Sav 24
24
Mũsumbĩ Mũnene
Savulĩ ĩno yaandĩkiwe nĩ Ndeviti
1 #
1Ako 10.26
Nthĩ na syĩndũ syonthe ila syĩ nthĩnĩ wayo nĩ sya Mwĩai Ngai,
nthĩ na onthe ala matũaa nthĩnĩ wayo nĩ make.
2Nĩkwĩthĩwa nĩwe weekĩie myambĩlĩĩlyo ya yo ũkanganĩ,
na amĩlũlũmĩĩlya mbũsĩnĩ.
3Nũũ ũla ũtonya kũlĩsa kĩĩmanĩ kya Mwĩai Ngai?#24.3 Kĩĩmanĩ kya Mwĩai Ngai: Kĩĩ nĩ Kĩĩma kĩla kĩ Yelũsalemu vala Ĩkalũ yaakĩtwe
Nũũ ũtonya kũlika Ĩkalũnĩ yake ĩtheu?
4 #
Mat 5.8
Nĩ ũla ũtekaa maũndũ mathũku na wĩ ngoo ntheu;
nĩ ũla ũtathaithaa ngai sya mĩvw'anano,
na ndevĩtaa na ndeto sya ũvũngũ.
5Akakwata ũathimo kuma kwa Mwĩai Ngai,
na kũtalĩlwa kwĩthĩwa e mũlũngalu nĩ Ngai Mũtangĩĩi wake.
6Asu nĩmo andũ ala mamanthaa Ngai,
ala mamanthaa ũthyũ wa Ngai wa Yakovo.
Sela
7Vingũkai vyũ inyw'ĩ mĩvĩa!
Vingũkai inyw'ĩ mĩomo ya tene,
nĩ kana mũsumbĩ wĩ ũkumyo alike.
8Mũsumbĩ ũsu wĩ ũkumyo nũũ?
Nĩ Mwĩai Ngai, ũla wĩ vinya na wĩ ũtonyi;
nĩ Mwĩai Ngai, ũla ũsindaa kaũ.
9Vingũkai vyũ inyw'ĩ mĩvĩa!
Vingũkai inyw'ĩ mĩomo ya tene,
nĩ kana mũsumbĩ wĩ ũkumyo alike.
10Mũsumbĩ ũsu wĩ ũkumyo nũũ?
Nĩ Mwĩai Ngai Mwene Ũtonyi W'onthe;
nĩwe Mũsumbĩ ũla wĩ ũkumyo.
Sela
Currently Selected:
Sav 24: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
