Ĩsa 21
21
Woni wa Kũvalũka kwa Mbavilonĩ
1Ii nĩ ndeto ngito ila Ngai waneenie ĩũlũ wa weũ ũla wĩ ũtee wa ũkanga:
O tondũ ilingi ivĩtĩlaa weũnĩ ũla wĩ ngalĩko ya ĩtheo ũla wĩtawa Nengevu,
amaitha makooka kuma weũnĩ,
kuma nthĩ ya kũtĩsya.
2Nyie nĩnonetw'e woni wa kũtĩsya:
Mũvenani nũvenanaa,
na mwanangi nĩwanangaa.
We Elamu ambata,
we Metia ĩlingĩle ndũa sya Mbavilonĩ ũivithũkĩe!
Nĩngũmina mathĩna onthe ala Mbavilonĩ ĩetete.
3Nũndũ wa woni ũsu, nĩngwatĩtwe nĩ w'ĩa mwingĩ,
nĩngwatĩtwe nĩ woo mwingĩ,
ta wa mũndũ mũka ũkwaũnya.
Nĩngwalw'a ũkethĩa nditonya kwĩw'a,
na nĩnĩtelemete ũkethĩa nditonya kwona.
4Ngoo yakwa nĩkũkũna,
nĩngwatĩtwe nĩ w'ĩa.
Nĩnendaa ũmololi wũke,
ĩndĩ wavika ũitw'ĩka wa kũndelemya.
5Nĩmaseũvĩtye mboka,
na makalanĩlya aeni mĩkeka,
nĩmekũya na kũnyw'a.
Ĩndĩ kwa kĩthũlũmũko wasya ũyĩw'ĩka:
“Ũkĩlai inyw'ĩ atongoi!
Ũmbany'ai ngao syenyu!”
6Mwĩai Ngai ambĩie atĩĩ,
“Enda ũkaie mũndũ wa kũsyaĩĩsya,
mwĩe nĩatavany'e kĩla ũkwona.
7Oona andũ malĩsĩte mbalasinĩ mokĩte elĩ kwa elĩ,
na andũ malĩsĩte mang'oinĩ kana malĩsĩte ngamĩlenĩ,
nĩethukĩĩsye nesa, ĩĩ, nesa vyũ.”
8Nĩvo ĩndĩ ũla mũsyaĩĩsya waneenie na wasya mũnene asya atĩĩ,
“Mwĩai, kĩla mũthenya nĩũngamaa kĩtaanĩ kya kũsyaĩĩsya,
nzyaĩĩasya ũtukũ mũima nĩ kĩtaanĩ kĩu.
9 #
Ũvu 14.8; 18.2 Sisya nĩvokĩte andũ malĩsĩte mbalasinĩ,
mokĩte elĩ kwa elĩ!
Measya atĩĩ,
‘Nĩ mbalũku! Mbavilonĩ nĩ mbalũku!
Mĩvw'anano yonthe ya ngai syayo,
ĩvalũkĩte nthĩ yĩ ndilĩkangu.’ ”
10Andũ makwa Ĩsilaeli,
inyw'ĩ ala mũvũĩtwe ta ngetha ya mbaa mbeke,
yu nĩnamũtavya maũndũ ala neewie,
kuma kwa Mwĩai Ngai Mwene Ũtonyi W'onthe, Ngai wa Ĩsilaeli.
Wathani Mũthũku ĩũlũ wa Etomu
11Ii nĩ ndeto ngito ila Ngai waneenie ĩũlũ wa Etomu:#21.11 Etomu: Kana Nduma.
Nĩĩw'a mũndũ aimbĩta kuma Seili aingũlya atĩĩ,
“Mũsyaĩĩsya, ũtukũ ũvikĩte va?
Mũsyaĩĩsya, ũtukũ ũvikĩte va?”
12Mũsyaĩĩsya esũngĩa akasya atĩĩ,
“Kĩoko nĩkyũkĩte na o ta ũu ũtukũ nĩwũkĩte.
Wenda kũkũlya ĩngĩ, ũka ũkũlye.”
Wathani Mũthũku ĩũlũ wa Alavia
13Ii nĩ ndeto ngito ila Ngai waneenie ĩũlũ wa Alavia:
Inyw'ĩ aendi ma kyalo ma nzyawa sya Ndetani,
mũkamba maeema menyu weũnĩ wa Alavia.
14Inyw'ĩ ala mũtũaa nthĩ ya Tema,
twaĩai ala me na waũni kĩw'ũ;
na mũitwaĩa lĩu andũ ala makĩĩte kuma nthĩ yoo.
15Nũndũ makĩĩte mbyũ ikũĩtwe ndoonĩ,
na mbũta ikootetwe iathe,
na kuma kaũnĩ mũvyũ.
16Mwĩai ambĩie atĩĩ, “Ĩtina wa mwaka ũmwe ki, ũtalĩtwe ũndũ mũthũkũmi ũtalaa mĩthenya yake, ndaĩa yonthe ya Ketali ĩkathela. 17No ngũmbaũ nini sya andũ ma Ketali ila syũkitaa iitũmĩa ũta syĩtiala. Nĩasya ũu nyie Mwĩai Ngai, Ngai wa Ĩsilaeli.”
Currently Selected:
Ĩsa 21: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 21
21
Woni wa Kũvalũka kwa Mbavilonĩ
1Ii nĩ ndeto ngito ila Ngai waneenie ĩũlũ wa weũ ũla wĩ ũtee wa ũkanga:
O tondũ ilingi ivĩtĩlaa weũnĩ ũla wĩ ngalĩko ya ĩtheo ũla wĩtawa Nengevu,
amaitha makooka kuma weũnĩ,
kuma nthĩ ya kũtĩsya.
2Nyie nĩnonetw'e woni wa kũtĩsya:
Mũvenani nũvenanaa,
na mwanangi nĩwanangaa.
We Elamu ambata,
we Metia ĩlingĩle ndũa sya Mbavilonĩ ũivithũkĩe!
Nĩngũmina mathĩna onthe ala Mbavilonĩ ĩetete.
3Nũndũ wa woni ũsu, nĩngwatĩtwe nĩ w'ĩa mwingĩ,
nĩngwatĩtwe nĩ woo mwingĩ,
ta wa mũndũ mũka ũkwaũnya.
Nĩngwalw'a ũkethĩa nditonya kwĩw'a,
na nĩnĩtelemete ũkethĩa nditonya kwona.
4Ngoo yakwa nĩkũkũna,
nĩngwatĩtwe nĩ w'ĩa.
Nĩnendaa ũmololi wũke,
ĩndĩ wavika ũitw'ĩka wa kũndelemya.
5Nĩmaseũvĩtye mboka,
na makalanĩlya aeni mĩkeka,
nĩmekũya na kũnyw'a.
Ĩndĩ kwa kĩthũlũmũko wasya ũyĩw'ĩka:
“Ũkĩlai inyw'ĩ atongoi!
Ũmbany'ai ngao syenyu!”
6Mwĩai Ngai ambĩie atĩĩ,
“Enda ũkaie mũndũ wa kũsyaĩĩsya,
mwĩe nĩatavany'e kĩla ũkwona.
7Oona andũ malĩsĩte mbalasinĩ mokĩte elĩ kwa elĩ,
na andũ malĩsĩte mang'oinĩ kana malĩsĩte ngamĩlenĩ,
nĩethukĩĩsye nesa, ĩĩ, nesa vyũ.”
8Nĩvo ĩndĩ ũla mũsyaĩĩsya waneenie na wasya mũnene asya atĩĩ,
“Mwĩai, kĩla mũthenya nĩũngamaa kĩtaanĩ kya kũsyaĩĩsya,
nzyaĩĩasya ũtukũ mũima nĩ kĩtaanĩ kĩu.
9 #
Ũvu 14.8; 18.2 Sisya nĩvokĩte andũ malĩsĩte mbalasinĩ,
mokĩte elĩ kwa elĩ!
Measya atĩĩ,
‘Nĩ mbalũku! Mbavilonĩ nĩ mbalũku!
Mĩvw'anano yonthe ya ngai syayo,
ĩvalũkĩte nthĩ yĩ ndilĩkangu.’ ”
10Andũ makwa Ĩsilaeli,
inyw'ĩ ala mũvũĩtwe ta ngetha ya mbaa mbeke,
yu nĩnamũtavya maũndũ ala neewie,
kuma kwa Mwĩai Ngai Mwene Ũtonyi W'onthe, Ngai wa Ĩsilaeli.
Wathani Mũthũku ĩũlũ wa Etomu
11Ii nĩ ndeto ngito ila Ngai waneenie ĩũlũ wa Etomu:#21.11 Etomu: Kana Nduma.
Nĩĩw'a mũndũ aimbĩta kuma Seili aingũlya atĩĩ,
“Mũsyaĩĩsya, ũtukũ ũvikĩte va?
Mũsyaĩĩsya, ũtukũ ũvikĩte va?”
12Mũsyaĩĩsya esũngĩa akasya atĩĩ,
“Kĩoko nĩkyũkĩte na o ta ũu ũtukũ nĩwũkĩte.
Wenda kũkũlya ĩngĩ, ũka ũkũlye.”
Wathani Mũthũku ĩũlũ wa Alavia
13Ii nĩ ndeto ngito ila Ngai waneenie ĩũlũ wa Alavia:
Inyw'ĩ aendi ma kyalo ma nzyawa sya Ndetani,
mũkamba maeema menyu weũnĩ wa Alavia.
14Inyw'ĩ ala mũtũaa nthĩ ya Tema,
twaĩai ala me na waũni kĩw'ũ;
na mũitwaĩa lĩu andũ ala makĩĩte kuma nthĩ yoo.
15Nũndũ makĩĩte mbyũ ikũĩtwe ndoonĩ,
na mbũta ikootetwe iathe,
na kuma kaũnĩ mũvyũ.
16Mwĩai ambĩie atĩĩ, “Ĩtina wa mwaka ũmwe ki, ũtalĩtwe ũndũ mũthũkũmi ũtalaa mĩthenya yake, ndaĩa yonthe ya Ketali ĩkathela. 17No ngũmbaũ nini sya andũ ma Ketali ila syũkitaa iitũmĩa ũta syĩtiala. Nĩasya ũu nyie Mwĩai Ngai, Ngai wa Ĩsilaeli.”
BIBLE SOCIETY OF KENYA © 2011