Sav 93
93
Ngai Mũsumbĩ
1Mwĩai Ngai nũsumbĩkaa evw'ĩkĩte ũnene,
Mwĩai Ngai nĩwĩvw'ĩkĩte, evotoete vinya.
Nthĩ nĩlũlũmĩĩlw'e na ndĩtonya kũthingithw'a.
2Kĩvĩla kyaku kya kĩ-ũsumbĩ kĩthĩĩtwe vo kuma tene,
naku wĩ wa kuma tene w'onthe.
3We Mwĩai Ngai syũngũ sya ũkanga nĩsyumĩtye wasya wasyo,
syũngũ nĩsyũkĩlĩtye wasya wasyo,
syũngũ nĩsyũkĩlĩtye kũluluma kwasyo.
4Mwĩai Ngai nũsumbĩkaa ĩũlũ ĩtunĩ e na ũtonyi,
e na ũtonyi mbee wa kĩlitũko kya ũkanga,
e na ũtonyi mbee wa itulumo sya ũkanga.
5We Mwĩai Ngai motw'ĩo maku maialyũkaa,
ũtheu nĩwanakavĩtye nyũmba yaku tene na tene.
Currently Selected:
Sav 93: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
