ପର୍ତମ୍ମୁ 13
13
ଅବ୍ରାମନ୍ଆମଙ୍ ସିଲଡ୍ ଲୋଟନ୍ ଆନ୍ନାନେନ୍
1ତି ସିଲଡ୍ଲ୍ଲନ୍ ଅବ୍ରାମନ୍ ଆଡୁକ୍ରିନ୍ ଡ ଆରନ୍ନା ଅଡ଼୍କୋ ପାଙ୍ଲେ ଲୋଟନ୍ ସରିନ୍ ମିସର୍ ଡେସାନ୍ ସିଲଡ୍ ଡୁଙ୍ଲନ୍ ଅର୍ଜଡ଼ୋମ୍ସିଗଡ୍ କିଣାନ ଡେସାବାନ୍ ଜିରେଞ୍ଜି । 2ଅବ୍ରାମନ୍ ଜନ୍ତୁନ୍, ସୁନ୍ନାନ୍ ଡ ରୁପାଲୋଙନ୍ ଗମାଙ୍ ଡକୋଏନ୍ । 3ଆରି ଆନିନ୍ ଆମ୍ମୁଙ୍ ଆଜିର୍ରେନ୍ ଅନ୍ତମ୍ ଅର୍ଜଡ଼ୋମ୍ସିଗଡ୍ ସିଲଡ୍ ବେତେଲ୍ଗଡ୍ ଜିରେଞ୍ଜି । ଆନିନ୍ ବେତେଲ୍ ଡ ଅୟରନ୍ ଆମଡ୍ଡିଲୋଙ୍ ଅଙ୍ଗା ଆଡ୍ରକୋନେଲୋଙ୍ ଆମ୍ମୁଙ୍ ତମ୍ବୁସିଙନ୍ ତୁବ୍ଲେ ଡକୋଲଞ୍ଜି ତେତ୍ତେ ଜିରେଞ୍ଜି 4ତେତ୍ତେ ଅବୟ୍ ତନମ୍ପେଲନ୍ ତୁବେନ୍ । ଆରି ତେତ୍ତେ ପ୍ରବୁନ୍ ଆଞୁମ୍ଲୋଙ୍ ପାର୍ତନାଲନେ ।
5ଆରି ଅବ୍ରାମନ୍ ସରିନ୍ ଲୋଟନ୍ ନିୟ୍ ଜିରେନ୍, ଲୋଟନ୍ ଆମଙ୍ ନିୟ୍ କିମେଡନ୍, ତାଙ୍ଲିୟନ୍, ଡ ତମ୍ୱୁନ୍ ଡକୋଏନ୍ । 6ଅବ୍ରାମନ୍ ଡ ଲୋଟନ୍ ଆମଙ୍ ଗୋଗୋୟ୍ ଜନ୍ତୁଞ୍ଜି ଡ ତମ୍ବୁଞ୍ଜି ଆଡ୍ରକୋଏନ୍ ଆସନ୍ ଆନିଞ୍ଜି ତେତ୍ତେ ମାୟ୍ଲନ୍ ଡକୋଲନ୍ ଅଃର୍ରପ୍ତିଲଜି । 7ତିଆସନ୍ ଅବ୍ରାମନ୍ ଡ ଲୋଟନ୍ ଆ ତୁର୍ତାଙ୍ମରଞ୍ଜି ସରିନ୍ ଗୋଡ଼େନ୍ ଡୁଙ୍ଲନାୟ୍ । ତି ଆବନେଡ଼ା କିଣାନିଅନ୍ ଡ ପରିସିଅନ୍ ଆମନ୍ରାଜି ତେତ୍ତେ ଡକୋଲଞ୍ଜି । 8ତିଆସନ୍ ଅବ୍ରାମନ୍ ଲୋଟନ୍ଆଡଙ୍ ବରେନ୍, “ଞେନ୍ ବାଗୁନ୍ଲେନ୍ କୁଲମ୍, ଆରି ତୁର୍ତାଙ୍ମର୍ନମ୍ଞ୍ଜି ଡ ତୁର୍ତାଙ୍ମର୍ଞେଞ୍ଜି ସରିନ୍ ଗୋଡ଼େନ୍ ଡୁଙ୍ଡଙ୍ନାୟ୍ ତଡ୍ । 9କେନ୍ଆତେ ମନଙ୍ତଡ୍, ଞେନ୍ ତରଙାନ୍ନା ଏଃଡକୋନେ । ଇସ୍ସୁମ୍ନମ୍ ଆମଙ୍ ଅଙ୍ଗାଗଡ୍ ଇୟ୍ତେ ଡକୋନାୟ୍ ଗାମ୍ତେ ଆମନ୍ ତିଗଡ୍ ଇୟ୍ଡକୋନା । ଆମନ୍ ଅର୍ଜଡ଼ୋମ୍ଗଡ୍ ଜିରେଣ୍ଡେନ୍ ଞେନ୍ ଅର୍କାବଡ଼ିଗଡ୍ ଜିର୍ତେ ।”
10ଲୋଟନ୍ ଆଗ୍ରିଜେନ୍ ଜର୍ଦନନ୍ ଆଲ ଆଗର୍ଡରେଙ୍, ସୋୟରନ୍ ଜାୟ୍ ଜର୍ଦନନ୍ ଆବସେଙ୍ରେଙ୍ ପ୍ରବୁନ୍ ଆକୋତ୍ତା ଅନ୍ତମ୍ ସାରିଆଡେନ୍ ଡାଆନ୍ ଆରି ମିସର୍ ଡେସାନ୍ ଅନ୍ତମ୍ ଇନିଆସନ୍ଗାମେଣ୍ଡେନ୍ ତି ଆବନେଡ଼ା ଜାୟ୍ ସଦୋମନ୍ ଡ ଅମୋରା ଡେସାନ୍ ପ୍ରବୁନ୍ ଅନ୍ର୍ରଙ୍ ଡଣ୍ଡାୟେ । 11ତିଆସନ୍ ଲୋଟନ୍ ଆନିନ୍ଡମ୍ ଆସନ୍ ଜର୍ଦନରେଙ୍ ଡକୋନ୍ ଅଡ଼୍କୋନ୍ ଆରିଙ୍ରିଙ୍-ବସେଙ୍ ସେଡାଲେ ଡରୁଙ୍ୟୋଙ୍ଗଡ୍ ଜିରେନ୍; କେନ୍ଅନ୍ତମ୍ ଆନିଞ୍ଜି ରମ୍ମଙ୍ ତରଙାନ୍ନା ଡେଏଞ୍ଜି । 12ତି ସିଲଡ୍ଲ୍ଲନ୍ ଅବ୍ରାମନ୍ କିଣାନ୍ ଡେସାଲୋଙ୍ ଡକୋଲନେ, ଆରି ଲୋଟନ୍ ତି ଆରିଙ୍ରିଙ୍-ବସେଙ୍ ଡେସାରେଙନ୍ ଡକୋଡାଲନ୍ ସଦୋମ୍ ଗଡ଼ାରେଙନ୍ ଜାୟ୍ ତମ୍ବୁସିଙନ୍ ଆଗନୁ ସୁସୁଏନ୍ । 13ତି ଆ ସଦୋମ୍ ଆମନ୍ରାଜି ମାଡ୍ଡ ପେଲ୍ଲାଜି ଆରି ପ୍ରବୁନ୍ ଆଗନିୟ୍ଗିୟ୍ଲୋଙ୍ ଇର୍ସେମର୍ ଡକୋଏଞ୍ଜି ।
ଅବ୍ରାମନ୍ ଇବ୍ରୋଣନ୍ ଆଜନିର୍
14ତି ସିଲଡ୍ଲ୍ଲନ୍ ଅବ୍ରାମନ୍ ଡ ଲୋଟନ୍ ଆନ୍ନାଲଞ୍ଜି କି ପ୍ରବୁନ୍ ଅବ୍ରାମନ୍ଆଡଙ୍ ବରେନ୍, “ନମି ଆମନ୍ ଅଙ୍ଗାଲୋଙ୍ ଡକୋ, ତେତ୍ତେସିଲଡ୍ ଆଙାଙ୍ଲେ ଅର୍କାବଡ଼ିନ୍, ଅର୍ଜଡ଼ୋମ୍, ଡରୁଙ୍ୟୋଙ୍ ଡ ବରୁବ୍ୟୁଙ୍ଗଡ୍ ଆଙାଙା । 15ଇନିଆସନ୍ଗାମେଣ୍ଡେନ୍, କେନ୍ ଅଡ଼୍କୋନ୍ ଆଡେସା ଆମନ୍ ଗିୟ୍ତେ, ତିଆତେ ଞେନ୍ ଆମନ୍ଆଡଙ୍ ଡ ଅଡ଼୍କୋନ୍ କେଜ୍ଜାନମ୍ଜି ଆକେଜ୍ଜା ତିୟ୍ତମ୍ । 16ଆରି ପୁର୍ତିନ୍ ଆ ଉମିରିଲ ଅନ୍ତମ୍ ଞେନ୍ କେଜ୍ଜାନମ୍ ଅବ୍ଗୋଗୋୟ୍ତାୟ୍; ଆନା ପୁର୍ତିନ୍ ଆଉମରିଲନ୍ ଡିଡିଲେ ରପ୍ତିଏଣ୍ଡେନ୍ କେଜ୍ଜାନମ୍ ଡନିଡିନ୍ ଡେତେ । 17ନମି, ଆମନ୍ ଜିରା ଆରି ଅଡ଼୍କୋନ୍ ଆଡେସାରେଙ୍ ବୁଲ୍ଲେଆ, ଇନିଆସନ୍ଗାମେଣ୍ଡେନ୍ ଞେନ୍ କେନ୍ ଅଡ଼୍କୋନ୍ ଆମନ୍ଆଡଙ୍ ତିୟ୍ଲମ୍ ।” 18ତିଆସନ୍ ଅବ୍ରାମନ୍ ତମ୍ୱୁନ୍ ଆନ୍ନାରେଙ୍ ଡେଡେନ୍ ଆରି ଆନିନ୍ ଇବ୍ରୋଣନ୍ ଆତୁୟାୟ୍ ମମ୍ରିନଲୋଙନ୍ ଡକୋନ୍ ଅଲୋନ୍ ଅରାନୁବ୍ଲୋଙନ୍ ଇୟ୍ଲେ ଡକୋନେ, ଆରି ତେତ୍ତେ ପ୍ରବୁନ୍ ଆସନ୍ ଅବୟ୍ ତନମ୍ପିଲନ୍ ତୁବେନ୍ ।
Currently Selected:
ପର୍ତମ୍ମୁ 13: NTJaa20
Highlight
Copy
Compare
Share
Want to have your highlights saved across all your devices? Sign up or sign in
The Juray Soura Bible © The Word for the World International and Juray Soura Translation Samithi, Gajapati, Odisha. 2025
Videos for ପର୍ତମ୍ମୁ 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show