ମୂଲୁ 28
28
ଇସାହାକ ଜାକୁବଇଁ ଲାବନ ତା଼ଣା ପାଣ୍ତିନାୟି
1ଇସାହାକ ଜାକୁବଇଁ ହା଼ଟିକିହାଁ ବ଼ର ହୀତେସି, ଇଞ୍ଜାଁ ଈ ହୁକୁମି ହୀହାଁ ଏ଼ୱାଣାଇଁ ଏଲେଇଚେସି, “ନୀନୁ କିଣାନ ଦେ଼ସାତି ଏମିନି ମା଼ଙ୍ଗାନି ବୀହା ଆ଼ଆନି। 2ନୀନୁ ପଦନ୍ ଅରାମତା#28:2 ମେସପଟାମିୟାଁ ନୀ ଇୟାନି ତାଞ୍ଜି ବତୁୟେଲ ଇଜ ହାଜାହାଁ, ଏମ୍ବାଆଁ ମୀ ମା଼ମା ଲାବନତି ଏମିନି ମା଼ଙ୍ଗାନି ବୀହା ଆ଼ମୁ। 3ବାରେ ବା଼ଡ଼୍ୟୁଗାଟି ମାହାପୂରୁ#28:3 ଏଲ୍-ସାୟିଦା ବ଼ର ହୀହାଁ ନିଙ୍ଗେ ହା଼ରେକା କୂଲୁ କୂଡ଼ା କିହାଲି ବେ଼ଲି ଏ଼ପା କିହାଁ, ହା଼ରେକା ଲ଼କୁତି ତାଞ୍ଜି କିୟାପେସି। 4ଅ଼ଡ଼େ ଅବ୍ରାହାମକି ହୀହାମାନି ବ଼ର ନୀ ତା଼ଣା ଅ଼ଡ଼େ ନୀ କୂଲୁତା ପୂରା କିୟାପେସି; ଏଚେଟିଏ ମାହାପୂରୁ ନୀ ବାସା ଟା଼ୟୁ ତାକି ଏମିନି ଦେ଼ସା ଅବ୍ରାହାମକି ହୀହାମାଚେସି, ଏ଼ ଦେ଼ସାତା ନୀ ଅଦିକାରା ଆ଼ପେ।” 5ଏଚେଟିଏ ଇସାହାକ ଜାକୁବଇଁ ହେଲ ହୀହାଁ ପାଣ୍ତାଲିଏ, ଏ଼ୱାସି ପଦନ୍ ଅରାମତା ଅରାମିୟ ବତୁୟେଲତି ମୀର୍ଏଣା ଲାବନ, ଇଚିହିଁ, ଜାକୁବ ଅ଼ଡ଼େ ଏସୱୁତି ଇୟା ରିବିକାନି ତାୟି ତା଼ଣା ହାଚେସି।
ଏସୱୁ ୱେଣ୍ତେ ବୀହା
6ଏଚେଟିଏ ଇସାହାକ ଜାକୁବଇଁ ବ଼ର ହୀହାଁ ବୀହା ତାକି ପଦନ୍ ଅରାମତା ହେଲ ହୀହାଁ ପାଣ୍ତିତେସି, ଇଞ୍ଜାଁ ଜାକୁବଇଁ ବ଼ର ହୀତି ବେ଼ଲାତା ଏସୱୁଇଁ ହୁକୁମି ହୀହାଁ ଏଲେଇଚେସି, “ନୀନୁ କିଣାନ ଦେ଼ସାତି ଏମିନି ମା଼ଙ୍ଗାନି ବୀହା ଆ଼ଆନି।” 7ଅ଼ଡ଼େ ଜାକୁବ ତାମି ତାଲି ତାଞ୍ଜିତି କାତା ଆସାହାଁ ପଦନ୍ ଅରାମତା ହାଜାମାନେସି। 8ଈଦାନି ମେସାହାଁ ଏସୱୁ ତାମି ତାଞ୍ଜି ଇସାହାକ କିଣାନ ଦେ଼ସାତି ମା଼ସ୍କାଣି ରା଼ହାଁ ହିଲେଏ ଇଞ୍ଜିଁ ପୁଚେସି। 9ଏ଼ଦାଆଁତାକି ଏସୱୁ ତାନି ଡକ୍ରିସିକା ମାଚି ଜିକେଏ ଇସ୍ମାୟେଲ ତା଼ଣା ହାଜାହାଁ ଅବ୍ରାହାମତି ତାଙ୍ଗା ମା଼ଙ୍ଗା ଇସ୍ମାୟେଲ ମା଼ଙ୍ଗା ନବାୟତ୍ତି ତାଙ୍ଗି ମହଲତ୍ନି ବୀହା ଆ଼ତେସି।
ବେତେଲ୍ତା ଜାକୁବତି ହାପାନା
10ଏଚେଟିଏ ଜାକୁବ ବେର୍ସେବାଟିଏ ହ଼ଚାହାଁ ହାରଣ ୱାକି ହାଚେସି। 11ଇଞ୍ଜାଁ ୱେ଼ଡ଼ା ହାଜାଲିଏ ଏ଼ୱାସି ର଼ ଟା଼ୟୁତା ଲା଼ଆଁୟାଁ ଡ଼ୟିତେସି; ଇଞ୍ଜାଁ ଏ଼ୱାସି ଏ଼ ଟା଼ୟୁତି ର଼ ୱାଲି ତା଼ର୍ପୁ ଆ଼ଙ୍ଗାହାଁ ଇଦା କିହାଲି ହୁଞ୍ଜିତେସି। 12ଏଚେଟିଏ ଏ଼ୱାସି ର଼ ହାପାନା ହେ଼ଟେସି, ମେହ୍ଦୁ ଦାର୍ତିଟିଏ ଲାକପୂରୁ ଏଜାମାନି ର଼ ଗେ଼ରା ମେସ୍ତେସି, ଏମ୍ବାଟି ମାହାପୂରୁତି ଦୂତୁୟାଁ ଲାକ ହ଼ଚିମାନାଣି ଡ଼଼ଇ ରେ଼ଚିମାନାଣି ମେସ୍ତେସି। 13ଅ଼ଡ଼େ ପ୍ରବୁ ଏ଼ୱାଣି ମୁହେଁ ନିଚାହାଁ ଏଲେଇଚେସି, “ନା଼ନୁ ପ୍ରବୁ, ମୀ ଆକୁ ଅବ୍ରାହାମତି ମାହାପୂରୁ ଅ଼ଡ଼େ ଇସାହାକତି ମାହାପୂରୁତେଏଁ; ନୀନୁ ଈ ଏମିନି ଦେ଼ସାତା ଡୂରାମାଞ୍ଜି, ଏ଼ଦାନି ନା଼ନୁ ନିଙ୍ଗେ ଅ଼ଡ଼େ ନୀ କୂଲୁ ତାକି ହିୟାଇଁ। 14ନୀ କୂଲୁ ଦାର୍ତିତି ଦୂଡ଼ି ଲେହେଁ ଆ଼ନେରି, ଅ଼ଡ଼େ, ମୀରୁ ୱେ଼ଡ଼ାହ଼ପୁ ଅ଼ଡ଼େ ୱେ଼ଡ଼ା କୂଡ଼୍ନି ଟେ଼ବ୍ରି ଅ଼ଡ଼େ ଟିଃନି ୱାକିତି ସା଼ରିସୁଟୁ ଏ଼ପି ଆ଼ଦେରି; ଅ଼ଡ଼େ ନୀ ତା଼ଣାଟି ଅ଼ଡ଼େ ନୀ କୂଡ଼ାଟି ଦାର୍ତିତି ବାରେ କୂଡ଼ା ବ଼ର ବେଟାଆ଼ନେରି। 15ନା଼ନୁ ନୀ ସା଼ୟେମି ଆୟାଇଁ, ଅ଼ଡ଼େ ନୀନୁ ଏମି ଏମିନି ଟା଼ୟୁତା ହାଜି, ଏ଼ ଟା଼ୟୁତା ନା଼ନୁ ନିଙ୍ଗେ ଗେଲ୍ପାଇଁ, ଇଞ୍ଜାଁ ଅ଼ଡ଼େ ୱେଣ୍ତେ ନିଙ୍ଗେ ଈ ଦେ଼ସାତା ତାତାଇଁ; ଇଚିହିଁ ନା଼ନୁ ନିଙ୍ଗେ ଏ଼ନାଆଁ ୱେସାମାଞ୍ଜାଇଁ, ଏ଼ଦାଆଁ କିଆ ପାତେକା ନା଼ନୁ ନିଙ୍ଗେ ପିସ୍ତଅଁ।”
16ଏଚେଟିଏ ଜାକୁବ ତେଃଏଲାହାଁ ଏଲେଇଚେସି, “ସାତେଏ ଈ ଟା଼ୟୁତା ପ୍ରବୁ ମାନେସି; ସାମା ନା଼ନୁ ଏ଼ଦାଆଁ ପୁନାଆତେଏଁ।” 17ଏ଼ୱାସି ଆଜିତେସି ଅ଼ଡ଼େ ଏଲେଇଚେସି, “ଈଦି ଏ଼ନିଲେହେଁତି ଆଜିହ଼ପେତି ଟା଼ୟୁ! ଈଦି ସାତେଏ ମାହାପୂରୁତି ଇଲୁ, ଈଦି ଲାକପୂରୁତି ଦୁୱେରି।”
18ଏଚେଟିଏ ଜାକୁବ ଲା଼ଇ ନିଙ୍ଗାହାଁ, ଏମିନି ୱାଲି ତା଼ର୍ପୁ ଆ଼ଙ୍ଗା ମାଚେସି, ଏ଼ଦାଆଁ ଅ଼ହାଁ ମୁଣ୍ତା ଲେହେଁ ନିପ୍ହାଁ ତାନି ଲାକ ନିୟୁଁ ୱା଼କ୍ହେସି 19ଇଞ୍ଜାଁ ଏ଼ ଟା଼ୟୁତି ଦ଼ରୁ ବେତେଲ୍#28:19 ମାହାପୂରୁ ଇଲୁ ଇଟିତେସି; ସାମା ପୁର୍ବେ ଏ଼ ଗା଼ଡ଼ା ଲୂସ୍ ମାଚେ। 20ଅ଼ଡ଼େ ଜାକୁବ ପ୍ରବୁ ତା଼ଣା ଆ଼ଞ୍ଜାହାଁ ଏଲେଇଚେସି, “ମାହାପୂରୁ ନା଼ ସା଼ୟେମି ଆ଼ନେସି ଅ଼ଡ଼େ ନା଼ ଈ ହାନି ଜିରୁତା ଗେଲ୍ପାନେସି, ଇଞ୍ଜାଁ, ତିଞ୍ଜାଲି କା଼ଦି ଅ଼ଡ଼େ ତୁର୍ହାଲି ବାସ୍ତେରି ହିୟାନେସି, 21ଅ଼ଡ଼େ ନା଼ନୁ ନେହିଁତଲେ ନା଼ ଆ଼ବା ଇଜ ୱେଣ୍ତା ୱା଼ଇଁ, ଆ଼ତିହିଁ ପ୍ରବୁ ନା଼ ମାହାପୂରୁ ଆ଼ନେସି 22ନା଼ନୁ ଈ ଏମିନି ୱାଲି ମୁଣ୍ତା ଲେହେଁ ମୁସାମାଇଁ, ଏ଼ଦି ମାହାପୂରୁତି ଇଲୁ ଆ଼ନେ, ଅ଼ଡ଼େ ନୀନୁ ନାଙ୍ଗେ ଏ଼ନାଆଁ ହିୟାଦି, ଏମ୍ବାଟି ଦସ ବା଼ଗାଟି ର଼ ବା଼ଗା#28:22 ଦସ ବା଼ଗାଟି ର଼ ବା଼ଗା ନା଼ନୁ ନିଙ୍ଗେ ସାତେଏ ହିୟାଇଁ।”
Currently Selected:
ମୂଲୁ 28: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
