Ũĩ 3
3
Vala Andũ Alũngalu Maendaa
1Mathayũ ma ala alũngalu me mokonĩ ma Ngai,
maikakwatwa nĩ thĩna nongi.
2 #
Ũĩ 4.17
Methonĩ ma andũ atumanu,
andũ asu moonekaa ta makwie,
na kĩkw'ũ kyoo kyatalilwe ta ũthĩny'o.
3Kũthi kwoo kuma vala tũĩ kwoonekaa ta wanangĩko,
ĩndĩ ũw'o nĩ kana andũ asu me mũuonĩ.
4O na vala andũ monaa andũ asu ta makaniw'e,
andũ asu maĩ na wĩkwatyo mũlũmu kana maikakw'a.
5 #
Alo 8.18; 2Ako 4.17 Makaniw'e o vanini,
ĩndĩ makakwata mũthĩnzĩo mũnene,
nĩkwĩthĩwa Ngai amatatie na oona maĩlĩte kũtw'ĩka make.
6Amatatie ũndũ thaavu ũtatĩawa ĩikonĩ ya mwaki,
na ametĩkĩla ta nthembo ya kũvĩvw'a na mwaki.
7Yĩla ala alũngalu meĩthĩwa mainengwa mũthĩnzĩo, makatisatisa,
makanyaĩĩka ta ngala sya mwaki syĩ nyekinĩ mbũmũ.
8Makasumbĩka nthĩ na kũtongoesya andũ,
nake Mwĩai akamasumbĩka tene na tene.
9Onthe ala mamwĩkwatasya Mwĩai makamanya ũw'o wake;
onthe ala aĩkĩĩku makekala kwake me na wendo,
nĩkwĩthĩwa nũmanengae anyuve make mumo na tei,
na nũmekaa nesa atheu make.
Vala Andũ Athũku Maendaa
10Ĩndĩ ala athũku makakanw'a kwĩanana na mosũanĩo moo mathũku,
andũ ala maleanile na mũndũ mũlũngalu,
na mamũng'endea Mwĩai.
11Nĩkwĩthĩwa andũ ala mavũthasya ũĩ na ũmanyĩsyo me thĩnanĩ;
wĩkwatyo woo nĩ wa mana,
wĩa woo ndwĩ ũsyao nongi,
na ũthũkũmi woo nĩ wa mana.
12Iveti syoo nĩ ndumanu,
na syana syoo nĩ nthũku;
13syana syoo nĩ numanĩe.
Vata wa Mwĩkalĩle Mũseo
Nĩ mũathime mũndũ mũka ngũngũ ũla ũtaaĩka ũlaalai;
ũla ũtaalika ngwatanĩonĩ nthũku,
yĩla Ngai wĩsilĩla ngoo sya andũ, ũsu akakwata ĩtuvi.
14O na ĩngĩ nĩ mũathime mũndũ-ũme mũvakũe ũla ũtatũlaa mĩao,
ũla ũtaamwĩsilĩlya Mwĩai maũndũ mathũku.
Nĩkwĩthĩwa akeekwa ũseo wa mwanya nũndũ wa ũĩkĩĩku wake,
na kũkwata vandũ va ũtanu mũnene Ĩkalũnĩ ya Mwĩai.
15Nĩkwĩthĩwa ũsyao wa wĩa mũseo nũkumaw'a,
na mwĩi wa ũmanyi ndwoaa.
16Ĩndĩ syana sya ilaalai iyĩsaa kwĩana,
na syana sya ũmalwaya ikathela.
17O na syekala thayũ mũasa iitalwa ta kĩndũ,
na mũminũkĩlyonĩ ũkũũ woo ndũkanengwa ndaĩa.
18Syakw'a syĩ sya mũika, iikethĩwa na wĩkwatyo,
o na iikakiakiw'a mũthenya wa ũsilĩlo wavika.
19Nĩkwĩthĩwa mũminũkĩlyo wa andũ mate alũngalu nĩ thĩna mũthei.
Currently Selected:
Ũĩ 3: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011