Mũta Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ĩvuku yĩĩ ya Mũtavany'a yĩna ndeto sya mawoni ma Mũtavany'a mũĩ, ũla wasũanĩie kwa ũliku ĩũlũ wa ũndũ thayũ wa mũndũ ũkuvĩvĩte. O ta ũu thayũ wa mũndũ nĩwĩthĩawa na syĩmbithĩ sya mũndũ kũlea kũnengwa kĩla kĩmwaĩlĩte na kũkw'a ngoo. Nĩvo ĩndĩ Mũtavany'a wasũanĩie asya atĩĩ, “Thayũ nĩ wa mana.” We ndaĩ atonya kwĩkuũa vyũ ũndũ Ngai ũthũkũmaa. Ngai nĩwe wĩ na ũtonyi ĩũlũ wa mũminũkĩlyo wa thayũ wa mũndũ. Ĩndĩ ũu wĩ o vo, Mũtavany'a nũkũtaa andũ matethasye wĩa na kĩthito, na kũtanĩaa ũndũ vatonyeka kĩla ĩvinda syĩndũ ila Ngai ũmanengete.
Mosũanĩo maingĩ ma Mũtavany'a ũsu mũĩ meoneka mate maĩlu, na ma kũaa andũ ngoo. Ĩndĩ kwĩthĩwa ĩvuku yĩĩ yĩ Mbivilianĩ, kwĩonany'a kana mũĩkĩĩo ũla wũkaa kumana na Maandĩko Matheu wĩ na mwanya wa kwĩtĩkĩlya maũndũ o ta aa, ma kwĩthĩwa na nzika kana kwona vate ũndũ mũseo o na ũmwe. Aingĩ nĩmakiakiaw'a nĩ kwona mathayũ moo mailyĩ ũndũ ĩvuku yĩĩ ya Mũtavany'a yĩwetete, na makamanya kana Maandĩko Matheu ala maeleetye ĩũlũ wa mosũanĩo asu o ta ũu nĩmanengete andũ kwĩthĩwa na wĩkwatyo nthĩnĩ wa Ngai. Wĩkwatyo ũsu wonanasya kana thayũ wa mũndũ wĩ vata mũno.
Maũndũ Ala me Ĩvukunĩ Yĩĩ
Kwĩthĩwa thayũ kwa mũndũ kwĩ vata mwaũ? 1.1—2.26
Maũndũ amwe ala maneenawa ĩũlũ wa thayũ wa mũndũ 3.1—11.8
Ũtao wa mũminũkĩlyo 11.9—12.8
Ndeto sya mũthya 12.9-14
Currently Selected:
Mũta Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011