2Mav Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ĩvuku ya Kelĩ ya Maũndũ ma Mavinda yambĩlĩĩlye vala Ĩvuku ya Mbee ya Maũndũ ma Mavinda yĩthelele. Yambĩĩe na ũvoo wa ũndũ Solomoni wasumbĩkie nginya yĩla wakwie. Ũvoo ũla ũatĩĩe nĩ ĩũlũ wa ũndũ mbaĩ sya Ĩsilaeli, ila syaĩ ngalĩko ya ĩũlũ, itongoew'e nĩ Yelovoamu syang'endeie Leovoamu mwana wa Solomoni, ũla wasumbĩkie ĩtina wake. Ĩtina wa ũvoo ũsu, kĩla kĩatĩĩe nĩ ũvoo ĩũlũ wa ũsumbĩ wa ngalĩko ya ĩtheo ũla weetawa Yuta. Ĩvuku yĩĩ yĩminĩe na ũvoo ĩũlũ wa kũsindwa kwa ndũa ya Yelũsalemu nĩ Mbavilonĩ, mwakanĩ wa maana atano na mĩongo nyanya na thanthatũ, mbee wa kũsyawa kwa Klĩsto.
Maũndũ ala me Ĩvukunĩ Yĩĩ
Kũsumbĩka kwa Solomoni 1.1—9.31
a. Myaka ya mbee 1.1-17
b. Ĩkalũ yĩyakwa 2.1—7.10
c. Myaka ya ĩtina 7.11—9.31
Mbaĩ sya ngalĩko ya ĩũlũ iing'enda 10.1-19
Asumbĩ ma Yuta 11.1—36.12
Kũsindwa kwa ndũa ya Yelũsalemu 36.13-23
Currently Selected:
2Mav Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011