Nth 25
25
Nthimo ingĩ sya Solomoni
1Ii o nasyo nĩ nthimo ingĩ sya Solomoni ila syaumĩĩiw'e nĩ aandĩki ma Esekia mũsumbĩ wa Yuta:
2Tũnengae Ngai ndaĩa nũndũ wa kĩla ũvithĩte,
ĩndĩ tũnengae asumbĩ ndaĩa nũndũ wa kĩla mavuanasya.
3O tondũ matu me ĩũlũ mũno, na nthĩ yĩ ũliku mũnene,
now'o mosũanĩo ma mũsumbĩ matekuũĩka.
4Umya ĩko nthĩnĩ wa silĩva,
na ũla ũseũvasya syĩndũ naw'o akaseũvya kĩndũ kĩseo.
5Umya mũndũ mũthũku vala ve mũsumbĩ,
na ũsumbĩ wake ũkalũlũmĩĩlw'a na ũlũngalu.
6 #
Lk 14.8-10
Ndũkekathĩĩe wĩ mbee wa mũsumbĩ,
kana kwĩkala vala anene maĩlĩte kwĩkala,
7nũndũ nĩ kavaa kwĩwa, “Ũka vaa mbee,”
kũte kwĩwa wũkĩlĩle mũndũ ũngĩ mũnene mbee waku kĩvĩla.
Kĩla weeyonea na metho maku,
8ndũkakĩtwae kotinĩ na mĩtũkĩ,
ndũkaĩwe nĩ ũndũ ũkwĩka ĩtina,
mũtũi waku akwĩkĩĩthya nthoni.
9Ethĩwa ndũkũeleanwa na mũtũi waku, ĩw'anai mwĩ elĩ;
ndũkavuany'e kĩmbithĩ kya mũndũ ũngĩ;
10walea kwĩka ũu, ũla wĩĩw'a akakwĩkĩĩthya nthoni,
na ndũkaeka kũvũthw'a nĩ andũ.
11Ndeto ĩneenetwe ĩvinda yĩla yaĩlĩte,
nĩ ta thaavu wũmbĩĩwe kĩndũnĩ kĩseũvĩtw'e na silĩva.
12Ũtao wa ũĩ ũnengetwe mũndũ wĩthukĩĩsye nesa,
nĩ ta mbete ya thaavu kana wanake wa thaavu mũseo.
13O tondũ mbevo ya ĩa yĩthĩawa ĩilyĩ ĩvinda ya ngetha,
mũtũmwa mũĩkĩĩku ailyĩ ũu kwa ala mamũtũmaa,
nũvuũkasya ngoo sya anene make.
14Mũndũ ũla wĩkathĩĩaa kana nũkũnengane mũthĩnzĩo na ailea kwĩka ũu,
ailyĩ ta matu na kĩseve ila itesaa kũete mbua.
15Wũmĩĩsyo mwingĩ nũtumaa mũtongoi etĩkĩla ũndũ,
ũĩmĩ mwololo nũtũlaa ĩvĩndĩ.
16Weethĩa ũkĩ wa nzũkĩ vandũ, ya o ũla ũkwĩanĩe,
waya mwingĩ nũũtavĩka.
17Ndũkatindĩae kũthi kwa mũtũi waku kĩla ĩvinda,
ndakese kũnow'a nue na aikũmena.
18Mũndũ ũla ũkũsĩĩaa mũtũi wake ũvũngũ,
ailyĩ ta nzũma, ũvyũ kana ĩangi yũĩ.
19Kwĩkwatya mũndũ ũte mũĩkĩĩku ĩvindanĩ ya mathĩna,
nĩ ũndũ ũmwe na ĩeo ĩthũku kana kũũ kũtĩsu.
20Ũla winĩaa mbathi mũndũ ũthatĩte,
ailyĩ ta ũla wumasya ngũa ĩvinda ya mbevo,
kana ũla wĩkĩaa ndivai ngaatu kĩtaunĩ.
21 #
Alo 12.20
Ethĩwa mũmaitha waku e na nzaa, mũathĩsye,
na ethĩwa e na waũni mwĩkĩe kĩw'ũ anyw'e.
22Weeka ũu ũkatuma akwatwa nĩ nthoni mbingĩ,
nake Mwĩai Ngai akaũtuva.
23Kĩseve kuma ngalĩko ya ĩũlũ kĩetae mbua,
nasyo nzukũ o ta ũu ietae kĩmena.
24Nĩ kavaa kwĩkala vandũ konanĩ nyũmbanĩ ĩũlũ,
kũte kwĩkala nyũmba nthĩnĩ na mũndũ mũka wĩ ĩteta.
25Kwĩw'a ũvoo mũseo kuma nthĩ ya kũasa,
nĩ ũndũ ũmwe na kũnenga mũndũ wĩ na waũni kĩw'ũ kĩthithu.
26Mũndũ mũlũngalu ũla wĩtĩkĩlaa kũatĩĩa maũndũ ma mũndũ mũthũku,
ailyĩ nthongo nthokoany'e kana kĩthima kĩkinyange.
27Ti ũseo kũya ũkĩ mwingĩ wa nzũkĩ,
o na ti ũseo mũndũ kwĩmanthĩa ndaĩa.
28Mũndũ wĩ ngoo ailyĩ ndũa mbithũkĩe,
na ĩkaomboangwa ngũta syayo.
Currently Selected:
Nth 25: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
