Sav Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ĩvuku ya Savulĩ nĩ ĩvuku ya Mbivilia yĩandĩkĩtwe mbathi na mboya. Mbathi isu na mboya syaandĩkiwe nĩ andũ me kĩvathũkany'o vandũ va ĩvinda ĩasa. Nĩsyoombaniw'e na nĩsyatũmĩawa nĩ andũ ma Ĩsilaeli ũthaithinĩ woo. Ĩtina wa ũu nĩsyeekĩiwe maandĩkonĩ moo matheu.
Mbathi ii sya kĩ-ũthaithi nĩ sya mĩthemba mingĩ: Ve mbathi sya kũtaĩa na kũthaitha Ngai; mboya sya kũkũlya ũtethyo, ũsũvĩo na ũtangĩĩo; kwĩsũvana andũ maekewe; mbathi sya kũtũnga mũvea kwondũ wa moathimo ma Ngai, na mboya nĩ kana amaitha makanw'e. Mboya isu syavoyawa nĩ mũndũ ũmwe, na o ta ũu nĩ andũ onthe. Mboya imwe syĩonany'a kwenda kwa mũndũ mwene, ĩndĩ ingĩ nĩ sya mavata, na kwenda kwa andũ onthe ma Ngai.
Yesũ nĩwatũmĩaa Savulĩ, na aandĩki ma ũtianĩo Mweũ nĩmaandĩkie ĩngĩ ilungu sya Savulĩ isu mavukunĩ moo. Kuma mwambĩlĩĩlyonĩ, Aklĩsto nĩmatũmĩaa ĩvuku ya Savulĩ ta ĩvuku ya vata ũthaithinĩ woo.
Maũndũ Ala me Ĩvukunĩ Yĩĩ
Savulĩ syĩ 150 niaanĩtw'e ikundi itano, kana mavuku ta ũũ:
Savulĩ 1—41
Savulĩ 42—72
Savulĩ 73—89
Savulĩ 90—106
Savulĩ 107—150
Currently Selected:
Sav Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011