Sav 89
89
Wathi wa Nthĩ ya Ĩsilaeli yĩ Thĩnanĩ
Savulĩ ĩno yaandĩkiwe nĩ Ethani nzyawa ya Esala.
1 #
1Asu 4.31
Ame Mwĩai Ngai ngainaa tene na tene ĩũlũ wa wendo waku ũtaolekaa;
ngatavanasya ĩũlũ wa ũĩkĩĩku waku tene na tene.
2Nũndũ wendo waku ũtaolekaa ũkekala tene na tene;
ũĩkĩĩku waku ũlũmĩte ta ĩtu.
3Nĩwaisye, “Nĩnaseũvisye ũtianĩo na mũnyuvwa wakwa,
nĩneevĩtie kũla kwĩ Ndeviti mũthũkũmi wakwa nasya,
4 #
2Sam 7.12-16; 1Mav 17.11-14; Sav 132.11; Meko 2.30 ‘Kĩla ĩvinda ũmwe wa nzyawa syaku akeethĩawa e mũsumbĩ;
ngasũvĩa ũsumbĩ waku tene na tene.’ ”
Sela
5Matu nĩmataĩe moseng'yo maku we Mwĩai Ngai,
wũmbano wa ala atheu nĩwine ĩũlũ wa ũĩkĩĩku waku.
6Nũũ ũla ĩtunĩ ũtonya kũelekanw'a na Mwĩai Ngai?
Nũũ ũilyĩ ta Mwĩai Ngai katĩ wa syũmbe sya ĩtunĩ?
7Ngai nũkĩawa mũno wũmbanonĩ wa ala atheu,
na onthe ala mamũthyũlũlũkĩte methĩawa na w'ĩa mũno.
8We Mwĩai Ngai Mwene Ũtonyi W'onthe,
nũũ ũla wĩ ũtonyi taku we Mwĩai Ngai?
Ngalĩko syonthe ũthyũlũlũkĩtwe nĩ ũĩkĩĩku.
9Nũsumbĩkaa iuutani sya ũkanga;
itulumo syaw'o syookĩla nĩwivindĩthasya.
10Nĩwatũlangile mũkũnga ũla wĩtawa Laavi na wawũaa;
nĩwasindie amaitha maku na ũtonyi waku mũnene.
11Ĩtu nĩ yaku na nthĩ o nayo nĩ yaku;
nĩwoombie nthĩ na syonthe ila syĩ ĩũlũ wayo.
12Nue woombie ngalĩko ya ĩũlũ na ya ĩtheo;
Kĩĩma kya Tavoli na kya Elimoni nitaĩaa ĩsyĩtwa yaku na ũtanu.
13Wĩ ũtonyi mũnene!
Vinya waku ko wĩana ata?
14Ũlũngalu na sila wa katĩ nĩsyo wambĩlĩĩlyo wa ũsumbĩ waku,
wendo na ũĩkĩĩku nĩsyonekaa maũndũnĩ onthe ala wĩkaa.
15Nĩ aathime andũ ala makũthaithaa na kũkwinĩa,
ala mekalaa kyeninĩ kya tei waku we Mwĩai Ngai!
16Matanaa ĩsyĩtwanĩ yaku mũthenya w'onthe,
nĩmakũtaĩaa nũndũ wa ũseo waku.
17Nue ũkumyo na vinya woo,
kwa ũseo waku nũtumaa tũsinda.
18Ame Mwĩai Ngai, kwa w'o nue wanyuvie mũsũvĩi waitũ,
we Ngai Ũla Mũtheu wa Ĩsilaeli nĩwatũnengie mũsumbĩ waitũ.
Ngai Akeanĩsya Ũtianĩo wake na Ndeviti.
19Ĩvinda ya tene nĩwaneenie woninĩ na athũkũmi maku aĩkĩĩku wasya,
“Nĩnatetheeisye mũsikalĩ wĩ nguma;
nĩnanengie ũsumbĩ mũndũ ũmwe ũla nanyuvie kuma andũnĩ.
20 #
1Sam 13.14; 16.12; Meko 13.22 Nĩnonete Ndeviti mũthũkũmi wakwa,
nĩnĩmwĩtĩkĩsye mauta makwa matheu,
21nĩ kana ethĩwe na ũtonyi wakwa kĩla ĩvinda,
na vinya wakwa ũimũlũlũmĩĩlya.
22Mũmaitha ndakamũsinda,
andũ athũku maikamũthĩny'a.
23Ngamina amaitha make,
na kũaa onthe ala mamũmenete.
24Ngamwenda na ndyĩthĩwa nĩ mũĩkĩĩku kũla ũĩ,
na ngĩtuma asinda kĩla ĩvinda.
25Nganenevya kĩsio kĩla ũsumbĩkĩte,
kuma ũkanganĩ wa Menditelenia kũvika Ũsĩnĩ wa Euvalati.
26“Akaneena ambĩe, ‘Nue Ĩthe wakwa,
Ngai wakwa na Ĩvia ya ũtangĩĩo wakwa.’
27 #
Ũvu 1.5
Ngamũtw'ĩkĩthya mwana wakwa wa mbee,
mũsumbĩ mũnene kwĩ asumbĩ onthe ĩũlũ wa nthĩ.
28Ngaendeea kũmwony'a wendo wakwa ũtaolekaa tene na tene,
na ũtianĩo wakwa nake ũkatũaa ĩvinda yonthe.
29Ũsumbĩ wake ũkeethĩwa vo tene na tene ta ĩtu,
kĩla ĩvinda nzyawa ĩmwe yake ĩkeethĩawa yĩ mũsumbĩ.
30“Ĩndĩ nzyawa syake syalea kwĩw'a mĩao yakwa,
na kũlea kwĩkala kwĩanana na myamũlo yakwa,
31syaleana na motw'ĩo makwa,
na kũlea kwĩanĩsya mĩao yakwa,
32nĩvo ĩndĩ nĩmakany'a nũndũ wa mothũku moo;
ngatuma mathĩna nũndũ wa mavĩtyo moo.
33Ĩndĩ ndikaeka kwenda Ndeviti,
kana nĩlee kwĩanĩsya ũtianĩo wakwa nake.
34Ndikananga ũtianĩo wakwa nake,
kana kũalyũla ndeto ila naneenie.
35“Nĩnĩvĩtĩte ĩmwe vyũ ũtheunĩ wakwa,
kana ndikakenga Ndeviti.
36Nzyawa syake ikaendeea tene na tene,
na ũsumbĩ wake ũkeethĩawa vo ĩvinda yonthe ta syũa.
37Ũsumbĩ wake ũkalũlũmĩĩlw'a ta mwei tene na tene,
ngũsĩ ndĩkĩĩku yĩ matunĩ.”
Sela
Kĩĩo nũndũ wa Kũsindwa kwa Mũsumbĩ
38Ĩndĩ yu we Ngai nũthatĩtw'e mũno nĩ mwĩtĩkĩw'a mauta waku;
nũmũtiĩte na ũkaekana nake.
39Nĩwanangĩte ũtianĩo waku na mũthũkũmi waku,
na ũkekya ngovia yake ya kĩ-ũsumbĩ kĩtoonĩ.
40Nũomboangĩte ngũta sya ndũa yake,
na ũkatia kũndũ kwake kwa kwĩvitha kwĩ kwanangĩku.
41Onthe ala mesĩlaa vakuvĩ nĩmoyaa syĩndũ syake;
atw'ĩkĩte kĩndũ kya kũthekeewa nĩ atũi make.
42Nũtumĩte amaitha make mamũsinda;
nũtumĩte amaitha make onthe matana.
43Nũtumĩte mĩio yake ya kaũ ĩtw'ĩka ya mana,
na ũkalea kũmũtetheesya kaũnĩ.
44Nĩwosete ndata yake ya kĩ-ũsumbĩ,
na ũkavalũkya ũsumbĩ wake nthĩ.
45Nũolete mĩthenya yake ya kwĩthĩwa e wa mũika,
na ũkamũvw'ĩka na nthoni.
Mboya kwondũ wa Kũvonokw'a
46Ame Mwĩai Ngai, wĩĩvitha tene na tene?
Ũthatu waku wĩakana ta mwaki nginya ĩndĩĩ?
47Lilikana ũndũ ĩvinda ya thayũ wakwa yĩkuvĩvĩte,
kana mũndũ ũla woombie ekalaa thayũ ĩvinda ĩkuvĩ!
48Nĩ mũndũ wĩva ũla wĩĩkala thayũ na ailea kũkw'a?
Nũũ ũtonya kũvonokya thayũ wake kuma vinyanĩ wa kĩkw'ũ?
Sela
49We Mwĩai wendo waku wa tene ũla ũtaolekaa ũĩva?
Wendo ũla kwa ũĩkĩĩku weevĩtĩie Ndeviti?
50Ame Mwĩai lilikana ũndũ nyie mũthũkũmi waku nĩumangĩtwe;
ũndũ nũmĩĩasya ngoonĩ yakwa iumo sya andũ matakwĩsĩ.
51Ame Mwĩai Ngai amaitha maku nĩmaumangaa mwĩtĩkĩw'a mauta waku;
mamũumangaa e kw'onthe kũla wathi.
52Mwĩai Ngai nĩataĩwe tene na tene!
Ameni! Ameni!
Currently Selected:
Sav 89: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
