1 Thessalonians 1
1
1Le uƞkiyepi, Paul miye ċa Silas ena Timothy ob etaƞhaƞ. Thessalonica oṫuƞwahe el ok̇olakiċiye Wak̇aƞ uƞpi ki hena wowapi ki le uƞniċaġapi. na Ate Wak̇aƞṫaƞka na Iṫaƞċaƞ Jesus Christ ṫaoyatepi ki, Wak̇aƞṫaƞka uƞṡinilapi na okablalya uƞiċiyapi kta uƞ niyawaṡtepi nunwe! 2Waċeuƞkiyapi ċaƞ uƞniksuyapi na wopila uƞkeyapi. 3Wowiċala niṫawa ki yuhohopiċa ṡni ki he, na wauƞṡilaya wowaṡi eċanuƞ ki hena, Ate Wak̇aƞṫaƞka uƞkokiyakapi. 4Mitakuye eya teuƞniḣilapi kʹuƞ, Wak̇aƞṫaƞka teniḣilapi uƞ ṫaoyate heniċapi kta niċaḣniġapi. 5Woṫaƞiƞ Waṡte ki uƞkoniċiyakapi waƞ hehaƞ woiye hena ecela ṡni tʹka, Woniya Wak̇a ki eċa taku heċetu ki hena slolyeniċiyapi. Niohaƞ uƞkʹuƞpi waƞ hehaƞ tokel opiuƞkiċ'iyapi ki he wauƞyalakapi na heuƞ ouƞniċiyapi uƞkokihipi. 6Heuƞ ċa, Woṫaƞiƞ Waṡte ki nayaḣ'uƞpi na heċetuyalapi, tokel uƞkigluhapi na Wak̇aƞṫaƞka ṫaoye ki he waƞlakapi na ogna nigluhapi. Heuƞ nikakijapi eyaṡ Woniya Wak̇aƞ ki ċaƞte waṡteniyapi. 7Macedonia mak̇oċe na Achaia mak̇oċe hena el tokel nigluhapi ki he waƞiyaƞkapi. 8Na heuƞ Woṫaƞiƞ Waṡte ki mak̇okaṡpe yaƞke hena el ata kablaya iyaye. Wak̇aƞṫaƞka wiċayalapi ki he tuktetu keyaṡ onaniḣ'uƞpi, ċa takuƞni samṗaya uƞniċiyaoṫaiƞpi kte ṡni. 9Oyate eya hel uƞpi hena leċel iwoniglakapi, tokel yutaƞyaƞkel uƞyakuwapi ki he, nahaƞ tokel taku ikc̄eya eya ċewiċayakiyapi sʹa tk̇a eyaṡ hena awiċaluṡtaƞpi na Wak̇aƞṫaƞka eċa luonihaƞpi ki he. 10Nahaƞ Ċiƞhiƞtku Jesus maḣpiya taƞhaƞ ku kte ki he aṗe yauƞpi ki he uƞkokiyakapi. He Wak̇aƞṫaƞka wiċuƞtʹe etaƞhaƞ yukini, na aƞpetu waƞ el wiċayaċopi ki, wiċotakuƞni ṡni etaƞhaƞ Jesus niuƞyaƞpi kte lo.
Currently Selected:
1 Thessalonians 1: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
