Sil 34
34
Ndoto nĩ sya Mana
1 #
Kũt 13.1-5; 18.9-14 Mũndũ ũte kĩlĩko ethĩawa na wĩkwatyo wa mana na wa ũvũngũ,
na ndoto nitumaa ndia yĩthĩwa na ũtanu mwingĩ mũno.
2Mũndũ ũla ũĩkĩĩaa ndoto,
ailyĩ mũndũ ũla ũsembanasya kyuu kana ũla ũsembanasya kĩseve.
3Kĩla mũndũ wonaa ndotonĩ kĩyĩthĩawa kĩ kya w'o,
no ũndũ ũmwe na ũndũ mũndũ wĩyonaa kĩoonĩ.
4O tondũ kĩndũ kĩtheu kĩtatonya kuma kĩndũnĩ kĩte kĩtheu,
now'o ũw'o ũtatonya kuma ũndũnĩ wa ũvũngũ.
5Kũaũsya, kũtavw'a maũndũ ma mũtino, na ndoto ti syaw'o,
na kĩlĩko nĩkĩthĩawa na mesilya ta ma mũndũ mũka ũkwaũnya.
6Ndũkaĩkĩĩe ndoto,
ate o ethĩwa ietetwe nĩ Ũla wĩ Ĩũlũ Mũno.
7Nĩkwĩthĩwa ndoto nikengete andũ aingĩ,
na ala maiĩkĩĩaa nĩmaĩtw'e nĩsyo.
8Mĩao ĩkeanĩw'a vate ũvũngũ ta ũsu,
naw'o ũĩ wĩanĩaw'a kwa mũndũ ũla ũneenaa ndeto sya ũĩkĩĩku.
Kũthi Kyalo
9Mũndũ ũla ũendete kũndũ kwingĩ,#34.9 Mũndũ ũla ũendete kũndũ kwingĩ: Maandĩko angĩ maĩtye Mũndũ wĩ na ũmanyi ethĩawa esĩ maũndũ maingĩ,
na mũndũ wonete maũndũ maingĩ nĩwĩthĩawa esĩ kĩla ũkũneena.
10Mũndũ ũtaaona maũndũ maingĩ ethĩawa esĩ maũndũ manini,
11ĩndĩ ũla ũendete kũndũ kwingĩ nũkwataa ũĩ mwingĩ.
12Syalonĩ syakwa nĩnonete maũndũ maingĩ,
nĩnĩsĩ maũndũ maingĩ mbee wa ũndũ ndonya kũelesya.
13Mavinda maingĩ nĩnĩthĩĩtwe mũisyonĩ wa kĩkw'ũ,
ĩndĩ nĩnĩvonokete nũndũ wa ũmanyi ũsu.
Mũkĩei Mwĩai
14Ala mamũkĩaa Mwĩai makekala thayũ,
15nũndũ wĩkwatyo woo wĩ nthĩnĩ wa ũla ũmatangĩĩaa.
16Ala mamũkĩaa Mwĩai maikakĩa;
maikakwatwa nĩ w'ĩa nũndũ nĩwe wĩkwatyo woo.
17Nĩ mũathime mũndũ ũla ũmũkĩaa Mwĩai,
18nũndũ nũmwĩkwatasya nĩ kana amũtethye.
19Mwĩai nũsyaĩĩasya ala mamwendete;
nĩwe ũmasũvĩaa na nĩ wĩkwatyo woo mũlũmu.
Nũmavithaa kumana na kĩseve kĩla kĩvĩvasya,
na nĩ muunyĩ wa kũmasũvĩa syũa yĩ mũthenya katĩ,
na nũmasũvĩaa maikaluluutĩke kana kũvalũka.
20Mwĩai nũtanĩthasya thayũ na kũtuma metho matisatisa nĩ ũtanu;
nũnengae andũ ũima wa mwĩĩ, thayũ na ũathimo.
Kumya Nthembo
21Mũndũ aumya kĩndũ ũkwatĩte kwa nzĩa ya ũkengani kĩthĩwe nthembo,
nthembo ĩsu yake nĩ mbuku.
22Mĩthĩnzĩo ya eki ma naĩ ndĩtĩkĩlawa.
23Ũla wĩ Ĩũlũ Mũno ndendeeaw'a nĩ nthembo sya ala matamũkĩaa,
o na ndaekeaa naĩ nũndũ wa kumĩw'a nthembo mbingĩ.
24Mũndũ ũla wumasya nthembo ya kĩndũ kĩvenetwe ngya,
nĩ ũndũ ũmwe na mũndũ ũla wũaĩaa mwana mbee wa ĩthe wake.
25Lĩu wa ngya nĩw'o thayũ wayo,
mũndũ o na wĩva ũla ũvenaa ngya lĩu nĩ mũaani.
26Kũmũvena mũtũi lĩu wake nĩ ũndũ ũmwe na kũmũaa,
27na kũlea kũĩva mũthũkũmi ĩtuvi yake nĩ ũndũ ũmwe na kũmũaa.
28Yĩla mũndũ ũmwe waaka na ũngĩ aomboa,
makwataa kyaũ ate o mĩnoo?
29Mũndũ ũmwe avoya na ũngĩ ayĩumanĩa,
Mwĩai akeethukĩĩsya wĩva?
30Mũndũ athamba ethesye ĩtina wa kũkwata kimba, na aikĩkwata ĩngĩ,
kwĩthesya kwake kwĩĩ kwa vata mwaũ?
31Kwoou mũndũ atĩĩa kũya nũndũ wa naĩ syake,
na aisyoka kwĩka naĩ o ĩsu ĩngĩ,
ũla ũkethukĩĩsya mboya syake nũũ?
Kwĩnyivya kwake kũmũeteae ũseo mwaũ?
Currently Selected:
Sil 34: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011