Ĩsa 23
23
Kũminwa kwa Tile na Sitoni
1 #
Esek 26.1—28.19; Yoe 3.4-8; Amo 1.9-10; Nzek 9.1-4; Mat 11.21-22; Lk 10.13-14 Ii nĩ ndeto ngito ila Ngai waneenie ĩũlũ wa Tile:
Ĩai inyw'ĩ meli sya Talisisi,
nĩkwĩthĩwa Tile nĩ mbanange,
ndĩ na nyũmba kana vandũ va kũũngama meli!
Mumĩte nthĩ ya Saivulasi mũkatavw'a ũvoo ũsu.
2Inyw'ĩ ala mũtwĩe ũtee wa ũkanga vindyai,
vindyai inyw'ĩ atandĩthya ma Sitoni,
inyw'ĩ ala mũthuĩtw'e nĩ andũ ala maendelaa ũkanganĩ.
3Lĩu wa ngetha ya mbaa mbeke kuma Misili,#23.3 Misili: Maandĩko Matheu kĩthyomonĩ kya Kĩevelania maĩtye Sioli, ũla nĩ ũvonge wa Ũsĩ wa Naeli. nĩwaetawe kwĩsĩla mokanganĩ manene;
ngetha kuma ũsĩnĩ wa Naeli nĩyo yaeteae Tile ũtandĩthyo,
na Tile yatw'ĩka vandũ vala andũ ma nthĩ syonthe maendaa kũthooa syĩndũ.
4Ĩw'a nthoni we Sitoni,
ndũa ndũmu yĩ ũtee wa ũkanga!
Nĩkwĩthĩwa ũkanga wĩasya atĩĩ,
“Yu ndi na syana; ndi na syana sya anake kana eĩtu.”
5Yĩla ũvoo wĩvika Misili,
andũ ma Misili makakwatwa nĩ kyeva,
nũndũ wa ũvoo ũla meĩw'a ĩũlũ wa Tile.
6Kĩlanĩlyai mũthi Talisisi,
ĩai inyw'ĩ ala mũtũaa ũtee wa ũkanga!
7Nĩkũlya, ĩno nĩyo ndũa yenyu ya Tile ĩla yĩ ũtanu,
ĩla yaakiwe tene mũno,
ĩla andũ mayo maendie kũtũa nthĩ syĩ kũasa?
8Nũũ ũla wavangĩie Tile maũndũ aa,
ndũa ĩla yanenganae ngovia sya kĩ-ũsumbĩ,
ĩla atandĩthya mayo maĩ atongoi,
na ĩla andũ mayo ala mathooasya syĩndũ manengetwe ndaĩa ĩũlũ wa nthĩ?
9Mwĩai Ngai Mwene Ũtonyi W'onthe nĩwe wamĩvangĩie ũu!
Eekie ũu nĩ kana anange ngathĩĩo syoo syonthe,
na kwĩkĩĩthya nthoni onthe ala manengetwe ndaĩa ĩũlũ wa nthĩ.
10Inyw'ĩ andũ ma Talisisi,
ĩmai nthĩ yenyu ta nthĩ ĩla yĩ ũtee wa Ũsĩ wa Naeli,
nĩkwĩthĩwa yu mũi na vandũ va kũũngamya meli ĩngĩ.
11Mwĩai Ngai nũtambũũkĩtye kw'oko kwake ĩũlũ wa ũkanga,
nũtumĩte mosumbĩ matetema,
Mwĩai Ngai nĩwĩaĩte kũndũ kũlũmu kwa Kanaani kwanangwe.
12Aneenie asya atĩĩ,
“We ndũa ya Sitoni ĩla ĩilyĩ ta mwĩĩtu ũthĩnaw'a,
ndũkatana ĩngĩ.
O na wainganĩsya ũthi Saivulasi,
o nakw'o ndũkona ũthũmũo.”
13Andũ ma Mbavilonĩ nĩmo matumie ndũa ya Tile ĩtw'ĩka vandũ va kwĩkala nyamũ sya kĩthekanĩ na ti Asuli. Nĩmaseũvisye ngasi ndũlu sya kũvithũkĩa ndũa ĩsu, na nĩmo mavĩvisye nyũmba ya kĩ-ũsumbĩ ya Tile na mamyananga vyũ.
14Ĩai inyw'ĩ meli sya Talisisi,
nĩkwĩthĩwa mwako mũlũmu ũla mwĩkwatasya nĩ mwanange!
15Ĩvindanĩ yĩu, ndũa ya Tile ĩkoola vandũ va myaka mĩongo mũonza; ĩvinda yĩana ya thayũ wa mũsumbĩ. Myaka ĩsu mĩongo mũonza yathela, Tile ĩkeethĩwa ĩilyĩ ũndũ wathi ũũ andũ mainaa ĩũlũ wa ĩlwaya ũkwasya:
16“We ĩlwaya wũlĩte,
osa ngitaa yaku nene,
ũkathyũlũlũke ndũanĩ!
Ina mbathi syĩ mũyo,
ina mbathi mbingĩ,
nĩ kana ũlilikanawe.”
17Ĩtina wa myaka mĩongo mũonza, Mwĩai Ngai akaeka Tile ĩsyokee ũtandĩthya wayo. Ndũa ĩsu ĩkeethĩwa ĩilyĩ ta ĩlwaya yĩla yĩthooasya mwĩĩ wayo kwa andũ ma mosumbĩ onthe ĩũlũ wa nthĩ. 18Syĩndũ syayo sya kũtandĩthya, na kĩla yĩtuvawa ikavathwa kwondũ wa Mwĩai Ngai. Mbesa isu iikaiwa ĩndĩ ikatũmĩwa kũthooea andũ ala mathaithaa Mwĩai Ngai lĩu mwingĩ na ngũa nzeo.
Mwĩai Ngai Akasilĩla Nthĩ
Currently Selected:
Ĩsa 23: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 23
23
Kũminwa kwa Tile na Sitoni
1 #
Esek 26.1—28.19; Yoe 3.4-8; Amo 1.9-10; Nzek 9.1-4; Mat 11.21-22; Lk 10.13-14 Ii nĩ ndeto ngito ila Ngai waneenie ĩũlũ wa Tile:
Ĩai inyw'ĩ meli sya Talisisi,
nĩkwĩthĩwa Tile nĩ mbanange,
ndĩ na nyũmba kana vandũ va kũũngama meli!
Mumĩte nthĩ ya Saivulasi mũkatavw'a ũvoo ũsu.
2Inyw'ĩ ala mũtwĩe ũtee wa ũkanga vindyai,
vindyai inyw'ĩ atandĩthya ma Sitoni,
inyw'ĩ ala mũthuĩtw'e nĩ andũ ala maendelaa ũkanganĩ.
3Lĩu wa ngetha ya mbaa mbeke kuma Misili,#23.3 Misili: Maandĩko Matheu kĩthyomonĩ kya Kĩevelania maĩtye Sioli, ũla nĩ ũvonge wa Ũsĩ wa Naeli. nĩwaetawe kwĩsĩla mokanganĩ manene;
ngetha kuma ũsĩnĩ wa Naeli nĩyo yaeteae Tile ũtandĩthyo,
na Tile yatw'ĩka vandũ vala andũ ma nthĩ syonthe maendaa kũthooa syĩndũ.
4Ĩw'a nthoni we Sitoni,
ndũa ndũmu yĩ ũtee wa ũkanga!
Nĩkwĩthĩwa ũkanga wĩasya atĩĩ,
“Yu ndi na syana; ndi na syana sya anake kana eĩtu.”
5Yĩla ũvoo wĩvika Misili,
andũ ma Misili makakwatwa nĩ kyeva,
nũndũ wa ũvoo ũla meĩw'a ĩũlũ wa Tile.
6Kĩlanĩlyai mũthi Talisisi,
ĩai inyw'ĩ ala mũtũaa ũtee wa ũkanga!
7Nĩkũlya, ĩno nĩyo ndũa yenyu ya Tile ĩla yĩ ũtanu,
ĩla yaakiwe tene mũno,
ĩla andũ mayo maendie kũtũa nthĩ syĩ kũasa?
8Nũũ ũla wavangĩie Tile maũndũ aa,
ndũa ĩla yanenganae ngovia sya kĩ-ũsumbĩ,
ĩla atandĩthya mayo maĩ atongoi,
na ĩla andũ mayo ala mathooasya syĩndũ manengetwe ndaĩa ĩũlũ wa nthĩ?
9Mwĩai Ngai Mwene Ũtonyi W'onthe nĩwe wamĩvangĩie ũu!
Eekie ũu nĩ kana anange ngathĩĩo syoo syonthe,
na kwĩkĩĩthya nthoni onthe ala manengetwe ndaĩa ĩũlũ wa nthĩ.
10Inyw'ĩ andũ ma Talisisi,
ĩmai nthĩ yenyu ta nthĩ ĩla yĩ ũtee wa Ũsĩ wa Naeli,
nĩkwĩthĩwa yu mũi na vandũ va kũũngamya meli ĩngĩ.
11Mwĩai Ngai nũtambũũkĩtye kw'oko kwake ĩũlũ wa ũkanga,
nũtumĩte mosumbĩ matetema,
Mwĩai Ngai nĩwĩaĩte kũndũ kũlũmu kwa Kanaani kwanangwe.
12Aneenie asya atĩĩ,
“We ndũa ya Sitoni ĩla ĩilyĩ ta mwĩĩtu ũthĩnaw'a,
ndũkatana ĩngĩ.
O na wainganĩsya ũthi Saivulasi,
o nakw'o ndũkona ũthũmũo.”
13Andũ ma Mbavilonĩ nĩmo matumie ndũa ya Tile ĩtw'ĩka vandũ va kwĩkala nyamũ sya kĩthekanĩ na ti Asuli. Nĩmaseũvisye ngasi ndũlu sya kũvithũkĩa ndũa ĩsu, na nĩmo mavĩvisye nyũmba ya kĩ-ũsumbĩ ya Tile na mamyananga vyũ.
14Ĩai inyw'ĩ meli sya Talisisi,
nĩkwĩthĩwa mwako mũlũmu ũla mwĩkwatasya nĩ mwanange!
15Ĩvindanĩ yĩu, ndũa ya Tile ĩkoola vandũ va myaka mĩongo mũonza; ĩvinda yĩana ya thayũ wa mũsumbĩ. Myaka ĩsu mĩongo mũonza yathela, Tile ĩkeethĩwa ĩilyĩ ũndũ wathi ũũ andũ mainaa ĩũlũ wa ĩlwaya ũkwasya:
16“We ĩlwaya wũlĩte,
osa ngitaa yaku nene,
ũkathyũlũlũke ndũanĩ!
Ina mbathi syĩ mũyo,
ina mbathi mbingĩ,
nĩ kana ũlilikanawe.”
17Ĩtina wa myaka mĩongo mũonza, Mwĩai Ngai akaeka Tile ĩsyokee ũtandĩthya wayo. Ndũa ĩsu ĩkeethĩwa ĩilyĩ ta ĩlwaya yĩla yĩthooasya mwĩĩ wayo kwa andũ ma mosumbĩ onthe ĩũlũ wa nthĩ. 18Syĩndũ syayo sya kũtandĩthya, na kĩla yĩtuvawa ikavathwa kwondũ wa Mwĩai Ngai. Mbesa isu iikaiwa ĩndĩ ikatũmĩwa kũthooea andũ ala mathaithaa Mwĩai Ngai lĩu mwingĩ na ngũa nzeo.
Mwĩai Ngai Akasilĩla Nthĩ
BIBLE SOCIETY OF KENYA © 2011