Sav 82
82
Ngai Mũsumbĩ ũla Mũnene.
Savulĩ ĩno yaandĩkiwe nĩ Asavu.
1Ngai nũtongoeasya nzama ya ĩtunĩ;
nĩwe wumasya ũtw'ĩo wũmbanonĩ wa ngai ingĩ.
2Mwĩendeea kumya sila ũte wa katĩ nginya ĩndĩĩ,
na kwendeesya ala athũku?
Sela
3Nenga ngya na syana ndiwa kĩla kĩmaĩlĩte;
umya sila wa katĩ kwa ala mathĩnaw'a na ala mate kĩndũ.
4Tangĩĩa ala mate na vinya na athĩni;
mavonokye kuma vinyanĩ wa andũ athũku.
5“Mai na ũĩ na o na mai na ũmanyi,
maendelaa kĩvindunĩ,
myambĩlĩĩlyo ya nthĩ nĩ nthingithye.
6 #
Yoa 10.34
Nĩnaneenie nasya, ‘Inyw'ĩ mwĩ ngai.’
Inyw'onthe mwĩ ana ma Ũla wĩ Ĩũlũ Mũno.
7Ĩndĩ ũu wĩ o vo mũkakw'a o ta andũ,
na mũivalũka o ta asumbĩ ala angĩ.”
8Ame Ngai ũkĩla ũsilĩle nthĩ,
nũndũ nthĩ syonthe nĩ syaku!
Currently Selected:
Sav 82: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
