Sav 81
81
Ũseo wa Ngai na Ũthũku wa Ĩsilaeli
Kwa mwinĩthya: Savulĩ ĩno yaandĩkiwe nĩ Asavu.
1Inĩai Ngai ũla nĩwe vinya witũ na wasya mũnene;
ũkĩlĩlyai Ngai wa Yakovo wasya wa ũtanu.
2Ambĩĩai wathi, kũnai ndambulĩnĩ,
kũnai ngitaa nini na ngitaa nene syĩ na wasya mũseo.
3 #
Mot 10.10
Vuvai soo ĩvindanĩ ya kũtisa kwa Mwei,
yĩla mwei wenekee w'onthe, mũthenyanĩ wa mboka.
4Ũũ nĩ mwĩao kwa andũ ma Ĩsilaeli,
ũtw'ĩo kuma kwa Ngai wa Yakovo.
5Aũnengie andũ ma Ĩsilaeli yĩla wavithũkĩie nthĩ ya Misili,
vala neewie wasya ndaamanya ũyasya:
6“Nĩnamwaũie mĩio yenyu mĩito kuma mũongo,
na natuma mũeka kũtethya wĩa mũito ũla mwatethasya.
7 #
Kuma 17.7; Mot 20.13 Yĩla waĩ thĩnanĩ nĩwambĩtie na nakũvonokya,
nĩnakũsũngĩie nĩvithĩte kĩtundumonĩ,
nĩnakũtatĩie kĩw'ũnĩ kya Meliva.
Sela
8Inyw'ĩ andũ makwa ĩthukĩĩsyei ũkany'o wakwa;
mwa Ĩsilaeli kethĩwa no ũmbĩthukĩĩsya!
9 #
Kuma 20.2-3; Kũt 5.6-7 Ndũkaaĩthĩwe na ngai ngeni katĩ waku,
o na ndũkaathaithe ngai o na yĩva ya nthĩ ĩngĩ.
10Ninyie Mwĩai Ngai, Ngai waku,
ũla wakumisye nthĩ ya Misili;
athamya kanyw'a waku vyũ na ngakũnenga lĩu.
11“Ĩndĩ andũ makwa nĩmaleile kũmbĩthukĩĩsya;
andũ ma Ĩsilaeli mayaambĩw'a.
12Kwoou nĩnamaekie maatĩĩe wũmũ wa ngoo syoo,
na mayĩka ũndũ mekwenda.
13Kethĩwa andũ makwa no mambĩthukĩĩsya,
kethĩwa Ĩsilaeli nũatĩĩa nzĩa syakwa!
14Nĩsinda amaitha moo mĩtũkĩ,
na ngĩmina nthũ syoo.
15Ala mamenete makumany'a mĩtwe yoo mbee wakwa nĩ w'ĩa;
ũkany'o woo wĩkala tene na tene.
16Ĩndĩ nyie ngũĩthya na nganũ ĩla nzeo vyũ,
na ngĩũvũnĩthya na ũkĩ wa nzũkĩ kuma ĩvianĩ.”
Currently Selected:
Sav 81: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
