Nee 7

1Ũkũta waminwa kwakwa ĩngĩ, na namina kwĩkĩa mĩvĩa, nĩvo ĩndĩ asikalĩ ala masungaa mĩvĩa ya Ĩkalũ, aini na Alivai manengiwe wĩa woo. 2Nĩnanyuvie aũme elĩ methĩwe matongoesye ndũa ya Yelũsalemu: Mwana-a-ĩthe wakwa Aanani, na Aanania ũla waĩ mũtongoi wa nyũmba ndũmu ya kĩ-ũsumbĩ. Aanania aĩ mũndũ wa kwĩkwatw'a, na aĩ na kĩkĩo kya Ngai mbee wa andũ ala angĩ. 3Nĩnaneenie namo namea atĩĩ, “Mĩvĩa ya Yelũsalemu ndĩkavingũwe nginya syũa yambatange. Asikalĩ ma mĩvĩanĩ maendee na kũthũkũma, matavyei mavinge mĩomo, na kwĩkĩa syũma sya kũvinga. O ta ũu nyuvai andũ ala matũaa Yelũsalemu ta asikalĩ ma kũsyaĩĩsya; amwe masyaĩĩsye me vala maĩlĩte kwĩthĩwa, na angĩ maisyaĩĩsya me vakuvĩ na vala matwĩe.”

Masyĩtwa ma Andũ ala Masyokie kuma Mbavilonĩ

(Esa 2.1-70)

4Yelũsalemu yaĩ ndũa nene, ĩndĩ ndyatwĩe andũ aingĩ, na nyũmba mbingĩ iyaĩ inamba kwakwa. 5Ngai nĩwambuanĩisye ngoonĩ yakwa kana nĩnaĩlĩte kũmbany'a andũ, atongoi na andũ me ndaĩa nĩ kana nĩsisye masyĩtwa ma mĩsyĩ yoo. Nĩnoonie ĩvuku yĩla yaandĩkĩtwe masyĩtwa ma mosyaanĩo ma andũ, ala masyokie kuma Mbavilonĩ. Neethĩie ĩvuku yĩandĩkĩtwe ũũ:

6Aa nĩmo masyĩtwa ma andũ ala maumie Mbavilonĩ, kũla matavĩtwe makatwawa nĩ Nevukatinesa mũsumbĩ wa Mbavilonĩ. Nĩmasyokie Yelũsalemu na Yuta kĩla ũmwe ndũanĩ yake. 7Mookanisye na Nzelũvaveli, Yesua, Neemia, Asalia, Laamia, Naamani, Molitekai, Mbilisani, Misivelethi, Mbikivai, Neumu, na Mbaana. Ũtalo wa andũ ma Ĩsilaeli ala masyokie nĩw'o ũũ:

8Nzyawa sya Valosi, andũ ngili ilĩ ĩana na mĩongo mũonza na elĩ.

9Nzyawa sya Sevatia, andũ maana atatũ na mĩongo mũonza na elĩ.

10Nzyawa sya Alaa, andũ maana thanthatũ na mĩongo ĩtano na elĩ.

11Nzyawa sya Vaathi-moavi, ila nĩ nzyawa sya Yesua na Yoavu, andũ ngili ilĩ maana nyanya na ĩkũmi na nyanya.

12Nzyawa sya Elamu, andũ ngili ĩmwe maana elĩ na mĩongo ĩtano na ana.

13Nzyawa sya Nzatũ, andũ maana nyanya na mĩongo ĩna na atano.

14Nzyawa sya Nzakai, andũ maana mũonza na mĩongo thanthatũ.

15Nzyawa sya Mbinui, andũ maana thanthatũ na mĩongo ĩna na nyanya.

16Nzyawa sya Mbevai, andũ maana thanthatũ na mĩongo ĩlĩ na nyanya.

17Nzyawa sya Asikati, andũ ngili ilĩ maana atatũ na mĩongo ĩlĩ na elĩ.

18Nzyawa sya Atonikamu, andũ maana thanthatũ na mĩongo thanthatũ na mũonza.

19Nzyawa sya Mbikivai, andũ ngili ilĩ na mĩongo thanthatũ na mũonza.

20Nzyawa sya Atini, andũ maana thanthatũ na mĩongo ĩtano na atano.

21Nzyawa sya Ateli, ũla kwa ĩsyĩtwa yĩngĩ wĩtawa Esekia, andũ mĩongo kenda na nyanya.

22Nzyawa sya Asumu, andũ maana atatũ na mĩongo ĩlĩ na nyanya.

23Nzyawa sya Mbenzai, andũ maana atatũ na mĩongo ĩlĩ na ana.

24Nzyawa sya Alivu, andũ ĩana na ĩkũmi na elĩ.

25Nzyawa sya Ngiveoni, andũ mĩongo kenda na atano.

26Andũ ma ndũa sya Mbetheleemu na Netova maĩ ĩana na mĩongo nyanya na nyanya.

27Andũ ma ndũa ya Anathothi maĩ ĩana na mĩongo ĩlĩ na nyanya.

28Ma ndũa ya Mbethi-asimavethi, andũ mĩongo ĩna na elĩ.

29Ma ndũa ya Kĩliathi-yealimu, ya Kevila na ya Mbeelothi, andũ maana mũonza na mĩongo ĩna na atatũ.

30Ma ndũa ya Lama, na ya Ngeva, andũ maana thanthatũ na mĩongo ĩlĩ na ũmwe.

31Ma ndũa ya Mikimasi, andũ ĩana na mĩongo ĩlĩ na elĩ.

32Ma ndũa ya Mbethi-eli na ya Ai, andũ ĩana na mĩongo ĩlĩ na atatũ.

33Ma ndũa ĩla ĩngĩ yĩtawa Nevo, andũ mĩongo ĩtano na elĩ.

34Ma ndũa ĩla ĩngĩ yĩtawa Elamu, andũ ngili ĩmwe na maana elĩ na mĩongo ĩtano na ana.

35Ma ndũa ya Alimu, andũ maana atatũ na mĩongo ĩlĩ.

36Ma ndũa ya Yeliko, andũ maana atatũ na mĩongo ĩna na atano.

37Ma ndũa ya Loti, ya Atiti, na ya Ono, andũ maana mũonza na mĩongo ĩlĩ na ũmwe.

38Ma ndũa ya Senaa, andũ ngili itatũ maana kenda na mĩongo ĩtatũ.

39Ũũ nĩw'o ũtalo wa athembi ala masyokie kuma Mbavilonĩ:

Ma mũsyĩ wa Yetaia ala maĩ nzyawa sya Yesua, athembi maana kenda na mĩongo mũonza na atatũ.

40Nzyawa sya Imeli, athembi ngili ĩmwe na mĩongo ĩtano na elĩ.

41Nzyawa sya Vasuli, athembi ngili ĩmwe maana elĩ na mĩongo ĩna na mũonza.

42Nzyawa sya Alimu, athembi ngili ĩmwe na ĩkũmi na mũonza.

43Alivai ala masyokie kuma Mbavilonĩ maumĩte mũsyĩnĩ wa Yesua na wa Katimieli, kumana

na nzyawa sya Otavia maĩ mĩongo mũonza na ana.

44Aini maĩ nzyawa sya Asavu na ũtalo woo waĩ andũ ĩana na mĩongo ĩna na nyanya.

45Asikalĩ ala masungaa mũvĩa wa Ĩkalũ ala masyokie maĩ nzyawa sya Salumu, Ateli, Talimoni, Akuvu, Atita, na sya Sovai. Onthe maĩ asikalĩ ĩana na mĩongo ĩtatũ na nyanya.

46Athũkũmi ma Ĩkalũnĩ ala masyokie maĩ nzyawa sya Nziia, Aasuva, Tavaothi,

47Kelosi, Siaa, Vatoni,

48Levana, Akava, Salimai,

49Aananu, Ngiteli, Kaali,

50Leaia, Lesini, Nekota,

51Ngasamu, Usa, Vasea,

52Mbesai, Ameuni, Nevisimu,

53Mbakivuki, Akuva, Aliuli,

54Mbasiluthi, Meita, Alasa,

55Mbalikosi, Sisela, Tema,

56Nesia, na nzyawa sya Ativa.

57Nzyawa sya athũkũmi ma Solomoni ila syasyokie kuma Mbavilonĩ syaĩ nzyawa sya Sotai, Sovelethi, Veluta,

58Yaala, Ndalikoni, Ngiteli,

59Sevatia, Atili, Vokelethi-nzevaimu na sya Amoni.

60Athũkũmi onthe ma Ĩkalũnĩ vamwe na nzyawa sya athũkũmi ma Solomoni ũtalo woo waĩ andũ maana atatũ na mĩongo kenda na elĩ.

61Andũ ma ndũa ii o namo nĩmasyokie: Ma ndũa ya Teli-mela, Teli-alasa, Keluvi, Atani, na ya Imeli. Ĩndĩ mayaĩ matonya kũĩkĩĩthya kana mĩsyĩ yoo yaĩ ya nzyawa sya andũ ma Ĩsilaeli.

62Andũ asu maĩ nzyawa sya Ndelaia, Tovia na sya Nekota. Ũtalo woo waĩ andũ maana thanthatũ na mĩongo ĩna na elĩ.

63Andũ ma mĩsyĩ ĩno ya athembi o namo nĩmasyokie: Nzyawa sya Ovaia, Akosi na sya Mbalisilai, ũla watwaĩte mwĩĩtu wa mũndũ ũngĩ weetawa Mbalisilai waĩ Mũngileati na weetawa kwa ĩsyĩtwa yĩu.

64Andũ asu nĩmamanthie masyĩtwa moo ĩvukunĩ yĩla masyĩtwa ma mosyaanĩo maandĩkĩtwe, ĩndĩ mayaamona. Kwondũ wa ũu nĩmatalilwe kwĩthĩwa me avuku na maumw'a ũthembinĩ. 65#Kuma 28.30; Kũt 33.8 Ngavana wa Ayuti nĩwameaĩie amea maikaye lĩu ũla ũthembewe Ngai, nginya yĩla veĩthĩwa mũthembi ũtonya kumya ũtw'ĩo aitũmĩa Ulimu na Thumimu.#7.65 Ulimu na Thumimu: Twĩndũ twĩlĩ twatũmĩawa nĩ athembi nĩ kana matavany'e kwenda kwa Ngai; kũyĩsĩkĩwe nesa ũndũ twatũmĩawa.

66Ũtalo wa andũ onthe ala maumie Mbavilonĩ kũla matavĩtwe makatwawa, waĩ andũ ngili mĩongo ĩna na ilĩ maana atatũ na mĩongo thanthatũ. 67Eka asu vaĩ athũkũmi ma aũme na aka ngili mũonza maana atatũ na mĩongo ĩtatũ na mũonza. O ta ũu vaĩ aini ma aũme na aka maana elĩ na mĩongo ĩna na atano, 68mbalasi maana mũonza na mĩongo ĩtatũ na thanthatũ, nyũmbũ maana elĩ na mĩongo ĩna na itano, 69ngamĩle maana ana na mĩongo ĩtatũ na itano, na mang'oi ngili thanthatũ maana mũonza na mĩongo ĩlĩ.

70Andũ aingĩ nĩmaumisye syĩndũ kwondũ wa kũtetheesya wĩa wa kwaka Ĩkalũ ĩngĩ. Ngavana wa Ayuti nĩwaumisye kĩlo nyanya sya thaavu, mbakũli mĩongo ĩtano, na ngũa ndaasa maana atano na mĩongo ĩtatũ sya athembi. 71Atongoi amwe ma mĩsyĩ nĩmaumisye kĩlo ĩana na mĩongo thanthatũ na nyanya sya thaavu, na kĩlo ngili ĩmwe maana elĩ na mĩongo ĩtano sya silĩva. 72Andũ ala angĩ onthe maumisye kĩlo ĩana na mĩongo nyanya sya thaavu, kĩlo ĩana na mĩongo ĩna sya silĩva, na ngũa ndaasa mĩongo thanthatũ na mũonza sya athembi.

73 # 1Mav 9.2; Nee 11.3 Athembi, Alivai, asikalĩ ma mĩvĩa ya Ĩkalũ, aini, na athũkũmi ma Ĩkalũ, vamwe na andũ angĩ, na andũ ala angĩ onthe ma Ĩsilaeli nĩmatũie ndũanĩ syoo.

Mwei wa mũonza ũivika, andũ ma Ĩsilaeli maĩ manatũa ndũanĩ syoo.

Currently Selected:

Nee 7: KAMBA

Highlight

Copy

Compare