रोमियों 9
9
परमेश्वर अदिक आऊन निवळुसदोर लॉकुर
1ना मसीह दा सही अनतीन, ना ख्वाटा माताळालीन अदिक नान मन भी पवित्र आत्मा दा गवाही कोळतद 2कि नानी बळा दुख आद, अदिक नान मन हमेशा दुखी ईरतद, 3यतिकी ना ईल ताका चाहासीन कि तान वार्टुर साटी जो मय इन भाव देल नान कुटुम्बी आर, खुद अच परमेश्वर देल श्रापित अदिक मसीह से अलग आगेगतद. 4आंदुर इस्त्राएली उर, अदिक परमेश्वर उन पार उन अधिकार अदिक महिमा अदिक वादागोळ अदिक व्यवस्था अन उपहार अदिक परमेश्वर उन उपासना अदिक प्रतिग्यागोळ आंदुरवा हुव. 5पुर्वज भी आंदुर्दा उर, अदिक मसीह भी मय इन भाव देल आंदुर दा टु आदुन. परमेश्वर जो सप्पा मुंदुर म्याकुच राज्य माळतान आव हमेशा हमेशा धन्य ईरूल. आमीन.
6लेकीन ईद ईला कि परमेश्वर उन वचन टलसेत, इदुरसाटी कि जो इस्त्राएल इन वंश आर, आंदुर सप्पा इस्त्राएली आल्लच; 7अदिक ना अब्राहम उन वंश आगोद कारण सप्पा आऊन औलाद ठहरूसदुर, लेकीन शास्त्र दा लिख्सकु आद, “इसहाक टु अच नीन वंश कहलुस्यान.” 8मतलब मय इन औलाद परमेश्वर उन औलाद आल्लच, लेकीन प्रतिग्या अन औलाद वंश आळुकु आगतद. 9यतिकी प्रतिग्या अन वचन ईद हुन: “ना उचित समय इन अनुसार बराईन, अदिक सारा अक पार आदान.” 10अदिक सिर्फ ईदा ईला, लेकीन याग रिबका भी ऊंद देल मतलब नाम आप्प इसहाक देल येढ्ढ पारगोळ आदुर, 11लेकीन आकिन ऊंद चिग्द उक निवळुसोद ईद पुरा तरीका देल परमेश्वर उन खुद इन उपदेश इन परिणाम ईरोद, परमेश्वर आकिन से अंदुन, धोड्डेव स्याणेव उन स्यावा माळ्यान. 12ई मातगोळ परमेश्वर आंदुर जनम इन पयले अदिक आंदुर येनारा बुरा भला माळ से पयले अंदुन रा परमेश्वर उन पसंद आऊन कारदुर मा निर्भर आद, ना अदुर मा कि आंदुर येन माळदुर. 13ह्यांग शास्त्र दा लिख्सकु आद, “ना याकूब से प्यार माळदीन, लेकीन एसाव उक अप्रिय जान्सदीन.”#मलाकी १:२,३
14इदुरसाटी नाव येन अंदेव? येन परमेश्वर उन हाती अन्याय आद? यागलु ईला. 15यतिकी आव मूसा से अनतान, “ना याता मंळसा मा दया माळोद चाहासाईन आऊन मा अच दया माळाईन, अदिक याता मंळसा मा कृपा माळोद चाहासाईन, आऊन मा का कृपा माळाईन.”
16इदुरसाटी ईद ना रा चाहासावाळा अन, ना मयनत माळावाळा अन लेकीन दया माळावाळा परमेश्वर मा निर्भर आद. 17यतिकी शास्त्र दा फिरौन से अंदकु आत, “ना नीनी इदुर्दा साटी निदरूसीन कि नीन दा तान सामर्थ्य तोरसाईन, अदिक नान हेसुर इन प्रचार पुरा पृथ्वी मा आगुल#निर्गमन ९:१६.” 18इदुरसाटी आव यार मा चाहासतान आऊन मा दया माळतान, अदिक यारी चाहासतान आऊक कठोर माळ बुळतान.
परमेश्वर उन सिट्ट अदिक आऊन दया
19इदुरसाटी नीम दा टु यावारा नानी ईद अंदान, “रा बाक परमेश्वर नामी दोषी येती ठहरूसतान? याव परमेश्वर उन इच्छा अन सामना माळ सकतान?” 20हे मंळसा, नी याव हुय जो परमेश्वर उन विरोध दा माताळत्या? ऊंद घळुस्द वस्तु तान घळुसावाळा से केळ सकतद, “नी नानी हिंग येती माळ्या?” 21येन कुंभार उक मुण्ण मा अधिकार हैलेच कि ऊंद अच ल्वांदा दा टु ऊंद बरतन आदर इन साटी अदिक दुसरा अक अनादर इन साटी माळ्यान? 22परमेश्वर तान सिट्ट तोर्सली अदिक तान सामर्थ्य प्रगट माळोद इच्छा देल सिट्ट इन बरतनगोळ्द, जो विनाश इन साटी तयार माळकु आगीदव, बळा धीरज देल सहन माळदुन; 23अदिक दया अन बरतनगोळ मा, यवरी आव महिमा अन साटी पयले टु तयार माळदुन, तान महिमा अन धन इक प्रगट माळोद इच्छा माळदुन? 24मतलब नाम मा यारी आव ना सिर्फ यहूदीगोळ दा टु, उलटा गैरयहूदीगोळ दा टु भी कारदुन. 25ह्यांग आव होशे अन किताब दा भी अनतान, “जो नान लॉकुर ईला ईरोर, आंदरी ना तान लॉकुर अनाईन; अदिक याता लॉकुर मा प्यार ईला ईरोद, आंदरी प्रिय अनाईन. 26अदिक हिंग आदीत कि याता जागा दा आंदुर से ईद अनकु आगीत कि नीव नान लॉकुर आल्लच, अदा जागा आंदुर जित्ता परमेश्वर उन औलाद अंदकु आदार.”
27अदिक यशायाह इस्त्राएल इन बारा दा कारूकु अनतान, “चाहे इस्त्राएल इन औलादगोळ गिनती समुद्र अन धुळा अन बराबर ईरूल, तरी भी आंदुर दा टु थ्वाळासा अच ऊळ्सकु आदार. 28यतिकी प्रभु तान वचन पृथ्वी मा पुरा माळकु, राटनेरी अदरी सिद्ध माळ्यान.”
29ह्यांग यशायाह पयले भी अंदिदुन,
“अगर सेनागोळ प्रभु नाम साटी येनारा वंश बिळालुन,
रा नाव सदोम उन घाई आगेगायदेव, अदिक गमोरा अन सदृश ठहरूसायदेव.”
इस्त्राएल इन अविश्वास
30इदुरसाटी नाव येन अंदेव? ईद कि गैरयहूदीगोळ जो न्यायीपन इन खोज ईला माळतोगोर, न्यायीपन हाशील माळदुर मतलब आ न्यायीपन इक विश्वास देल हाशील माळ्यार; 31लेकीन इस्त्राएली, जो न्यायीपन इन व्यवस्था अन खोज माळतोगोर आ व्यवस्था ताका पोहचुसीदील. 32यदुर साटी? इदुरसाटी कि आंदुर विश्वास देल ईला, लेकीन कर्मगोळ देल अदुर खोज माळतोगोर. आंदुर आ ठोकर इन कल्ल मा ठोकर तिंदुर, 33ह्यांग पवित्रशास्त्र दा लिख्सकु आद, “नोळी, ना सिय्योन दा ऊंद चट्टान ईटतीन, अदिक जो परमेश्वर उन वचन मा विश्वास माळ्यान आव लज्जित आगतीदील#यशायाह २८:१६.”
Currently Selected:
रोमियों 9: Haa25
Highlight
Copy
Compare
Share
Want to have your highlights saved across all your devices? Sign up or sign in
The Holiya Bible © The Word for the World International and Holiya Translation Samithi, Kudwa, Gondia, Maharashtra 2025
