Sav 99
99
Ngai nĩ Mũsumbĩ Mũnene
1 #
Kuma 25.22
Mwĩai Ngai nũsumbĩkaa,
mbaĩ sya andũ niteteme.
Asumbĩkĩte ekalĩle syũmbe syĩ nthwau syĩtawa akelũvi,
nthĩ nĩthingithe.
2Mwĩai Ngai nĩ mũnene Saioni,
na e ũtonyi mbaĩnĩ syonthe sya andũ.
3Andũ onthe nĩmataĩe ĩsyĩtwa yake ĩnene na ya ũkĩwa!
Nĩ mũtheu!
4We Mũsumbĩ wĩ ũtonyi nĩwendete sila wa katĩ;
nĩwaetie sila wa katĩ Ĩsilaeli;
nũetete ũlũngalu na ũw'o.
5Taĩai Mwĩai Ngai, Ngai waitũ,
thaithai mwĩ mbee wa kĩvĩla kyake kya kĩ-ũsumbĩ.
Nĩ mũtheu!
6Mwose na Alũni maĩ amwe ma athembi make,
Samũeli ũmwe wa ala mamũvoyie.
Nĩmeekaĩlile Mwĩai Ngai nake amasũngĩa.
7 #
Kuma 33.9
Nĩwaneenie namo e kĩtuĩnĩ kya mũumbĩ;
nĩmakwatie mĩao na motw'ĩo ala wamanengie.
8Ame Mwĩai Ngai, Ngai waitũ nĩwamasũngĩie;
kwoo waĩ Ngai ũla ũekeaa,
o na vala nĩwamakanisye nũndũ wa mavĩtyo moo.
9Taĩai Mwĩai Ngai, Ngai waitũ,
na thaithĩai kĩĩmanĩ kyake kĩtheu;
nũndũ Mwĩai Ngai, Ngai waitũ nĩ mũtheu!
Currently Selected:
Sav 99: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
