Ĩsa 39

Atũmwa ala Mookie kwa Esekia Maumĩte Mbavilonĩ

(2Asu 20.12-19; 2Mav 32.27-31)

1Ĩvindanĩ yĩu, mũsumbĩ wa Mbavilonĩ, Melotaki-mbalatani mwana wa Mbalatani, nĩweewie kana Mũsumbĩ Esekia ethĩĩtwe e mũwau na akavoa; kwoou nĩwatũmanie atwaĩwe valũa na mũthĩnzĩo. 2Esekia nĩwathokisye atũmwa asu, na amony'a syĩndũ syonthe ila syaĩ nyũmbanĩ syake sya kwia syĩndũ: Silĩva, thaavu, syĩndũ ila inyungaa nesa, mauta me vata mũno, na mĩio yake yonthe ya kaũ, vamwe na syĩndũ syonthe ila syaĩ kũla waiaa mothwii. Vai kĩndũ o na kĩmwe katĩ wa syĩndũ ila waiĩte kũla waiaa syĩndũ, kana ila syaĩ ũsumbĩnĩ wake ũtaamony'a. 3Nĩvo ĩndĩ mwathani Ĩsaia waendie vala ve Mũsumbĩ Esekia na amũkũlya atĩĩ, “Andũ asu meeumĩte va, na makwĩie ata?”

Esekia nĩwamũsũngĩie amwĩa atĩĩ, “Maumĩte Mbavilonĩ, nthĩ yĩ kũasa mũno.” 4Ĩsaia amũkũlya, “Monie kyaũ nyũmbanĩ yaku ya kĩ-ũsumbĩ?”

Esekia amũsũngĩa amwĩa, “Monie syĩndũ syonthe ila syĩ nyũmbanĩ yakwa ya kĩ-ũsumbĩ. Vai kĩndũ o na kĩmwe katĩ wa ũthwii wakwa ndanamony'a.”

5Nĩvo ĩndĩ Ĩsaia weeie Esekia atĩĩ, “Yu Mwĩai Ngai Mwene Ũtonyi W'onthe easya atĩĩ, 6‘Ĩvinda nĩyũkĩte yĩla syĩndũ syonthe ila syĩ nyũmbanĩ yaku ya kĩ-ũsumbĩ, na syĩndũ syonthe ila aaũmae maku maiĩte kũvika ũmũnthĩ ikakuwa itwawe Mbavilonĩ; vai kĩndũ o na kĩmwe kĩkatiwa. 7#Nda 1.1-7; 2Asu 24.10-16; 2Mav 36.10 Imwe sya nzyawa syaku mwene ikatavwa itwawe na iitw'ĩkĩthw'a andũ avakũe nĩ kana ithũkũmae nyũmbanĩ ya kĩ-ũsumbĩ ya mũsumbĩ wa Mbavilonĩ.’ ” 8Nĩvo ĩndĩ Mũsumbĩ Esekia weeie Ĩsaia atĩĩ, “Ndeto sya Mwĩai Ngai ila wandavya nĩ nzeo.” Esekia asũngĩie ũu nũndũ asũanĩie asya, “Nĩ ũndũ ũseo ethĩwa ĩvindanĩ yonthe ya kũsumbĩka kwakwa kũkeethĩawa mũuo na ũsũvĩo”

Currently Selected:

Ĩsa 39: KAMBA

Highlight

Copy

Compare