1Mav 13

Ĩsandũkũ ya Ũtianĩo Yĩyumw'a Kiliathi-yealimu

(2Sam 6.1-11)

1Mũsumbĩ Ndeviti nĩwasũanĩie e vamwe na anene onthe ma asikalĩ, atongoi ma asikalĩ ngili na ma asikalĩ ĩana. 2Nĩvo ĩndĩ waneenie na andũ onthe ma Ĩsilaeli amea atĩĩ, “Ethĩwa nĩmũkwona wĩ ũseo, na ethĩwa nĩkw'o kwenda kwa Mwĩai Ngai, Ngai waitũ nĩtũtũmane kũndũ kw'onthe kũla kwĩ ana-a-ĩthe maitũ, isionĩ syonthe sya nthĩ ya Ĩsilaeli. O ta ũu nĩtũtũmane kũla kwĩ athembi na Alivai ala me vamwe namo, ndũanĩ syoo na isesinĩ syoo sya kũĩthya. Nĩtũmee moke tũmbanĩe vamwe. 3Nĩvo ĩndĩ tũũthi tũkose Ĩsandũkũ ya Ũtianĩo ya Ngai waitũ tũyĩete vala tũĩ, nũndũ tũyaasũanĩa ĩũlũ wayo yĩla Saũlo wasumbĩkĩte.” 4Andũ onthe ala moombanĩte vau nĩmeetĩkĩlile kwĩka ũu, nũndũ onthe nĩmendeeiw'e nĩ woni ũsu.

5 # 1Sam 7.1-2 Kwoou Ndeviti nĩwoombanisye andũ onthe ma Ĩsilaeli, kuma Ũsĩnĩ wa Sioli ũla wĩ Misili, nginya Ũlikĩlonĩ wa Amathi, nĩ kana makaete Ĩsandũkũ ya Ũtianĩo ya Ngai kuma Kiliathi-yealimu. 6#Kuma 25.22 Ndeviti e na andũ onthe ma Ĩsilaeli nĩmambatie ndũanĩ ya Mbaala, vala nĩvo Kiliathi-yealimu, ĩla yĩ kĩsionĩ kya nthĩ ya Yuta. Maendete makaete Ĩsandũkũ ya Ũtianĩo ya Ngai, yĩla yaĩ na ĩsyĩtwa ya Mwĩai Ngai, ũla ũsumbĩkaa e ĩũlũ wa syũmbe syĩ nthwau syĩtawa akelũvi. 7Nĩmaumisye Ĩsandũkũ ya Ũtianĩo nyũmba kwa Avinatavu, na mayilĩĩla ĩkasyanĩ yĩtaatũmĩwa ĩngĩ. Usa na Aio nĩmo maingĩte ĩkasya yĩu. 8Ndeviti e na andũ onthe ma Ĩsilaeli nĩmasũngie na vinya woo w'onthe me mbee wa Mwĩai Ngai. Nĩmainaa makũnĩte mĩio ya mbathi: Ngitaa nini, ngitaa nene, ndambulĩnĩ, tũmasaya na masoo.

9Yĩla mavikie kĩvũĩonĩ kya Kitoni, nzaũ nĩsyatiũũkie na Usa atambũũkya kw'oko kwake atw'ĩĩke Ĩsandũkũ ya Ũtianĩo. 10Mwĩai Ngai nĩwathatiw'e mũno nĩ Usa na amũaa, nũndũ nĩwatambũũkisye kw'oko kwake akiita Ĩsandũkũ ya Ũtianĩo. Usa nĩwakwie e vau mbee wa Mwĩai Ngai. 11Ndeviti nĩwathatie nũndũ Mwĩai Ngai nĩwathatiw'e mũno nĩ Usa; kwoou vandũ vau nĩveetiwe Velesi-usa.#13.11 Velesi-usa: Ũalyũlo wa ĩsyĩtwa yĩĩ nĩ ũkany'o wa Usa. Kũvika o na ũmũnthĩ vetawa ũu.

12Mũthenyanĩ ũsu, Ndeviti nĩwakĩie Ngai na akũlya atĩĩ, “Ndonya ata kũete Ĩsandũkũ ya Ũtianĩo ya Ngai ũsũvĩonĩ wakwa?” 13Kwoou Ndeviti ndaatwaa Ĩsandũkũ ya Ũtianĩo yĩthĩwe ũsũvĩonĩ Ndũanĩ ya Ndeviti. Vandũ va ũu, nĩwayĩtwaie mũsyĩ kwa mũndũ weetawa Oveti-etomu ũla waumĩte ndũanĩ ya Ngathi. 14#1Mav 26.4-5 Ĩsandũkũ yĩu nĩyekalile vau vandũ va myei ĩtatũ. Mwĩai Ngai nĩwaathimie andũ ma mũsyĩ wa Oveti-etomu vamwe na syĩndũ syake syonthe.

Currently Selected:

1Mav 13: KAMBA

Highlight

Copy

Compare