Ĩsa 24
24
1Mwĩai Ngai akaananga nthĩ na kũtuma yĩthĩwa yĩ nthei,
akamĩkulumany'a na kũnyaĩĩkya ala matwĩe ĩũlũ wayo.
2Kĩla mũndũ akakwatwa nĩ maũndũ mailyĩ o ta ma ũla ũngĩ;
maũndũ ala mekwata mũthembi, nomo mekwata ũla ũte mũthembi;
ala mekwata ngombo, nomo mekwata mũnene wayo;
ala mekwata mũndũ mũka mũthũkũmi, nomo mekwata mũndũ mũka ũla ũmũandĩkĩte;
ala mekwata mũthooi, nomo mekwata mũthoosya;
ala mekwata ũla ũkũkova, nomo mekwata ũla ũkũkovethya;
na ala mekwata ũla ũtaĩte ũngĩ kĩndũ, nomo mekwata ũla ũtaĩtwe.
3Nthĩ ĩkaanangwa vyũ na kũminwa,
nĩkwĩthĩwa Mwĩai Ngai nũneenete ũu.
4Nthĩ nĩkũnyiaa na ĩyũma,
nthĩ yonthe nĩkũthĩnĩka na ĩyũma;
ĩtu vamwe na nthĩ nikũthĩnĩka.
5Andũ nĩmavukĩtye nthĩ,
nũndũ nĩmatũlĩte mĩao ya Ngai,
nĩmaleete kũatĩĩa motw'ĩo make,
na makananga ũtianĩo wa tene na tene.
6Kwondũ wa ũu kĩumo nĩkĩũmina nthĩ,
ala mamĩtũaa methĩna nũndũ wa mavĩtyo moo.
Ala mamĩtũaa nĩmaolekete,
vatialĩte o andũ anini.
7Mĩsavivũ nĩkũvova,
na ndivai nzaũ nĩnyivĩte;
onthe ala maneethĩawa na ũtanu yu me na kyeva.
8Wasya wa ũtanu wa ndambulĩnĩ nũvindĩthĩtw'e,
kũlonzany'a kwa ala mekũtana nĩkũthelete,
na wasya wa ũtanu wa ngitaa nini nũthelete.
9Andũ maikasyoka kũnyw'a ndivai ĩngĩ na mayina;
kĩla kĩmilaa yu nĩkĩmeetye wũũ kwa ala makĩnyusaa.
10Ndũa yĩ kĩthokoo ĩtiĩtwe yĩ nthei,
kĩla nyũmba nĩ mbinge ndĩkalike mũndũ.
11Andũ mekayany'a nzĩanĩ sya ndũa nũndũ ndivai nĩ nthelu;
ũtanu w'onthe nĩ mũthelu,
kwĩw'a mũyo nĩkũthelete ĩũlũ wa nthĩ.
12Ndũa ĩtiĩtwe yĩ mbanange,
mĩvĩa ya yo nĩ ndũlange ilungu.
13O tondũ vatialaa matunda manini ma mũthata yĩla wakũnangwa,
kana o tondũ nzavivũ nini itialaa ĩtina wa ngetha ya nzavivũ,
now'o kũkethĩwa kũilyĩ ĩũlũ wa nthĩ,
no andũ anini makatiala me thayũ.
14Ala makatiala makookĩlya mawasya moo,
makaina na ũtanu.
Kuma ngalĩko ya ũthũĩlonĩ wa syũa,
makatavany'a ũnene wa Mwĩai Ngai.
15Kwoou andũ ma ngalĩko ya wumĩlonĩ wa syũa, kumyai Mwĩai Ngai.
Andũ ala me isionĩ ila syĩ ũtee wa ũkanga, taĩai Mwĩai Ngai, Ngai wa Ĩsilaeli.
16Kuma kũla nthĩ ĩthelele twĩĩw'a mbathi sya kũtaĩa,
sya kũkumya Ũla Mũlũngalu.
Ĩndĩ nyie nĩasya, “Nĩngũthela, nĩngũthela.
Kyeva nĩ kwakwa!
Ala nzeleke nĩmekĩte maũndũ ma ũseleke!
Ũseleke woo nĩ mwingĩ mũno!”
17Inyw'ĩ ala mũtũaa ĩũlũ wa nthĩ,
mweteeletwe nĩ motĩsyo, ĩima na kĩtei!
18Ũla wĩsemba akĩĩte wasya wa motĩsyo,
akavalũka ĩimanĩ,
na ũla wĩuma ĩimanĩ,
akakwatw'a nĩ kĩtei.
Nĩkwĩthĩwa ĩtu nĩ ĩvingũe yusye mbua,
na myambĩlĩĩlyo ya nthĩ nĩkũtetema.
19Nthĩ nĩ ndũlĩkangu vyũ,
nthĩ nĩ mbatũkangu ilungu,
nthĩ nĩ nthingithangye na vinya mũnene.
20Nthĩ yĩlũa ta mũthengi,
yĩthingithanga ta kasũmba ke kũuutanĩwa nĩ kĩseve,
ĩitavĩwe nĩ mavĩtyo mayo,
nĩkũvalũka na ndĩkokĩla ĩngĩ.
21Mũthenya ũsu, Mwĩai Ngai akakany'a mavinya ala me ĩũlũ ĩtunĩ,
na asumbĩ ala me ĩũlũ wa nthĩ.
22Makoombanw'a vamwe ta andũ ove me ĩimanĩ;
makavingĩwa yela,
na ĩtina wa mĩthenya mingĩ makakanw'a.
23Nĩvo ĩndĩ mwei ũkavũavũana,
na syũa yĩkakwatwa nĩ nthoni,
nĩkwĩthĩwa Mwĩai Ngai Mwene Ũtonyi W'onthe akasumbĩka e Yelũsalemu Kĩĩmanĩ kya Saioni;
akoony'a atongoi ma andũ make ũkumyo wake.
Currently Selected:
Ĩsa 24: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 24
24
1Mwĩai Ngai akaananga nthĩ na kũtuma yĩthĩwa yĩ nthei,
akamĩkulumany'a na kũnyaĩĩkya ala matwĩe ĩũlũ wayo.
2Kĩla mũndũ akakwatwa nĩ maũndũ mailyĩ o ta ma ũla ũngĩ;
maũndũ ala mekwata mũthembi, nomo mekwata ũla ũte mũthembi;
ala mekwata ngombo, nomo mekwata mũnene wayo;
ala mekwata mũndũ mũka mũthũkũmi, nomo mekwata mũndũ mũka ũla ũmũandĩkĩte;
ala mekwata mũthooi, nomo mekwata mũthoosya;
ala mekwata ũla ũkũkova, nomo mekwata ũla ũkũkovethya;
na ala mekwata ũla ũtaĩte ũngĩ kĩndũ, nomo mekwata ũla ũtaĩtwe.
3Nthĩ ĩkaanangwa vyũ na kũminwa,
nĩkwĩthĩwa Mwĩai Ngai nũneenete ũu.
4Nthĩ nĩkũnyiaa na ĩyũma,
nthĩ yonthe nĩkũthĩnĩka na ĩyũma;
ĩtu vamwe na nthĩ nikũthĩnĩka.
5Andũ nĩmavukĩtye nthĩ,
nũndũ nĩmatũlĩte mĩao ya Ngai,
nĩmaleete kũatĩĩa motw'ĩo make,
na makananga ũtianĩo wa tene na tene.
6Kwondũ wa ũu kĩumo nĩkĩũmina nthĩ,
ala mamĩtũaa methĩna nũndũ wa mavĩtyo moo.
Ala mamĩtũaa nĩmaolekete,
vatialĩte o andũ anini.
7Mĩsavivũ nĩkũvova,
na ndivai nzaũ nĩnyivĩte;
onthe ala maneethĩawa na ũtanu yu me na kyeva.
8Wasya wa ũtanu wa ndambulĩnĩ nũvindĩthĩtw'e,
kũlonzany'a kwa ala mekũtana nĩkũthelete,
na wasya wa ũtanu wa ngitaa nini nũthelete.
9Andũ maikasyoka kũnyw'a ndivai ĩngĩ na mayina;
kĩla kĩmilaa yu nĩkĩmeetye wũũ kwa ala makĩnyusaa.
10Ndũa yĩ kĩthokoo ĩtiĩtwe yĩ nthei,
kĩla nyũmba nĩ mbinge ndĩkalike mũndũ.
11Andũ mekayany'a nzĩanĩ sya ndũa nũndũ ndivai nĩ nthelu;
ũtanu w'onthe nĩ mũthelu,
kwĩw'a mũyo nĩkũthelete ĩũlũ wa nthĩ.
12Ndũa ĩtiĩtwe yĩ mbanange,
mĩvĩa ya yo nĩ ndũlange ilungu.
13O tondũ vatialaa matunda manini ma mũthata yĩla wakũnangwa,
kana o tondũ nzavivũ nini itialaa ĩtina wa ngetha ya nzavivũ,
now'o kũkethĩwa kũilyĩ ĩũlũ wa nthĩ,
no andũ anini makatiala me thayũ.
14Ala makatiala makookĩlya mawasya moo,
makaina na ũtanu.
Kuma ngalĩko ya ũthũĩlonĩ wa syũa,
makatavany'a ũnene wa Mwĩai Ngai.
15Kwoou andũ ma ngalĩko ya wumĩlonĩ wa syũa, kumyai Mwĩai Ngai.
Andũ ala me isionĩ ila syĩ ũtee wa ũkanga, taĩai Mwĩai Ngai, Ngai wa Ĩsilaeli.
16Kuma kũla nthĩ ĩthelele twĩĩw'a mbathi sya kũtaĩa,
sya kũkumya Ũla Mũlũngalu.
Ĩndĩ nyie nĩasya, “Nĩngũthela, nĩngũthela.
Kyeva nĩ kwakwa!
Ala nzeleke nĩmekĩte maũndũ ma ũseleke!
Ũseleke woo nĩ mwingĩ mũno!”
17Inyw'ĩ ala mũtũaa ĩũlũ wa nthĩ,
mweteeletwe nĩ motĩsyo, ĩima na kĩtei!
18Ũla wĩsemba akĩĩte wasya wa motĩsyo,
akavalũka ĩimanĩ,
na ũla wĩuma ĩimanĩ,
akakwatw'a nĩ kĩtei.
Nĩkwĩthĩwa ĩtu nĩ ĩvingũe yusye mbua,
na myambĩlĩĩlyo ya nthĩ nĩkũtetema.
19Nthĩ nĩ ndũlĩkangu vyũ,
nthĩ nĩ mbatũkangu ilungu,
nthĩ nĩ nthingithangye na vinya mũnene.
20Nthĩ yĩlũa ta mũthengi,
yĩthingithanga ta kasũmba ke kũuutanĩwa nĩ kĩseve,
ĩitavĩwe nĩ mavĩtyo mayo,
nĩkũvalũka na ndĩkokĩla ĩngĩ.
21Mũthenya ũsu, Mwĩai Ngai akakany'a mavinya ala me ĩũlũ ĩtunĩ,
na asumbĩ ala me ĩũlũ wa nthĩ.
22Makoombanw'a vamwe ta andũ ove me ĩimanĩ;
makavingĩwa yela,
na ĩtina wa mĩthenya mingĩ makakanw'a.
23Nĩvo ĩndĩ mwei ũkavũavũana,
na syũa yĩkakwatwa nĩ nthoni,
nĩkwĩthĩwa Mwĩai Ngai Mwene Ũtonyi W'onthe akasumbĩka e Yelũsalemu Kĩĩmanĩ kya Saioni;
akoony'a atongoi ma andũ make ũkumyo wake.
BIBLE SOCIETY OF KENYA © 2011