹeya el oṗamakiyapi kte. 2*Ṫaḣc̄aṡuƞkala awaƞwiċaglakapi ki he iyeċel, Wak̇aƞṫaƞka ṫaoyate ki hena awaƞwiċalakiƞ kta ċa nikaḣnġe, heċanuƞ kta heċa ṡni tk̇a, e ċaƞtekiċ'uƞya wowaṡi eċanuƞ kte. Na maza eċela uƞ wowaṡi eċanuƞ kte ṡni. 3Oyate eya awaƞwiċalake ki hena ohaƞ waiṫaƞgċaƞgċaƞkaiċ'iye ṡni yo, na e taƞyaƞkel awaƞniċ'iglaka haƞtaƞnaṡ he aniblezapi ktelo. 4Heċel nigluha ki tohaƞl Christ he Oiṫaƞċaƞḣc̄i ki he gli kihaƞ, woohiye waƞ woiṫuƞṗe oihaƞke ṡni ċa uƞ wateṡlag nikiyapi kte. 5*Oyate niṫeċapi ki hena ṫankake ki hena oiye nawiċayaḣ'uƞpi kte. Nakuƞkayeṡ, tuwe ki iyuha uƞṡiiċ'iya kiċiċuwapi kte. Wowapi Wak̇aƞ el leċel owapi, "Wak̇aƞṫaƞka oyate eya tuweiċ'ilapi kʹuƞ hena wiċakipajiƞ kte, eyaṡ etaƞ uƞṡiiċ'iya uƞpi kʹuƞ owiċakiyiƞ kte." 6*Heun, Wak̇aƞṫaƞka ṫawowaṡʹake ki ohaƞ uƞṡiiċ'iya uƞwo, heċel tohaƞl heċetu kte ki el niyuonihaƞ kte. 7*Wak̇aƞṫaƞka uƞṡinila, ċa heuƞ taku iċaƞniṡike ki hena iyuha aiḣpeyayo. 8Ohiƞniya waktaya opiiċ'iyayo. Waƞji ṫokaniye ki he, wak̇aƞṡiċa ki e, he igmuƞ ṫaƞka ċa hoṫaƞgya hotuƞ omani, tuwa anasnatiƞ kta ole. 9Eyaṡ wak̇aƞ ṡiċa ki iktoyaṗiƞ kte, na niṫawowiċala ki sutaya oyagluspiƞ kte. Mak̇asitomniya Iṫaƞċaƞ ihakab uƞpi ki iyotiyeyakiye ki iyeċel kakijapi. 10Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.] 11Wak̇aƞṫaƞka taku ki iyuha owihaƞke waninl napiyuziƞ kte! Ho heċetu welo. 12*Silvanus wowapi ċiƞċala ki le owa omakiye, na he Iṫaƞċaƞ ihakab uƞpi ki he waƞjiḣc̄e blawa. Wak̇aƞṫaƞka ṫawauƞṡila ki he uƞ blihelċiya waċiƞ, heċel iniyaƞṡniyaƞ wiċayalapi kte. 13Babylon#5.13 Babylon: This may be a secret name for the city of Rome. el Iṫaƞċaƞ ihakab eya uƞpi kʹuƞ hena napeniyuzapi keyapi. Hena Wak̇aƞṫaƞka wiċakaḣniġe ki hena epi. Mark, he ċiƞkṡi waye iyeċel wakuwa, iƞṡʹeya napeniyuzapi keye. 14Taƞyaƞ napekiċiyuzapo. Tuwe kʹeya Christ#5.14 Christ: Some manuscripts add"Amen." ihakab unpi kʹuƞ hena iyuha okablaya yauƞpi kta ċewakiye.

Currently Selected:

1 Peter 5: LKTNT20

Highlight

Copy

Compare