Ĩsa 22
22
Wathani ĩũlũ wa Yelũsalemu
1Ii nĩ ndeto ngito ila Ngai waneenie ĩũlũ wa Mwanda wa Woni:
Nĩ kyaũ kĩla kĩendee?
Andũ onthe malĩsĩte nyũmba ĩũlũ nĩkĩ?
2Nĩkĩ mũkũlonzany'a na ũtanu,
inyw'ĩ andũ ma ndũa yĩ kĩthokoo, ndũa yĩ ũtanu?
Andũ maku ala akw'ũ mayaaũawa na ũvyũ,
o na mayaaũaĩwa kaũnĩ.
3Atongoi menyu onthe nĩmakĩĩte me vamwe,
makwatiwe vate kũtũmĩwa ũta.
Ĩnyw'onthe ala mweethĩiwe nĩmwakwatiwe,
o na vala mwakĩie amaitha menyu me o kũasa.
4Kwondũ wa ũu naneenie nasya atĩĩ,
“Ekanai nakwa,
ekai nĩĩe kĩĩo kĩ woo;
mũikanoe mũingiakisya,
nũndũ wa wanangĩko ũla ũkwatĩte andũ makwa.”
5Nĩkwĩthĩwa Mwĩai Ngai Mũsumbĩ Mwene Ũtonyi W'onthe,
nũtũeteete mũthenya wa mathĩna,
wa kĩthokoo, wa kũkinyangana na wa kũvũavũana Mwandanĩ wa Woni.
Mũthenya wa kũomboangwa kwa ngũta sya ndũa,
na kũkaya kwa andũ kwĩĩw'ĩka iĩmanĩ.
6Asikalĩ ma Elamu makuĩte mbũta na maangi,
me na makasya ma kaũ na angĩ makalĩsa mbalasinĩ,
namo asikalĩ ma Kili makwete ngao syoo.
7We Yelũsalemu myanda yaku ĩla mĩseo yausũĩte makasya ma kaũ,
na asikalĩ malĩsĩte mbalasinĩ maũngamĩte mĩvĩanĩ ya ndũa.
8Yuta yatiiwe ĩte na kĩndũ kya kũmĩsũvĩa. Mũthenya ũsu mweekwatasya mĩio ya kaũ ĩla yaiĩtwe Nyũmbanĩ yĩ Mũtitũnĩ. 9Nĩmwoonie kana kũndũ kũvũthũku kwa Ndũa ya Ndeviti kwaĩ kwingĩ, na mweekĩa kĩw'ũ Ndianĩ ya Ĩtheo. 10Nĩmwatalile nyũmba sya ndũa ya Yelũsalemu, na mwaiomboa mũkwate mavia ma kũlũlũmĩĩlya ũkũta wa ndũa ĩsu. 11Nĩmwaakie vandũ va kwĩkĩa kĩw'ũ katĩkatĩ wa ngũta ilĩ nĩ kana mwĩkĩe kĩw'ũ kuma Ndianĩ ĩla ya Tene. Ĩndĩ mũyaamwĩkwatya Ngai ũla weekie ũu, kana kũmũtaĩa ũla wavangie maũndũ asu kuma tene.
12Mũthenya ũsu, Mwĩai Ngai Mũsumbĩ Mwene Ũtonyi W'onthe,
endaa mũĩe na kwĩthĩwa na kyeva,
mwenze nzw'ĩĩ na kwĩkĩa ngũa ngaamu sya makunia.
13 #
1Ako 15.32
Ĩndĩ inyw'ĩ, nĩmwatanie na mweew'a mũyo,
nĩmwathĩnzie ng'ombe na mwooaa malondu,
mwaya nyama na mwanyw'a ndivai.
Mwaneenaa mũkasya atĩĩ,
“Ekai tũye na tũinyw'a,
nĩkwĩthĩwa ũnĩ tũkakw'a.”
14Mwĩai Ngai Mwene Ũtonyi W'onthe ambuanĩisye maũndũ aa ayasya atĩĩ:
“Kwa w'o mũikaekewa ĩvĩtyo yĩĩ nginya mũkw'e.
Nĩasya ũu nyie Mwĩai Ngai Mũsumbĩ Mwene Ũtonyi W'onthe.”
Ngai Aikany'a Sevina
15Mwĩai Ngai Mũsumbĩ Mwene Ũtonyi W'onthe nĩwambĩie atĩĩ, “Ũka, enda kwa Sevina, mũũngamĩi wa mũsyĩ wa kĩ-ũsumbĩ ũkamwĩe atĩĩ, 16‘Wĩĩka ata vaa na nũũ ũla ũkũnengie mwanya wĩseũvĩsye mbũa kĩĩmanĩ ĩũlũ? Ĩĩ, wĩseũvĩsye ĩvianĩ wĩkalo ũla wĩĩkala wakw'a? 17We mũndũ wĩ vinya, Mwĩai Ngai akakwĩkya ĩtheka na vinya. Akakũkwata akũlũmye, 18na aikũvyũlya na kũkwĩkya ta mũvĩla ũkavalũke vandũ nthĩ nene. Ũkakw'ĩĩa vau ve makasya maku ma kaũ ala wĩkathĩĩaa namo, we ũla ũetae nthoni nyũmbanĩ ya mũnene waku! 19Mwĩai Ngai akakũtheesya akumye ũnenenĩ waku.
20“ ‘Mũthenya ũsu, akeeta mũthũkũmi wake Eliakimu mwana wa Ilikia. 21Akamwĩkĩa ngũa yaku ndaasa na aimwova kĩnyunyunĩ na mũsivi waku, na kũmũnenga ũnene waku. Eliakimu akatw'ĩka ĩthe wa andũ ma Yelũsalemu na andũ ma Yuta. 22#Ũvu 3.7 Mwĩai Ngai akamũnenga ũvungũo wa nyũmba ya Ndeviti. Avingũa vai mũndũ ũkavinga, na avinga vai mũndũ ũkavingũa. 23Akamũlũlũmĩĩlya Eliakimu ta kyambo kĩnzĩlĩtwe vandũ valũmu, nake akatuma andũ ma mũsyĩ wa ĩthe wake manengwa ndaĩa.
24“ ‘Andũ onthe ma mũsyĩ wake, syana na andũ aima makamwĩkwatya ũndũ mĩio yonthe ya nyũmba ĩkolelaw'a kyambonĩ. 25Mwĩai Ngai Mwene Ũtonyi W'onthe easya kana mũthenya ũmwe, o tondũ kyambo kĩla kĩthĩawa kĩnzĩlĩtwe vandũ kĩkalũma kĩleelaw'a nĩ ũito na kĩikũka, now'o nake Eliakimu wĩasya ndaĩa yake, na andũ onthe ma mũsyĩ wake maitiwa mate na wa kũmatethya.’ Nĩasya ũu nyie Mwĩai Ngai.”
Currently Selected:
Ĩsa 22: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 22
22
Wathani ĩũlũ wa Yelũsalemu
1Ii nĩ ndeto ngito ila Ngai waneenie ĩũlũ wa Mwanda wa Woni:
Nĩ kyaũ kĩla kĩendee?
Andũ onthe malĩsĩte nyũmba ĩũlũ nĩkĩ?
2Nĩkĩ mũkũlonzany'a na ũtanu,
inyw'ĩ andũ ma ndũa yĩ kĩthokoo, ndũa yĩ ũtanu?
Andũ maku ala akw'ũ mayaaũawa na ũvyũ,
o na mayaaũaĩwa kaũnĩ.
3Atongoi menyu onthe nĩmakĩĩte me vamwe,
makwatiwe vate kũtũmĩwa ũta.
Ĩnyw'onthe ala mweethĩiwe nĩmwakwatiwe,
o na vala mwakĩie amaitha menyu me o kũasa.
4Kwondũ wa ũu naneenie nasya atĩĩ,
“Ekanai nakwa,
ekai nĩĩe kĩĩo kĩ woo;
mũikanoe mũingiakisya,
nũndũ wa wanangĩko ũla ũkwatĩte andũ makwa.”
5Nĩkwĩthĩwa Mwĩai Ngai Mũsumbĩ Mwene Ũtonyi W'onthe,
nũtũeteete mũthenya wa mathĩna,
wa kĩthokoo, wa kũkinyangana na wa kũvũavũana Mwandanĩ wa Woni.
Mũthenya wa kũomboangwa kwa ngũta sya ndũa,
na kũkaya kwa andũ kwĩĩw'ĩka iĩmanĩ.
6Asikalĩ ma Elamu makuĩte mbũta na maangi,
me na makasya ma kaũ na angĩ makalĩsa mbalasinĩ,
namo asikalĩ ma Kili makwete ngao syoo.
7We Yelũsalemu myanda yaku ĩla mĩseo yausũĩte makasya ma kaũ,
na asikalĩ malĩsĩte mbalasinĩ maũngamĩte mĩvĩanĩ ya ndũa.
8Yuta yatiiwe ĩte na kĩndũ kya kũmĩsũvĩa. Mũthenya ũsu mweekwatasya mĩio ya kaũ ĩla yaiĩtwe Nyũmbanĩ yĩ Mũtitũnĩ. 9Nĩmwoonie kana kũndũ kũvũthũku kwa Ndũa ya Ndeviti kwaĩ kwingĩ, na mweekĩa kĩw'ũ Ndianĩ ya Ĩtheo. 10Nĩmwatalile nyũmba sya ndũa ya Yelũsalemu, na mwaiomboa mũkwate mavia ma kũlũlũmĩĩlya ũkũta wa ndũa ĩsu. 11Nĩmwaakie vandũ va kwĩkĩa kĩw'ũ katĩkatĩ wa ngũta ilĩ nĩ kana mwĩkĩe kĩw'ũ kuma Ndianĩ ĩla ya Tene. Ĩndĩ mũyaamwĩkwatya Ngai ũla weekie ũu, kana kũmũtaĩa ũla wavangie maũndũ asu kuma tene.
12Mũthenya ũsu, Mwĩai Ngai Mũsumbĩ Mwene Ũtonyi W'onthe,
endaa mũĩe na kwĩthĩwa na kyeva,
mwenze nzw'ĩĩ na kwĩkĩa ngũa ngaamu sya makunia.
13 #
1Ako 15.32
Ĩndĩ inyw'ĩ, nĩmwatanie na mweew'a mũyo,
nĩmwathĩnzie ng'ombe na mwooaa malondu,
mwaya nyama na mwanyw'a ndivai.
Mwaneenaa mũkasya atĩĩ,
“Ekai tũye na tũinyw'a,
nĩkwĩthĩwa ũnĩ tũkakw'a.”
14Mwĩai Ngai Mwene Ũtonyi W'onthe ambuanĩisye maũndũ aa ayasya atĩĩ:
“Kwa w'o mũikaekewa ĩvĩtyo yĩĩ nginya mũkw'e.
Nĩasya ũu nyie Mwĩai Ngai Mũsumbĩ Mwene Ũtonyi W'onthe.”
Ngai Aikany'a Sevina
15Mwĩai Ngai Mũsumbĩ Mwene Ũtonyi W'onthe nĩwambĩie atĩĩ, “Ũka, enda kwa Sevina, mũũngamĩi wa mũsyĩ wa kĩ-ũsumbĩ ũkamwĩe atĩĩ, 16‘Wĩĩka ata vaa na nũũ ũla ũkũnengie mwanya wĩseũvĩsye mbũa kĩĩmanĩ ĩũlũ? Ĩĩ, wĩseũvĩsye ĩvianĩ wĩkalo ũla wĩĩkala wakw'a? 17We mũndũ wĩ vinya, Mwĩai Ngai akakwĩkya ĩtheka na vinya. Akakũkwata akũlũmye, 18na aikũvyũlya na kũkwĩkya ta mũvĩla ũkavalũke vandũ nthĩ nene. Ũkakw'ĩĩa vau ve makasya maku ma kaũ ala wĩkathĩĩaa namo, we ũla ũetae nthoni nyũmbanĩ ya mũnene waku! 19Mwĩai Ngai akakũtheesya akumye ũnenenĩ waku.
20“ ‘Mũthenya ũsu, akeeta mũthũkũmi wake Eliakimu mwana wa Ilikia. 21Akamwĩkĩa ngũa yaku ndaasa na aimwova kĩnyunyunĩ na mũsivi waku, na kũmũnenga ũnene waku. Eliakimu akatw'ĩka ĩthe wa andũ ma Yelũsalemu na andũ ma Yuta. 22#Ũvu 3.7 Mwĩai Ngai akamũnenga ũvungũo wa nyũmba ya Ndeviti. Avingũa vai mũndũ ũkavinga, na avinga vai mũndũ ũkavingũa. 23Akamũlũlũmĩĩlya Eliakimu ta kyambo kĩnzĩlĩtwe vandũ valũmu, nake akatuma andũ ma mũsyĩ wa ĩthe wake manengwa ndaĩa.
24“ ‘Andũ onthe ma mũsyĩ wake, syana na andũ aima makamwĩkwatya ũndũ mĩio yonthe ya nyũmba ĩkolelaw'a kyambonĩ. 25Mwĩai Ngai Mwene Ũtonyi W'onthe easya kana mũthenya ũmwe, o tondũ kyambo kĩla kĩthĩawa kĩnzĩlĩtwe vandũ kĩkalũma kĩleelaw'a nĩ ũito na kĩikũka, now'o nake Eliakimu wĩasya ndaĩa yake, na andũ onthe ma mũsyĩ wake maitiwa mate na wa kũmatethya.’ Nĩasya ũu nyie Mwĩai Ngai.”
BIBLE SOCIETY OF KENYA © 2011