Nee 6

Neemia Aiseũvĩw'a Mũvango Mũthũku

1Sanavalati, Tovia, Ngesemu ũla waĩ Mũalavu na amaitha ala angĩ maitũ, nĩmamanyie kana nĩnĩminĩte kwaka ũkũta ĩngĩ na kana ũkũta ũsu ndwaĩ na kĩsio kyatialĩte kwakwa, o na kau ĩvindanĩ yĩu ndyaĩ nĩnamba kwĩkĩa mĩomo mĩvĩanĩ. 2Kwoou Sanavalati na Ngesemu nĩmatũmanie kũla nĩĩ mangũlĩtye tũkomanĩe ndũanĩ ĩmwe Ũiĩnĩ wa Ono. Ĩndĩ ũsu waĩ mũteo maseũvĩtye nĩ kana mambĩke naĩ. 3Nĩnatũmie andũ mathi makamee atĩĩ, “Nĩendee kũtethya wĩa wĩ vata, na nditonya kũtheea kũu. Ndonya ata kũeka wĩa ũũngame nĩ kana nĩthee kũla mũĩ?”

4Nĩmatũmanie mavinda ana nĩetewe ũtũmani ũsu, ĩndĩ kĩla ĩvinda nanenganae ũsũngĩo o ũsu.

5Nĩvo ĩndĩ Sanavalati watũmie mũthũkũmi wake ĩvinda ya katano andetee ũtũmani o ũsu, akuĩte valũa ũtaĩ mũvinge.#6.5 valũa ũtaĩ mũvinge: Kũnengane valũa ũtwawe ũte mũvinge yaĩ nzĩa ya kũekana naw'o nĩ kana kĩla kĩandĩkĩtwe nthĩnĩ kĩmanyĩke nĩ andũ aingĩ. 6Valũa ũsu waandĩkĩtwe atĩĩ:

“Kuma vala ve andũ ala mamũthyũlũlũkĩte, na kuma vala ve Ngesemu, nĩnĩmanyĩte kana we na Ayuti mwĩenda kũng'enda, na kĩu nĩkyo kĩtumi mũendee kwaka ũkũta. O ta ũu Ngesemu easya kana ũendee na kũseũvya mũvango ũtw'ĩke mũsumbĩ, 7na kana ve athani ũnyuvĩte matavany'e Yelũsalemu masye kana nue mũsumbĩ wa Yuta. Vate nzika mũsumbĩ nũkũmanya ndeto isu, na kwoou nĩũkũlya tũkomane tũneene ĩũlũ wa ũndũ ũsu.”

8Nĩnamũtũmĩie ũsũngĩo naĩtye: “Vai ũw'o maũndũnĩ ala ũneenete. Ũendee kũseũvya maũndũ maku we mwene.”

9Andũ asu mendaa kũtũtelemya na masũanĩaa makasya, “Nĩmeĩthĩwa mate na vinya wa kũtethya wĩa, na kwoou wĩa ũsu ndwĩthela.” Ĩndĩ nĩnavoyie nasya, “Ame Ngai, nenge vinya”.

10Mũthenya ũmwe nĩnaendie mũsyĩ kwa Semaia mwana wa Ndelaia mwĩsũkũũe wa Meetaveli, ũla waĩ atatonya kuma nyũmba kwake. Nĩwambĩie atĩĩ, “Tũthi tũkevithe ĩmwe Vandũnĩ vala Vatheu Ĩkalũnĩ na tũivinga mĩomo, nũndũ nĩmokĩte kũkũaa. Ũtukũ nĩmekũka makũae.”

11Ĩndĩ nĩnasũanĩie neekũlya atĩĩ, “Mũndũ wa mũthemba wakwa nĩwaĩlĩte kũsemba akakĩa? Kana, mũndũ wa mũthemba wakwa nĩwaĩlĩte kũthi Ĩkalũnĩ nĩ kana atangĩĩe thayũ wake? Ndithi!”

12Yĩla nasũanĩie ũndũ ũsu, nĩnamanyie kana Ngai ndaneenete na Semaia, ĩndĩ Tovia na Sanavalati nĩmamũnengete mbesa nĩ kana ambĩkĩe w'ĩa. 13Mamũnengete mbesa andelemye nĩ kana nĩke naĩ kwa kwĩka ũu, na ĩndĩ maimbanangĩa ĩsyĩtwa na kũmbaĩsya ndaĩa.

14Nĩnavoyie nasya atĩĩ, “Ame Ngai, lilikana ũndũ Tovia e na Sanavalati mambĩkĩte na ũimakany'a. Lilikana ũla mũndũ mũka wĩtawa Noatia na athani ala angĩ onthe ala mendaa kũndelemya.”

Andũ Maiminũkĩlya Kwaka Ũkũta

15Ũkũta nĩwaminie kwakwa mũthenyanĩ wa mĩongo ĩlĩ na itano wa mwei wa thanthatũ ũla nĩw'o wĩtawa Eluli, ĩtina wa mĩthenya mĩongo ĩtano na ĩlĩ ya kũtethya wĩa. 16Yĩla amaitha maitũ kuma nthĩ ila syatũthyũlũlũkĩte meewie ũu, nĩmakĩie na mamanya kana nĩmaasya ndaĩa, nĩkwĩthĩwa kĩla mũndũ nĩweesĩ kana wĩa ũsu watethetw'e kumana na ũtethyo wa Ngai waitũ.

17O ta ũu ĩvindanĩ yĩu, atongoi ma Yuta nĩmatũmanaa valũa mbingĩ itwaĩwe Tovia, nake Tovia nĩwamasũngĩaa kĩla ĩvinda. 18Andũ aingĩ ma Yuta maĩ ngwatanĩo nake nũndũ wa Sekania mwana wa Alaa, ũla waĩ Mũyuti na mũthoni wake, na mwana wake Yeoanani atwaĩte mwĩĩtu wa Mesulamu mwana wa Mbelekia. 19Ũu wĩ o vo, andũ nĩmandavasya maũndũ maseo ala Tovia weekaa, na ĩndĩ maimũtavya ũndũ nasya. Nĩvo ĩndĩ Tovia watindĩaa kũtũma valũa ayenda kũndelemya.

Currently Selected:

Nee 6: KAMBA

Highlight

Copy

Compare