Yel Ũelesyo wa Ĩvuku Yĩĩ
Ũelesyo wa Ĩvuku Yĩĩ
Mwathani Yelemia athanaa ta myaka maana thanthatũ mbee wa Kũsyawa kwa Klĩsto. Ĩvuku yĩĩ yĩandĩkĩtwe ũndũ Yelemia weetiwe nĩ Ngai, maũndũ ala watavanisye na mathĩna ala wakwatie e ũthũkũminĩ.
Yelemia aĩ wa mbaĩ ya athembi, na Mwĩai Ngai amwĩta e o mwanake atw'ĩke mwathani wake. Aĩ na ũkũmbaũ wa kũmakany'a asumbĩ, athembi na athani ma ũvũngũ, o na mbaĩ yonthe ya Ĩsilaeli. Nĩwamatavasya kana mayaĩlĩte kũmokita Akalitei, ala meeyũmbanĩtye kũvithũkĩa nthĩ yoo, nũndũ waĩ mũvango wa Ngai mavithũkĩwe; kũkita namo waĩ o wĩa wa mana. Kwoou andũ ma Yuta nĩmamũmenie Yelemia, na mavinda maingĩ nĩwavonokaa mayenda kũmũaa.
Yelemia athũkũmie vandũ va ĩvinda ĩasa, akĩmatavya andũ ma Yuta ĩũlũ wa wanangĩko ũla wakilĩlye kũmakwata, nũndũ wa ĩvĩtyo yoo ya kũthaitha mĩvw'anano na naĩ ingĩ ila meekaa. Nĩwekalile thayũ kũvika maũndũ ala wathanaa mesa kwĩanĩa. Ndũa ya Yelũsalemu nĩyakwatiwe nĩ Nevukatinesa mũsumbĩ wa Mbavilonĩ, na amĩomboanga vamwe na Ĩkalũ, na atwaa mũsumbĩ na andũ make Mbavilonĩ me atave. Ĩndĩ o vamwe na ũu, Yelemia nĩwathanie kũsyoka kwa andũ ma Ĩsilaeli kuma kũtavwanĩ kwoo. Yelemia nĩwendete andũ ma mbaĩ yake, na nĩ wakũnĩkaa thayũ akĩmanenga wathani wa ũsilĩlo. Ũthũkũmi wake ta mwathani waĩ vinya, ĩndĩ nĩwaemiwe nĩ kũekana na ũthũkũmi ũsu, nũndũ atata kũkilya, ũtũmani wa Ngai wamũvĩvasya ta mwaki ngoonĩ yake (20.8-9).
O na kau Yelemia athanaa ĩvindanĩ yaĩ mathĩna maingĩ, Ngai nĩwamũnengie wathani wa vata mũno ĩũlũ wa ũtianĩo mweũ. Andũ ma Ngai makeanĩĩsya ũtianĩo ũũ vate vata wa mũmanyĩsya wa kũmalilikany'a, nũndũ ũkeethĩwa ũandĩkĩtwe ngoonĩ syoo (31.31-34). Wathani ũũ weanĩiw'e nĩ Yesũ Klĩsto, mwĩw'anĩthya wa andũ na Ngai (Aevelania 8.8-12).
Maũndũ ala me Ĩvukunĩ Yĩĩ
Kwĩtwa kwa Yelemia 1.1-19
Mawathani ala Yelemia wanenganie ĩvindanĩ ya kũsumbĩka kwa asumbĩ aa: Yosia, Yeoiakimu, Yeoiakini na Nzetekia 2.1—25.38
Maũndũ ala makwatie Yelemia 26.1—45.5
Mawathani mathũku ĩũlũ wa mbaĩ ila ingĩ 46.1—51.64
Kwanangwa kwa Yelũsalemu 52.1-34
Currently Selected:
Yel Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011