Yel 28
28
Wathani wa Ũvũngũ wa Aanania na Kĩkw'ũ Kyake
1 #
2Asu 24.18-20; 2Mav 36.11-13 Mweinĩ wa katano wa mwaka ũsu wa kana, ũla nĩ w'o waĩ mwambĩlĩĩlyo wa kũsumbĩka kwa Nzetekia, mwathani Aanania mwana wa Asulu, kuma ndũanĩ ya Ngiveoni, nĩwaneenie nakwa nĩ Ĩkalũnĩ ya Mwĩai Ngai. Aneenie nakwa athembi na andũ onthe mayĩw'a ambĩa atĩĩ, 2“Ũũ nĩ w'o Mwĩai Ngai Mwene Ũtonyi W'onthe, Ngai wa Ĩsilaeli ũkwasya: Nĩndũlĩte ĩsoki ya mũsumbĩ wa Mbavilonĩ. 3Myaka ĩlĩ ĩte mĩthelu ngatũnga vaa mĩio yonthe ya Ĩkalũ, ĩla Nevukatinesa mũsumbĩ wa Mbavilonĩ wakuie aumya vaa na amĩtwaa Mbavilonĩ. 4O ta ũu ngatũnga Yekonia mwana wa Yeoiakimu mũsumbĩ wa Yuta, na andũ onthe ma Yuta ala matwaiwe Mbavilonĩ me atave, nũndũ ngatũla ĩsoki ya mũsumbĩ wa Mbavilonĩ. Nĩasya ũu nyie Mwĩai Ngai.”
5Nĩvo ĩndĩ mwathani Yelemia waneenie na mwathani Aanania, athembi na andũ onthe ala maũngyĩ Ĩkalũnĩ mayĩw'a, 6amwĩa atĩĩ, “Nĩkwĩthĩwe ũu! Mwĩai Ngai nĩeke ũu. Mwĩai Ngai eanĩsye wathani waku, na aitũnga kuma Mbavilonĩ mĩio yonthe ya Ĩkalũ yake, na andũ onthe ala mataviwe matwawa kw'o. 7Ĩndĩ yu ĩthukĩĩsye ũndũ ngũũtavya andũ aa onthe mayĩw'a. 8Athani ala mathanaa mbee waku na mbee wakwa myaka mingĩ mĩthelu, nĩmathanĩie nthĩ mbingĩ na mosumbĩ manene kana ikeethĩwa na kaũ, yũa na ũwau mũthũku. 9Ĩndĩ mwathani ũla wathanaa kana kũkeethĩwa mũuo, wathani wake weanĩa, nĩvo ĩndĩ andũ mamanyaa kana kwa w'o mwathani ũsu atũmĩtwe nĩ Mwĩai Ngai.”
10Nĩvo ĩndĩ mwathani Aanania waumisye ĩsoki yĩla yaĩ ngingonĩ ya mwathani Yelemia na ayĩtũla. 11Aanania nĩwaneenie andũ onthe methukĩĩsye asya atĩĩ, “Mwĩai Ngai easya: ‘Ũu nĩ w'o nĩtũla ĩsoki ya Nevukatinesa mũsumbĩ wa Mbavilonĩ nĩyumye ngingonĩ sya mbaĩ syonthe myaka ĩlĩ ĩtanathela.’ ” Ĩtina wa ũu Mwathani Yelemia nĩwaumie vau na athi.
12Ĩtina wa mwathani Aanania aumya na kũtũla ĩsoki yĩla yaĩ ngingonĩ ya mwathani Yelemia, Mwĩai Ngai nĩwaneenie na Yelemia amwĩa atĩĩ, 13“Enda wĩe Aanania atĩĩ, ‘Ũũ nĩw'o Mwĩai Ngai ũkũkwĩa: Nĩwatũla ĩsoki ya mĩtĩ, ĩndĩ vandũ vayo ngaseũvya ĩsoki ya kyũma! 14Nyie Mwĩai Ngai Mwene Ũtonyi W'onthe, Ngai wa Ĩsilaeli nĩasya kana nĩnĩkĩĩte ĩsoki ya kyũma ngingonĩ sya andũ ma mbaĩ ii syonthe, nĩ kana mamũthũkũme Nevukatinesa mũsumbĩ wa Mbavilonĩ. O na nĩnĩmũnengete ũtonyi wa kũũngamĩa nyamũ sya kĩthekanĩ.’ ”
15Nĩvo ĩndĩ mwathani Yelemia weeie mwathani Aanania atĩĩ, “Ĩthukĩĩsye we Aanania, Mwĩai Ngai ndaneekũtũma, naku nũtumĩte andũ aa maĩkĩĩa ndeto sya ũvũngũ. 16Kwondũ wa ũu Mwĩai Ngai ekwĩa atĩĩ, ‘Ngakumya ĩũlũ wa nthĩ. Mwakanĩ ũũ nũũkw'a, nĩkwĩthĩwa ũtavĩtye andũ ndeto sya kũtuma mang'endea nyie Mwĩai Ngai.’ ”
17Mwakanĩ o ũsu mwei wa mũonza, mwathani Aanania nĩwakwie.
Currently Selected:
Yel 28: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
