Rwî 1
1
1 #
1Atha 4.32
Rwîmbo rwa Solomoni rûrîa rwaro gûkîra nyîmbo cionthe.
Rwîmbo rwa mbere
Mûndûmûka:
2Nîkava ûûmumunye na mîromo yaku,
nîûndû wendo waku nî mwaro gûkîra ndivei.
3Maguta marîa wîvakîte maranunga waro mûno,
narîo rîîtwa rîaku nîta maguta manungi waro metûrûrîtwe.
Kwoguo erîtu onthe nîmakwendete.
4Mboca tûthiî nawe na îvenya,
tuîka mûthamaki wakwa na ûmvire gwaku mûciî.
Tûgakenaga tûrî vamwe,
tûgakumagia wendo waku gûkîra ndivei.
Aka onthe nîmakwendete.
5Nie nîrî mwirû nwatî nîrî mûthaka,
nîrî mwirû ta magema ma Kedari,
nwatî nîrî mûthaka ta itambaa irîa irî mûciî gwa Solomoni.
6Mûtikambire nîûndû nîrî mwirû,
nîûndû nî riûa rîmvîvîtie.
Aa mûrwaiya nîmaarakarire nînie,
na nîmaatûmire ndute wîra mûgûndarî wa mîthavibu.
Ndiarî na kavinda ga kwîthakaria.
7Tambîra, we mwendwa wakwa,
nîûthiî kûrîthia ng'ondu ciaku kû?
Ikaanogoka kû thaa thita cia mûthenya?
Ndikwenda ngaagûcaria gatagatî ka arîthi acio engî.
Mûndûmûrûme
8We ûrîa mûthaka gûkîra aka onthe, nîkwa ûtaicî nî kû?
Rûmîrîria mûkinyo wa ng'ondu,
ûkarîthie mbûri ciaku vakuvî na magema ma arîthi.
9We mwendwa wakwa ûrî mûthaka,
nîrakûringithania na mbarathi cia njamba cia ikaari cia mûthamaki wa Misiri.
10Makai maku mathakarîtue nî njuîrî mvînde,
nayo ngingo yaku îkathakarua nî mathaga.
11Nîtûgûkûrûthîra mûkathî wa thaavu,
ûgemetue na sîlûva.
Mûndûmûka
12Rîrîa mûthamaki aanogokete gîtîrî gîake gîa sofa,
maguta makwa manungi waro maatararûkîte kûndû kuonthe.
13Mwendwa wakwa anungaga ta maguta manungi waro wa mare,
rîrîa amamîte nyondorî ciakwa.
14Mwendwa ekariî ta maûa ma kîthaka,
marî mîgûndarî ya mîthavibu ya Engedi.
Mûndûmûrûme
15Mwendwa wakwa ûrî mûthaka-î,
nama wî mûthaka.
Metho maku mekariî ta ma ndutuura!
Mûndûmûka
16Nama, mwendwa wakwa ûrî mûthaka,
nama ûrî mûthaka!
Nyaki nîyo îgatuîka ûrîrî wetû.
17Mîtarakwe nîyo îgaatuîka itugî cia nyomba yetû,
na mîthithinda nîyo îkaamimba.
Currently Selected:
Rwî 1: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
