Sav 96
96
Mwĩai Ngai nĩ we Mũsumbĩ na Mũsili
(1Mav 16.23-33)
1Inĩai Mwĩai Ngai wathi mweũ!
Andũ onthe ĩũlũ wa nthĩ inĩai Mwĩai Ngai!
2Inĩai Mwĩai Ngai, taĩai ĩsyĩtwa yake!
Tavany'ai ĩũlũ wa ũtangĩĩo wake kĩla mũthenya.
3Tavany'ai ũkumyo wake kwa andũ ma mbaĩ syonthe,
na kwa andũ onthe maũndũ ma kũseng'ya ala wĩkĩte.
4Mwĩai Ngai nĩ mũnene na nĩwaĩlĩte kũtaĩwa;
nĩwaĩlĩte kũnengwa ndaĩa kwĩ ngai ila ingĩ syonthe.
5Nĩkwĩthĩwa ngai syonthe sya mbaĩ ila ingĩ no mĩvw'anano,
ĩndĩ Mwĩai Ngai nĩ we woombie ĩtu.
6Ndaĩa na ũnene nimũthyũlũlũkĩte,
vinya na ũseo syusũĩte Ĩkalũnĩ yake.
7 #
Sav 29.1-2
Andũ onthe ĩũlũ wa nthĩ mũtaĩei Mwĩai Ngai,
taĩai ũnene na ũkumyo wake.
8Mũnengei ũkumyo ũla waĩlĩte ĩsyĩtwa yake;
ũkai mbee wake mũkuĩte nthembo.
9Thaithĩai Mwĩai Ngai ũtheunĩ wake mũtisu;
andũ onthe ĩũlũ wa nthĩ kĩai mwĩ mbee wake!
10Tavyai mbaĩ syonthe atĩĩ, “Mwĩai Ngai nĩ mũsumbĩ,
nthĩ nĩlũlũmĩĩlw'e ũndũ ĩtatonya kũthingitha;
akasilĩla andũ na sila wa katĩ.”
11Ĩtu nĩyĩtane, nthĩ nĩyĩw'e mũyo;
ũkanga nũuume na syũmbe syonthe ila syĩ nthĩnĩ waw'o.
12Mĩũnda nĩtane na syĩndũ syonthe ila syĩ nthĩnĩ wayo;
nĩvo ĩndĩ mĩtĩ yonthe ĩla yĩ kĩthekanĩ yĩina na ũtanu,
13mbee wa Mwĩai Ngai nũndũ nĩwũkĩte,
nũndũ nĩwũkĩte kũsilĩla nthĩ.
Akasilĩla nthĩ na ũlũngalu,
na kũsilĩla andũ na ũw'o wake.
Currently Selected:
Sav 96: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
