Isa 53
53
1 #
Joh 12.38; Aro 10.16 “Nû wetîkirie ûvoro ûrîa twegwire?
Nû ûguûrîrîtue atî nî Ngai-Mûnene warutaga wîra ûcio?
2Nîûndû ndungata îo yake yakûrire îrî mbere yake ta mûtî mwîthî,
ta mûri ûrî nthî îno nyûmagaru.
Ndîarî na mûmbîre kana ûndû ûngîatûmire tûmîende,
na ndîarî na ûthaka ûrîa ûngîatûmire tûmîrirîrie.
3Nîyamenirwe na îkîregwa nî andû;
aarî mûndû wî kîeva na ûrîîte thîna,
na agatuîka wa kwîthithîrwa nî andû;
nîwamenirwe na twamwonaga ta atarî kîndû.
4 #
Mat 8.17
“Kûnarî ûguo ke nîwocire ruuo rwetû,
na agîkuua kîeva gîetû.
Nwatî tue twamwonire takwa aarî mûvooteku,
arî mûrive na akanyarirwa nî Ngai.
5 #
1Pet 2.24
Nwatî aativirue nîûndû wa mevia metû,
aathînirue nîûndû wa waganu wetû.
Aaverithirue nîguo tûgîe na mwoyo,
na tûkîvonua na njîra ya ivoko irîa aarivirwe.
6 #
1Pet 2.25
“Tue tuonthe nî tûrîte ta ng'ondu,
wa mûndû akathiî njîra yake ke mwene.
Nwatî Ngai-Mûnene nîwamwigîrîre mevia,
marîa twagîrîrwe nî gûkuua tuonthe.
7 #
Kûguû 5.6
#Ciîko 8.32-33 “Nîwavinyîrîrue na akîthînua,
nwatî ndaauga wanarî ûndû.
Aakirire ta ng'ondu îvirîtwe kûthînjwa,
na aakirire wata ûrîa ng'ondu îkiraga vîndî îrîa guoya wayo ûrenjwa,
ndaatumûra kanyua gake.
8Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa,
na gûtirî mûndû wamakagua nî maûndû marîa oonaga.
Nîwathengutirue vûrûrirî wa arîa marî mwoyo,
aaûragirwe nîûndû wa mevia ma andû akwa.
9 #
1Pet 2.22
Maamûthikire vamwe na andû arîa aganu,
na akua nîwaigirwe vamwe na itonga,
wana ethîrwa ndeekîte wanarî ûndû mûcûku,
na ndaanaria maveeni.”
10Ngai-Mûnene nîke wonire arî waro amûtivie,
na atûme egue kîeva.
Nîwarutire mwoyo ûtuîke îgongoona rîa kûtheria mevia,
nîakoona rûciaro rwake,
nîagaatûûra ûtûûro mûraca,
na nîke ûkaavingia wendi wa Ngai-Mûnene.
11Vuva wa kwona umithio wa mathîna ma ndungata yake, nîagaacoka akene;
ndungata îo yake nthingu îrî na ûmenyo,
nîgaatûma andû eengî matuwe athingu;
na nîgaakuuwa mevia mao.
12 #
Mar 15.28; Luka 22.37 Kwoguo nîngaava ndungata yakwa gîtîîo ta Kîam anene,
na magaane indo irîa itavîtwe na arîa marî vinya,
nîûndû nîyevecanire îkue,
na îgîtaranîrua na imaramari.
Kûnarî ûguo, nîwakuuire mevia ma andû eengî,
na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.
Currently Selected:
Isa 53: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
